【周末好天氣】銅鑼灣海景Brunch好位置！

趁好天氣同朋友嚟個海景Brunch！

嚟到銅鑼灣Les Saveurs Private Kitchen，望出去就係紅隧口，天朗氣晴日子可以由東至西見晒成個維港景！

餐廳本身係開放式，不過裝有流動層板，想要多啲私隱都輕易安排到唔同大小嘅廂房。

先嚟個麵包籃，好精緻嘅法包同牛角飽，好鬆軟香脆，唔塗牛油都好好食！

Menu有啲係法文(!?) 唔緊要！店員會貼心地先解釋再落order！

留意返，店入面嘅碟有幾個動物款式，又幾Kawaii喎！

頭盤每人選一款，炸蝸牛波波加上香芹蒜蓉牛油好惹味，賣相有點分子料理嘅感覺。

另一款頭盤係象拔蚌，質感夾口，一啖放入口好滿足，仲有西洋菜泡沫，配搭沙律菜都好好味。

主菜我選咗42度煙燻三文魚(+$88)，上菜嘅時候用玻璃蓋冚住，喺客人面前繼續煙燻，大概兩分鐘後店員打開個蓋，走出嚟嘅煙燻效果勁Artistic！

煙燻三文魚配搭黑魚籽感覺勁華麗。切開慢煮三文魚，肉質油潤鮮嫩，滑到不得了！配鹹香黑魚籽，鮮味出晒嚟！

醬汁用上紅菜頭蓉，旁邊仲有幾粒蘋果辣薑汁啫喱，又幾清新喎！

另一款主菜選咗龍蝦天使麵，主角除咗龍蝦肉之外，仲有龍蝦Cappuccino包住天使麵，每條天使麵都索晒鮮甜龍蝦汁，不過份量偏少，真係唔係幾夠喉！

之後到是日餐湯—雅枝竹忌廉湯，店員先上一隻吉碟(!?)，

再以茶壺即席倒出熱嘅忌廉湯，飲嘅時侯將伴碟嘅雅枝竹脆同乾火腿拌落去一齊飲，忌廉湯打得細滑，餐湯每日都唔同架！

甜品方面，檸檬蛋白撻賣相好靚，檸檬味道清新，配搭雜莓雪芭酸酸甜甜效果好夾。

另一款係朱古力慕絲蛋糕，朱古力味好濃，配搭同樣香濃朱古力雪糕，朱古力Lover一定大愛！

兩款甜品，一個輕怡一個重口味，任君選擇，甜品迷都唔會失望！

法國菜當然要慢慢享受，同朋友嚟慢慢傾絕對可以令人放鬆心情，而且午餐四道菜只係$238，食呢個景+法國菜絕對超值！

是次小分享完畢，有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn

任何合作請接洽: aminn613@gmail.com

[居酒屋] 從此愛上sparkling sake《澪》

今次飯局回歸夠旺的旺角
友人選址到旺角警署後面酒吧街的稚內吃飯

特別在主廚是曾在Amber工作的大廚

稚內供應多款傳統日菜之外還有Fusion菜
而且所有餐具也是用上同一系列的日式圖案

環境為小店加份!

坐下來原來友人已經點了有氣的sparkling sake《澪》

酒精味不重入口帶點氣還要略甜
Aminn不喜歡sake的烈味
但就超喜歡喝《澪》 哈哈哈~

日本料理首先都會食刺身
這個散發着乾冰煙的極上刺身盛共有五款刺身

分別是甜蝦、帆立貝、三文魚腩、劍魚和八爪魚
款款都肥美鮮甜 

Aminn是三文魚lover當然最喜歡三文魚腩 hehe~

之後壽司和軍艦也來了
油甘魚壽司、火炙左口魚邊黑松露壽司、蟹膏軍艦

Aminn最喜歡是廣島蠔軍艦 雖然是最簡單的

不過蠔肉鮮美 不是大蠔也很creamy

之後繼續三文魚lover

柚子醬三文魚他他配合三文魚子伴著多士同吃
賣相已經滿分!!! 而且開胃又美味

之後熱食時間 首先來個燒魷魚筒

看起來十分普通 平時Aminn也不大喜愛
不過稚內的魷魚筒入口鮮甜而且軟身入味
似乎火喉控制得好好 除非用料非常好 哈哈哈

另一個有驚喜的是西冷牛排配砵酒泡沫

5成熟西冷肉汁豐富
而底層的泡沫原來不止忌廉泡沫
除了白汁還有雜菇和牛油薯茸

大膽講句 比牛扒更突出呢!

飯局最後當然要點甜品
Opera的朱古力層古力味濃

竟然居酒屋都有Opera! 而且出乎意料美味!!!
另外還點了柚子雪葩

淡淡的柚子味 相當清新
而且一點酸酸的感覺可以幫助消化

去稚內只要從港鐵太子站旺角警署出口往後面酒吧街就到

約食飯非常方便

是次小分享完畢 有興趣可按 麵語錄aminn 或本站內其他分享 :)

Aminn.  
Lifestyle Blogger / Freelance Writer

www.fb.com/m.for.aminn / www.instagram.com/starzaminn
有關博客工作紀錄, 任何合作或訪問請接洽: aminn613@gmail.com