2018年7月31日星期二

【媽媽新寵】湊B好幫手 多功能智能測溫器

湊咗BB半年有多,其實BB難唔難湊?我聽啲有小朋友嘅媽媽朋友講,讀書之後就會覺得當小朋友仲係BB嘅時候好易搞,我認同嘅,其實Aster姐喺3個半月大已經叫做戒咗夜奶(當然間中一晚醒就唔計),加上照顧上已經上手,所以而家舒服咗好多。

日常照顧唔係餵奶換片就係同佢玩,佢夜晚瞓咗終於可以有返少少私人時間,但係BB始終都要經常密切留意住佢嘅狀況,所以有幫手的確會好啲啲嘅。
最近收到呢個嚟自新加坡嘅幼兒產品「Pomo Bebe智能嬰兒小天使」,其實係一個集溫度計、定位監察同計步器於一身嘅湊B好幫手!



白色「智能嬰兒小天使」主機配上Tiffany Blue磁石貼,方便貼合同時有基本穩固性,size大過5蚊銀少少,用USB 叉滿一次電就可以用到大約一個月。

話說對住科技用品會有啲頭痛嘅我,首先都係要睇睇說明書,研究下點用先!
用法非常簡單,如果量度體溫,搖一下之後就會出現n n(代表開機),再搖多下就會出現「0 0」,然後對住額頭距離1cm,等待5秒之後就會出現數字。(Aster姐第一次見到Pomo Bebe未習慣哈哈,所以會喺佢瞓覺先同佢探熱)

平時夾住喺小朋友啲衫仔(最好夾喺衫袋仔),出街都用到,方便紀錄小朋友日常。


開機後見到嘅數字其實就係直接量到嘅室溫;如果量度水溫,同量體溫一樣距離1cm5秒之後就會出現溫度數字。等我又試下量下其他嘢。
熱茶53'c
雪水16.4'c

跟住我哋試埋「Pomo BebeApp入面嘅功能
Download App之後,輸入BB嘅資料,就會出現可以睇record嘅版面。之後透過藍牙連接,就可以記錄BB每日嘅體溫、郁動/步行記錄同睡眠質素。

「智能嬰兒小天使」基本上有以下功能:
1) 室溫測量
2) 溫度測量:透過紅外線體溫測量器可以檢測體溫、奶溫、沖涼水溫度等等
3) 睡眠測量:記錄小朋友嘅睡眠質素

4)
動態器:透過小朋友嘅郁動/步行記錄活動狀況

5) 睡眠溫度:監察睡眠環境溫度,當小朋友冚被之後睡眠環境低過26度,代表可能戽咗被,就會有Alarm或者震動通知
6) 智能定位FindMe:當小朋友離開父母15米,亦會有Alarm或者震動通知,防止走失,呢個功能最啱用喺已經會周圍走嘅小朋友

除咗以上功能,「智能嬰兒小天使」仲有幾個特點:
7) 矽膠製造,安全物料符合國際標準
8) 防水功能
9) 配合智能手機App,除咗有即時監察仲有數據記錄,幫助家長了解BB嘅成長發展

如果你唔需要24小時keep住用,直接熄咗電話藍牙就可以熄埋「Pomo Bebe」,到需要用再着返藍牙開機。
Pomo Bebe智能嬰兒小天使」簡單易用,唔需要好繁複咁撳好多嘢,功能貼心地幫到手照顧小朋友,而且除咗用嚟照顧BB同小朋友之外,其實都啱照顧長者,適合家庭唔同需要。


是次小分享完畢有興趣可按 麵語錄食玩遊記 by Aminn 或 C家重地 其他分享 :)


Aminn | Beauty.Food.Fun.Travel.Trendy| 

麵語錄食玩遊記 by Aminn (Lifestyle)


C家重地 (Parenting) www.facebook.com/sy.lam.family
任何合作請接洽aminn613@gmail.com 

2018年7月29日星期日

【滴雞精好處】懷孕前後安胎補身 增強體質同時變靚

曾經或者準備懷孕嘅朋友可能都知道,滴雞精除咗補充懷孕孕婦營養,仲有助抗疲勞。孕媽媽需要補充自己同BB嘅營養,而產後媽媽就需要補身同改善產後氣虛。

喺中醫角度,雞係屬於甘味嘅食物,比較補同溫燥,功效主要針對脾胃。隨著年紀逐漸增加,生活忙碌、長期壓力積聚、食無定時、睡眠質素差等等,身體容易特別係懷孕孕婦滴雞精有助補充體力。上網search下「滴雞精資料,發現好多明星(尤其係熟齡女星)都會飲,主要係精神變好,keep住容光煥發,嘻嘻!

