2017年7月1日星期六

【平玩360】Jolt DUO 360 運動相機

隨住市面上嘅360器材越來越容易入手,社交平台都越來越多機會見到360嘅相片同影片,你都心思思想入一部?

呢部外表好似某運動相機嘅Gigabyte Jolt DUO 360 ,同其他外表長形嘅360相機好唔同,細心少少睇前後有啲分別,就係嗰個收音位。

機身只有三個按鈕,一個開關、一個Wifi同一個拍攝快門,相機頂仲有提示燈,操作簡單到連科技殺手Aminn都用到。不過佢係用內置電池,只支援用Micro-USB叉電,相機側邊就係USB叉電位同Micro-SD卡槽。

Jolt DUO相機規格屬普通,雙鏡頭只係配備400萬像素,同市面其他360相機相機約1500萬像素相差的確一大節距離。但係可視角度具有雙220度超角廣鏡,可以完整影到360度水平同垂直視覺。

Jolt DUO仲有支援軟件,可以直接透過手機應用程式控制Jolt DUO唔同嘅拍攝模式。
全景模式比較接近一般喺facebook見到嘅360模式,
而環繞模式就係一個圓球畫面比較抽象,
應用程式入面仲可以瀏覽相片同影片,設定相片嘅解像度、影片嘅解像度同白平衡等等。

Jolt DUO嘅基本配件有一收納袋、一條Micro-USB線同一個底座。
仲有一套Outdoor Kit,有防水相機殼、飄浮手柄、頭盔夾、粘貼底座、單車底座同單車柄底座,絕對滿足到鍾意去行山或者玩刺激活動嘅朋友。
如果你同Aminn一樣玩都係比較靜態,Lifestyle Kit嘅八爪魚腳架同自拍棍已經夠出街喇!

實地到Facebook體驗一下先~
我自己較喜歡全景模式
影完出嚟嘅全景就係咁嘅 接駁位好似有少少唔啱位?

不過睇返Facebook post出嚟嘅360 >> http://bit.ly/2uwtAF7 
因為唔係原圖咁嘅平面 效果都算可以接受呀~



雖然Jolt DUO 360影出嚟嘅效果唔會係大師級,但以價錢嚟睇,$649已經包括主機連Lifestyle KitOutdoor Kit,入門級嚟講絕對好抵玩!

是次小分享完畢有興趣可按 麵語錄aminn 本站內其他分享 :)

Aminn | Beauty.Food.Fun.Travel.Trendy| 

www.facebook.com/m.for.aminn / www.instagram.com/starzaminn
任何博客合作請接洽aminn613@gmail.com