2016年10月31日星期一

【閃閃多美麗】樓上鑽飾店NS Luxury

聽聞好多男生需要花費幾萬蚊先買到隻靚嘅戒指氹另一半,如果係用嚟求婚嘅鑽石戒指,往往因為要照顧女友面子而增加結婚開支。所以近年連鑽飾店都搬到樓上,大大减少租金支出,定價比集團大行實惠得多。





上星期去到Ns Luxury尖沙咀樓上店,店內除咗有鑽石戒指,仲有其他有色寶石、珍珠頸飾耳環、配襯飾物等等





作為期待收到鑽石戒指嘅女生(狂笑~)又點可以對鑽石唔認識呢?
之前喺大行睇過吓啲小冊子,原來只係介紹其中部分,Ns Luxury枱面放有詳細嘅鑽石分辨板,列出更加全面嘅4C,即係Carat克拉/(重量)Color(顏色)Clarity(淨度)Cut(車工)


可以先揀咗戒指托,再配襯心水嘅鑽石,Ns Luxury店舖有好多款戒指托可以選擇,二千幾蚊已經有好多選擇,至於如果想買到較優質嘅鑽石,最好預先打電話預約時間,Ns Luxury就會幫你安排理想嘅款式到店。



就算備有嘅戒指款式唔啱心意,Ns Luxury仲可以因應客人嘅要求訂造飾品,可以將設計意念話俾店員知,店員會直接安排師傅處理,仲有貼心嘅跟進同售後服務。
講開訂造款,Aminn嘅心水就係呢款情侶戒指,喜歡佢嘅顏色配搭,刻字部分仲可以調較企身,好似一條彩虹咁好可愛。而且仲有幾款刻字方式,可以配合唔同飾品款式刻上名字或者紀念日架!




之後店員拎咗一粒價值$70K嘅三卡鑽石俾我睇,有晒GIA證書證明呢粒鑽石嘅質素,由於Aminn唔識用放大鏡睇鑽石,職員都好耐心同親切重覆指導,用鏡睇主要睇有無雜質同瑕疵。一般嚟講睇完鑽石就會擺放到已經揀好嘅戒指托上面,呢粒石顏色非常白、非常閃囉~





另外Ns Luxury仲有一個最新為男士而設嘅貼心服務,就係可以代為安排浪漫求婚環節!其實男士都想另一半有美好回憶,不過往往就欠缺咗丁點浪漫,Ns Luxury就有幾個propose plan,除此之外,加上呢個內含LED燈嘅「求婚神器」,打開戒指盒就可以令求婚戒指更加閃令令,浪漫指數加晒分!



店舖嘅另一邊仲有珍珠頸鏈/耳環、鑽石耳環/吊飾等等,買嚟送俾媽媽或者自己襯衫都好百搭架~


更多詳情:http://www.nsluxury.com/


是次小分享完畢,有興趣可按 麵語錄aminn 本站內其他分享 :)

2016年10月30日星期日

【過癮關公】漢堡王竟然扮老麥

又嚟到一年一度嘅Halloween點解今日唔係假期呢

喺香港,啲舖頭同餐廳最多咪掛幾隻蝙蝠南瓜佈置下,或者推出一 主題 萬聖節食品或者大餐。Halloween源自外國玩得認真過我哋好多,創造力量同幻想真係會嚇你一跳
今次嚟到紐約呢間舖頭招牌上面披咗一大塊白色布,擺明就係扮鬼啦!布上面仲寫住麥當勞個名,睇落都幾得意吖,不過唔係話特別啫,咪又係老麥
少年人真係太年輕喇!你以為真係幫襯麥當勞入去買個包,一打開盒,咦?說好的巨無霸呢?原來呢間咁神秘麥當勞,其實係Burger King扮㗎!咁又sad,大家都漢堡包
重重點係,外國啲舖頭好多都係貢大間,Burger King竟然拎成間舖嚟玩,連個漢堡包盒都扮埋競爭,真係有創意我鍾意!成件事大膽得嚟又過癮Burger King個關公真係好Funny呀!

話事話,聽日就11月,即係話2016仲有2個月又完啦!


是次小分享完畢,有興趣可按 麵語錄aminn 本站內其他分享 :)

Aminn | Beauty.Food.Fun.Travel.Trendy| 
任何博客合作請接洽aminn613@gmail.com

2016年10月14日星期五

【部長LC迷你砂鍋】九州分店及日本網店限定!Kumamon Le Creuset Mini Cocotte。10月19日開賣

今次真係一個驚喜嘅合作啊!熊本縣營業部長Kumamon早排去咗法國,佢唔係去玩架!

佢去咗法國星級煮食用品品牌Le Creuset嘅生產廠房參觀,嘩~好多LC呀!

原來今次係會合作推出兩款Kumamon Mini Cocotte,分別有橙色同泥黃色,設計同用料係跟足Le Creuset Mini Cocotte架!
容量同樣係250ml,最大分別當正面有隻超搶眼嘅Kumamon而且仲會附送熊本料理食譜架!

售價方面係4000(未連稅)1019日起開賣。
不過呢個crossover只限九州分店同Le Creuset日本網店有售,香港嘅Fans可能需要轉折啲先買到喇~

而且今次合作仲有另一個意義,就係部分收益會捐到熊本作震後重建用途架!

售賣地點:
1019日発売:日本網上商店、博多阪急(福岡)、岩田屋本店(福岡)、鶴屋百貨店(熊本)、山形屋(鹿児島)、マリノアシティ福岡、鳥栖プレミアム・アウトレット(佐賀)
1112日発売:福岡PARCO專門店


是次小分享完畢有興趣可按 麵語錄aminn 本站內其他分享 :)

Aminn | Beauty.Food.Fun.Travel.Trendy| 
任何博客合作請接洽aminn613@gmail.com

2016年10月12日星期三

【金記電車站】金記冰室分店。越來越好玩

早兩個星期趁假期前空檔,
終於約到幾個Friend子晚飯,竟然又係去金記冰室,
原來新店開到去銅鑼灣時代廣場附近,呢間分店勁就腳喎!




呢間金記冰室分店位於銅鑼灣霎東街,
即係好久以前電車廠嘅所在地,冰室配合「電車站」主題,
喺店內正中有「一架」仿製電車,係往金記嘅原址「筲箕灣」,
店內裝修亦充滿懷舊感超有心思,啱曬 Selfiepost相呃Like啦~



我哋點咗晚飯小菜套餐,包中湯或者羅宋湯,仲有白飯同飲品。
意想不到冰室到竟然有原條蒸魚,梗係要order啦!
仲叫左幾個中式小炒,京蔥蜆介雞皇、XO醬茄子牛仔骨 、蒜蓉炒西蘭花。


估唔到去冰室上至茶餐小食,下至晚飯小菜,中式西式都有,真係嚇親寶寶!

題外話,熱飲杯印咗舊香港建築,好可愛囉~心心眼
凍飲揀菠蘿冰同凍檸賓都唔錯喔~

是次小分享完畢有興趣可按 麵語錄aminn 本站內其他分享 :)

Aminn | Beauty.Food.Fun.Travel.Trendy| 
任何博客合作請接洽aminn613@gmail.com