而家飲滴雞精唔再需要好似以前咁要自己去買原隻鮮雞,再花上6-8個鐘蒸滴到一碗。巿面上有多款選擇,好輕鬆就可以飲到一樣夠營養又好飲嘅滴雞精,唔洗自己再用半日去整不過雞嘅種類有好多種,製作出滴雞精都會有唔同功效,所以唔係隻隻雞都啱你口味,所以飲之前就要去了解下先決定邊款最啱自己。

今次就試試來自台灣元進莊晨露滴雞精品牌用咗經嚴格篩選嘅台灣土雞,擁有自家農場堅持走地飼養,肉質非常紮實,每隻都有重量限定約3.3kg而且設有自家CAS合格屠宰場把握黃金3小時屠宰蒸入鍋,過程保證不冷藏不凍鮮,鎖住原隻土雞精華

每隻土雞都會經過10個鐘高溫蒸滴,用傳統古法慢滴萃取出精華,亦無添加任何藥材成份,完全係原汁原味精華。每包滴雞精萃取出半隻雞營養,蘊含18種豐富氨基酸及膠原蛋白,保留對身體最好嘅小分子蛋白同胺基酸。

我收到晨露滴雞精冷凍版,需要-18℃冷藏保存,飲之前只需原包加熱3分鐘,非常方便快捷,呢種加熱方法唔會令精華被蒸發。不過留意返保存期只有6個月買咗就要快啲飲晒佢滴雞精亦非常適合懷孕孕婦飲用,因為佢係零添加、無香精、無防腐劑、無抗生素
 
晨露滴雞精飲落覺得佢味道甘甜、無腥味,濃厚嘅燉雞湯味道而且去油脂,零脂肪、零熱量,啱晒孕婦婦女或者想補身嘅人士,飲完都唔會怕變肥,既可補胎又可以增強體質

滴雞精最適合喺朝早空肚飲,成份最容易被吸收,就算腸胃無咁好都可以直接滴雞精入面吸收到營養成份。


最近我起身都飲咗晨露滴雞精先出門口,無之前好容易就好攰感覺,最開心係個人精神咗,面色都紅潤咗。另外因為滴雞精營養豐富有提神功效,夜晚飲有機會瞓唔着㗎!


是次小分享完畢有興趣可按 麵語錄食玩遊記 by Aminn 或 C家重地 其他分享 :)


Aminn | Beauty.Food.Fun.Travel.Trendy| 


麵語錄食玩遊記 by Aminn (Lifestyle)



C家重地 (Parenting) www.facebook.com/sy.lam.family
任何合作請接洽aminn613@gmail.com 

2018年7月16日星期一

【BB也歎SPA】嬰兒下水禮初體驗

近年流行Baby Spa,未有BB時見啲BB突個頭出嚟係咁踢水已經覺得好得意,而家機會嚟啦!Aster平時沖涼都好鍾意玩水、 踢水,所以一早決定咗等佢「大啲」 就帶佢嚟玩水!


就近揀咗屋企附近嘅Baby Spa,同BB去玩,返屋企方便好緊要!其實Baby Spa真心唔平,今次試玩價都要$368游水+按摩(平日$298),但係咁細嘅BB又真係唔適合去公眾泳池呀,所以都可以接受嘅。

Baby Spa/游水可以讓BB進行大肌肉運動,促進肺活量、血液循環同增高都有幫助㗎!

運動仲可以刺激大腦皮層神經,促進大腦發育,仲培養到BB適應能力同反應協調。不過要留意,游水前一個鐘要餵好奶,BB唔可以太餓或者太飽,保障BB嘅健康同安全。

今次去嘅Baby Spa喺商塲角落位,小小一個鋪位,但係去到門口,已經見到「泊滿車」。

入面有3個獨立小水池,同1個可以容納4BB一齊游水嘅大池,乾淨度都ok。不過由於BB會除衫,所以Baby Spa入面唔會開大冷氣,怕熱嘅家長最好自備風扇仔喇!


落水前Baby Spa姨姨會先同BB做下伸展運動,好似同佢玩咁,等佢哋熟習下環境無咁緊張。Aster暫時仲未怕生保,姨姨同佢按晒手、腳、身、背脊,睇下佢心情幾靚,幾咁期待,跟住麻媽揀埋個水泡,Aster就換埋泳褲仔,然後可以落水啦! 



今次試咗細池先,仲有迷你水泡同沖涼玩具陪佢,啱啱落水真係會唔知發生咩事,不過Aster好快已經fingfing腳,係咁自轉,仲好勁咁識踢牆反彈,真係識玩!通常Baby Spa都可以游15分鐘以上,最多唔過30分鐘,Aster第一次竟然游咗29分鐘!!



分享一下Aster嘅美妙泳姿(Click圖)
https://www.facebook.com/Sy.lam.family/videos/1015981351909844/ 


之後洗埋個靚頭沖埋涼就上水着返衫啦。

第一次游完水之後,Aster竟然攬住Baby Spa姨姨唔肯返爸爸度,爸爸表示。。。而且的確同其他爸爸麻媽分享一樣,跟住好易氹瞓覺,仲有嗰晚真係好好瞓,哈哈!



是次小分享完畢有興趣可按 麵語錄食玩遊記 by Aminn 或 C家重地 其他分享 :)


Aminn | Beauty.Food.Fun.Travel.Trendy| 

麵語錄食玩遊記 by Aminn (Lifestyle)


C家重地 (Parenting) www.facebook.com/sy.lam.family

任何合作請接洽aminn613@gmail.com