2017年3月29日星期三

【懶人福音】GU自動收銀機 唔洗2分鐘搞掂走人!

日常生活越嚟越多機會接觸到AI人工智能,尤其喺機械人大國日本,多個零售服務開始引入AI系統,好似深受香港人歡迎嘅服裝品牌GU,日本300間分店喺上年陸續使用自助結賬服務。


月初Aminn到名古屋旅行,發現GU收銀櫃位唔同咗樣,
當抽住一籃子衫想去埋單嘅時候,有個店員就指示我到一部機器面前,睇到畫面張相示意將一籃子衫放入去櫃裏面,其實我都唔知發生咩事,終於店員察覺到我係遊客。。。
店員幫忙喺畫面按到選擇語言嗰版,記得應該係有日文、英文、中文(簡體)。。。

原來日本GU嘅收銀機已經自動化,客人只要打開機底櫃門,將一籃子衫放入去再閂門,機器會自動掃瞄貨品上面barcode位嘅IC標籤,機器就會計算到總金額,過程只需要幾秒鐘!!仲可以選擇畀現金或碌卡,埋單之後自行將一籃子衫拎到後面櫃枱再自行入袋,好似今次買咗3件衫,成個過程只需要2分鐘,既方便又快捷!

自動收銀機佔位少,動作又快,唔駛等店員逐件「嘟」,完全解決到排隊問題。不過仍然會保留幾個傳統櫃台處理需要退稅嘅貨品。至於香港嘅GU有無自助收銀機,就好似無嘅,不過可以「嘟」八達通同信用卡。提提你,香港GU會喺331日美麗華商場店會開幕,而皇室堡店就喺41日開幕!
 

是次小分享完畢有興趣可按 麵語錄aminn 本站內其他分享 :)

Aminn | Beauty.Food.Fun.Travel.Trendy| 

www.facebook.com/m.for.aminn / www.instagram.com/starzaminn
任何博客合作請接洽aminn613@gmail.com

2017年3月24日星期五

【Min can cook】懶人熱香餅配有機龍舌蘭糖漿

話說Aminn心血來潮想整Pancake,有心整其實唔難,買包熱香餅預拌粉,加蛋加奶拌勻就可以準備煎啦!
我仲要買獨立包裝嘅預拌粉,開一包大約整到6-8塊(視乎厚薄),後面有埋用料份量,真係簡單到!

材料: - 牛奶 200ml - 蛋 1隻 - 熱香餅粉 200g 先預熱煎pan,快手將粉漿倒到煎pan中央,倒嘅時間太耐會令煎出來嘅顏色唔平均架! 煎到餅面有好多氣孔(再無出新氣孔)就可以翻另一面,記住每片粉漿份量要差不多。
煎好之後放上碟放涼,煎好晒就疊好,然後放上牛油同淋糖漿~~~

食得!


注重健康嘅朋友,或者想要改變飲食習慣的話,今次Aminn用咗有機龍舌蘭糖漿嚟代替其他過甜嘅糖漿
有機龍舌蘭糖漿唔單止可以用喺甜品,亦可以代替糖加到飲品,或者用嚟烹調,大大減低了白糖對身體嘅傷害。聞說白糖對人類身體會造成78種損害,減低糖份吸收,就係食得健康嘅第一步。



呢支Naturel純天然有機龍舌蘭糖漿,由墨西哥仙人掌類植物藍龍舌蘭花提取。不含任何化學物質或殺蟲劑,無基因改造,屬純素及無麩質食品,而且不含致敏原。
而且比蔗糖甜25%但糖份比砂糖低,用量比砂糖少三份二就可以達到同樣的甜度,加上低升糖指數(GI 27),食用後唔會突然令血糖升高,適合關注血糖、體重及健康人士食用。


Naturel 有機龍舌蘭糖漿
銷售地點:O’FARM、WATSONSMALL、源生坊


是次小分享完畢有興趣可按 麵語錄aminn 本站內其他分享 :)

Aminn | Beauty.Food.Fun.Travel.Trendy| 

www.facebook.com/m.for.aminn / www.instagram.com/starzaminn
任何博客合作請接洽aminn613@gmail.com

2017年3月12日星期日

【懶人福音】Starbucks新服務!唔洗排隊飲咖啡!

