2016年9月30日星期五

【麥兜點心】尚點就點 · 點嘜兜得 仲送你麥兜杯緣子

有隻小豬嘜憑住圓碌碌嘅身形、天真嘅想法同有腳瓜囊咁粗壯嘅毅力深得民心,算得上係一隻代表香港嘅卡通人物。原來麥兜已經陪伴我們21年啦!

最近,麥兜同一班春田花花幼稚園同學仔聯乘尚點小籠包上海麵館,推出咗「尚點就點 ·點嘜兜得」麥兜點心,化身成一系列具有香港代表性嘅「麥兜點心」。
各位粉絲只要惠顧「尚點就點.點嘜兜得」套餐,就會有 尚點x麥兜 紀念品架啦!
有得食又有得拎,千萬不要錯過呀!

「尚點就點.點嘜兜得」二人A
包括:麥兜奶皇包、雞絲粉皮、油菜、大兜炒飯、麥兜椰汁糕、黃金家常餅,$2866「麥兜點心」仲有紀念品都幾抵玩


3大必食麥兜點心

麥兜奶皇包 $32
大包整多兩籠唔怕滯今次無大包食住濃濃嘅奶皇加上鹹蛋黃嘅奶皇包先啦!

大兜炒飯 $72
嗯。。。就係一大個麥兜炒飯嚕~

麥兜椰汁糕 $26
咁可愛嘅麥兜椰汁糕,軟滑香濃椰汁同牛奶味。
其實究竟係麥太定麥兜嚟?傻傻分不清!

10月嚟到尚點分店惠顧「尚點就點.點嘜兜得」二人A餐就可以得到麥兜禮品2份架啦!或者惠顧任何1款麥兜菜式,加$10都可以換購麥兜禮品1份架!很想要吧!

換領時間:
10月3日至11月6日:尚點x麥兜小籠包造型毛巾

11月6日至12月31日:麥兜's杯緣子



尚點小籠包上海麵館

沙田置富第一城1117A
長沙灣元州商場地下G02-02A
藍田麗港城商場164-66
營業時間︰12:00-4:306:00-11:00 (星期一至四)12:00nn-11:00pm (星期五至日)

是次小分享完畢  有興趣可按 麵語錄aminn 本站內其他分享 :)

Aminn | Beauty.Food.Fun.Travel.Trendy| 
任何博客合作請接洽aminn613@gmail.com

2016年9月29日星期四

【個人專屬彩妝寶盒】ANNA SUI 2016年秋妝新品率先睇

早前Aminn出席ANNA SUI2016年秋妝新品發佈活動,
好多女仔鍾意佢哋嘅產品,更加鍾意佢哋嘅設計,
ANNA SUI嘅產品真係靚到唔捨得用,今次新品除咗有彩妝之外,
仲有非常特別嘅染髮筆同多效閃粉霜 ,一齊嚟睇下啦!


ANNA SUI今次全新彩妝Mysterious Fairy Tale 神秘的童話
以森林系甫到現場就見到好多粒唔同顏色多用途寶石!
而且顏色都係夢幻粉色系,對女生嚟講簡直Bling Bling眼,
最後我都挑選咗最啱我習慣6粒唔同顏色寶石入我個森林寶盒,

包括眼影 胭脂唇蜜,一盒就配合到兩款以上妝容,
同一個寶石盒亦可配4粒寶石同2支迷你眼影掃,
而且寶石盒底部附有一個環扣,可以掛起各款迷你化妝掃
一盒就可以化到個妝,而且出街攜真係勁方便!

上妝前要做好補濕打底,滋潤嘅肌膚可以令妝容更加貼服架
今次試試ANNA SUI草本柔亮爽膚水同果療水潤導入液,
兩款產品嘅包裝就好似皇帝同皇后,而今次秋妝系列就好似公主,
完全配合到女生嘅幻想空間~卡卡

今季新品除咗主打自選彩妝寶盒之外,連底妝也唔例外!
滋蜜亮澤透薄底霜(4色系)同透亮柔滑BB粉餅(3色系)。
滋蜜亮澤透薄底霜加入美容成份玫瑰果精華油
底霜有效均勻膚色,讓肌膚變得細緻而且水潤,
平均塗上之後
形成一層柔軟薄膜
大家可按需要塗多一層底霜增加遮瑕度。


之後就上透亮柔滑BB粉餅啦~一盒擁有3種漸顏色嘅粉餅

淺色部份可以做Highlight令輪廓更鮮明深色部份則作陰影部份,
粉餅盒底部也附有環扣可以掛起迷你化妝掃,方便補妝喔!

新品系列仲有幾款周邊產品,
包括魅影眉毛睫毛液,二合一設計,眉毛同睫毛都需要配合妝容架!

多功能的閃粉霜可以塗喺頭髮眼皮同身體上,配合妝容增加閃爍感。
如果想頭髮更"出色"就用幻彩染染髮筆,讓頭髮加一點顏色!
可以做單一顏色,或以力度控制漸變效果,
只要用洗髮水就可以清乾淨啦

ANNA SUI 2016年秋妝新品十月就會推出,
有興趣嘅朋友仔可以到專櫃體驗一下架

是次小分享完畢  有興趣可按 麵語錄aminn 本站內其他分享 :)

Aminn | Beauty.Food.Fun.Travel.Trendy| 
任何博客合作請接洽aminn613@gmail.com

2016年9月18日星期日

【肥媽食譜】今個夏天食平D (第16-18集)

食平D又返嚟喇!既然喺Amazing Summer推出《今個夏天食平D》,肥媽當然要 推出更加Amazing嘅環節,直接去到觀眾嘅屋企,打開雪櫃見乜就煮乜!