如果你係Starbucks嘅常客,應該都有用過佢嘅手機應用程式,可以搜尋分店資料同瀏覽飲品及食品等功能,而且登記做Starbucks會員更加可以直接用手機應用程式嘅儲值付款。

Starbucks Hong Kong最近仲推出新功能「Mobile Order & Pay」,可以透過手機應用程式喺客人指定嘅分店預先落單,因應顯示嘅等候時間到分店就已經準備好晒你嘅Order,慳返排隊時間之外,仲好適合Aminn呢啲選擇困難症患者,拎住電話慢慢諗再落單仲得。呢個新功能已經喺311日投入服務,跟住睇吓點樣落單先!

Starbucks手機應用程式本身都有中文同英文語言選擇,「Mobile Order & Pay」操控簡單,除咗有實物圖片,仲有飲品及食品嘅價錢,同實時有無存貨,真係方便到不行!

連平時到Starbucks買咖啡可以跟個人偏好落單,而家連App都有呢個服務!想skimmed milkskimmed milk,想無糖就無糖,唔駛再嫌自己麻煩~哈!

Aminn仲準備咗影片教學俾大家!




雖然「Mobile Order & Pay」好方便,不過首先要有有面值嘅Starbucks Card,同埋登記咗做會員先用到架!

Mobile Order & Pay」不適用於以下香港/澳門分店:香港浸會大學、香港科技大學、香港大學學生會、香港大學圖書館、東區尤德醫院、聖德肋撒醫院、太古廣場106號、亞洲國際博覽館、澳門永利2及永利皇宮後舖。


是次小分享完畢有興趣可按 麵語錄aminn 本站內其他分享 :)


Aminn | Beauty.Food.Fun.Travel.Trendy| 


www.facebook.com/m.for.aminn / www.instagram.com/starzaminn
任何博客合作請接洽aminn613@gmail.com

2017年2月26日星期日

【旅遊新知】Hello Kitty主題房!馬來西亞新山親子天堂

喺香港都有嘅香港今旅酒店 (Hotel Jen Hong Kong)」,最近同集團嘅馬來西亞新山柔佛公主港仁民酒店 (Hotel Jen Puteri Harbour, Johor)Sanrio合作,推出咗12Hello Kitty主題房!

除咗粉紅色Kitty主題,仲有藍色水手主題,作為FansAminn真係嗌咗出嚟!如果屋企都可以打造成咁就好啦~




話說回來,柔佛公主港仁民酒店就喺Hello Kitty Land隔離,仲有接駁車大約10-15分鐘就到Lego Land,而且一晚價錢唔駛HK$750-1000帶埋小朋友一齊去,又玩又方便


酒店官網可以睇到更多資料:https://www.hoteljen.com/cn/johor/puteriharbour/about/



當然可以上各大酒店優惠網站格下價,可能仲有驚喜架!


是次小分享完畢有興趣可按 麵語錄aminn 本站內其他分享 :)

Aminn | Beauty.Food.Fun.Travel.Trendy| 
任何博客合作請接洽aminn613@gmail.com

2017年2月17日星期五

【部長又嚟啦】日本咖啡廣告為熊本打打氣!

熊本上年4月發生七級地震之後,現時整個熊本仍然努力復修緊,包括損毀嚴重嘅地標熊本城。日本企業Suntory最新推出嘅罐裝咖啡Premium Boss系列廣告「Premium 熊本編」以熊本城作為故事背景,好多網民睇完都話超有Heart!

廣告開始可以睇到熊本城外圍嘅損毀情況。




日本神級主持Tamori San同Kumamon嚟到重建中嘅熊本城。




飾演外星人Jones《黑超特警組》Tommy Lee Jones以建築工人出場。



Jones帶大家穿越時空回到日本戰國時代,一齊扮忍者潛入熊本城,希望知道熊本初代藩主加藤清正嘅建築秘訣!



加藤清正係日本史上最有名嘅建築名家,曾經參與建築熊本城、江戶城、名古屋城等等,廣告入面仲分享咗小知識,原來熊本城城牆有15間高(即27米),而且要彎彎哋咁起有助防震。



點知!佢哋不慎被發現,唯有即刻返嚟現代。



Tamori San同Kumamon講:「呢座城一日唔復修完畢你哋都會無心機呢!」Jones就話:「呢個星球上熊本城嘅真正戰鬥而家開始!」



預計熊本城要到2036年先完成復修,熊本奸爸嗲嘅呢!



熊本熊 x Tamori x 《黑超特警組》Jones 最新Premium Boss廣告:




是次小分享完畢有興趣可按 麵語錄aminn 本站內其他分享 :)

Aminn | Beauty.Food.Fun.Travel.Trendy| 
任何博客合作請接洽aminn613@gmail.com