今輯除咗主要用夏天嘅食材,仲有喺街市即買即煮,繼續慳錢大智慧!以下就係節目入面嘅部分食譜。


最正當然係芒果糯米飯壽司,同埋飄玲燕個friend...雪燕雪燕雪燕

16集食譜

《杏汁雪燕》

材料:南杏,北杏,樹上雪燕,冰糖

做法:
1.
樹上雪燕先用水浸一晚
2.
南北杏比例8:2,將北杏嘅尖端去切去除
3.
南北杏先蒸,再用攪拌機打碎南北杏
4.
將冰糖用滾水煮融,倒入攪拌好嘅南北杏,大約煲十多分鐘就可以

《淮山茶碗蒸》

材料:鮮淮山,銀杏兩粒,蟲草花,油牛肝菌

做法:
1.
將素湯加入茶碗至三分一滿
2.
淮山刨皮, 磨蓉加入茶碗至7成滿
3.
加少量椒鹽及鹽調味
4.
上面放上鮮蘆筍,甘筍片同蟲草花銀杏兩粒
5.
放入鍋內,隔水蒸大約15分鐘
6.
如果有牛油肝菌,蒸好15分鐘,再加入茶碗內,多蒸5分鐘ok

《蘿蔔煮魚肉片》

材料:南昌葉蘿蔔,魚肉,蔥花,芹菜,生粉,鹽, 胡椒粉

做法:
1.
先用鹽,胡椒粉醃魚肉, 再加小小蔥花,芹菜, 加生粉攪勻, 醃十多分鐘
2.
蘿蔔切絲
3.
加油,魚肉放落鍋大火煎, 一路煎將魚肉壓平成餅狀, 煎至七成熟可取出切成條狀
3.
爆香薑粒,蔥頭, 蒜片, 再加入蘿蔔絲,少量胡椒粉
4.
加上湯鹽 糖
5.
上湯一滾可加入魚肉, 加入芹菜粒, 少量蔥粒更香, 最後加一湯羹蠔油, 少量麻油同紹興酒就可以

《菜脯菜心肉鬆生菜包》
材料:免治豬肉, 薑粒,蒜頭,蘿蔔, 菜心,菜脯, 乾蔥, 生菜

做法:
1.
先將蘿蔔, 菜心切粒
2.
用少少油,將免治豬肉爆香, 加少少紹酒
3.
加入蔥頭,少少蒜, 薑粒 黑胡椒, 之後加入菜脯,菜心粒,少量芹菜,小小蔥粒 最後落一湯羹蠔油
4.
煮好後上面再加芝麻
5.
用生菜包住食正


17集食譜

《芒果糯米飯壽司》

材料:芒果,糯米,椰漿,糖

做法:
1.
糯米浸水約三至四個鐘,在鍋內隔水蒸大約半小時
2.
將糖熱水煮,變成糖水
3.
糯米飯蒸好後倒入碗中,加入糖水同椰漿攪勻
4.
攪勻後的糯米飯搓成壽司,放上芒果片
5.
食前淋上椰漿

《蝦醬椰菜炒豬頸肉》

材料:豬頸肉,泰式蝦醬,泰國椰菜仔,紫椰菜花,蔥頭,蒜,薑,糖,生粉,生抽,紹興酒

做法:
1.
先用糖,生粉同生抽將豬頸肉醃一陣
2.
豬頸肉落鑊煎香,加入蝦醬一齊炒八成熟取出
3.
蝦醬用紹興酒發開,爆香蔥頭、蒜、薑,加入蝦醬,紫椰菜、泰國椰菜仔和糖,燜一會。
4.
加入豬頸肉,炒至全熟會即可上碟

《咖喱花奶煮南瓜》

材料:泰國茄子,泰國南瓜,椰子樹心,紅咖喱醬,金不換,花奶,洋蔥蒜,薑,蔥頭,紹興酒,鹽,糖,魚露

做法:
1.
紅咖喱先用少少紹興酒開稀
2.
爆香洋蔥,蒜,薑,蔥頭再加入紅咖喱
3.
加入椰子樹心,南瓜同茄子一齊炒
4.
落鹽、熱水、糖調味,然後燜一陣至南瓜變軟
5.
最後落魚露,花奶同金不換一齊炒多陣

《越式米紙卷伴脆炸洋蔥》
材料:海蝦,越式米紙,青木瓜,紅蘿蔔,唐生菜,米粉,金不換,青檸,辣椒,蒜,魚露,糖,薄荷葉,洋蔥,雞蛋,麵粉

做法:
1.
先將麵粉,少量甜椒粉和鹽撈勻
2.
洋蔥切花,沾上蛋液,再均勻(1)麵粉,用大火炸至金黃色洋蔥花綻開
3.
製作醬汁,辣椒切粒,加入青檸汁、青檸皮,糖,魚露,蒜,薄荷葉同金不換
4.
將米紙剪開一半,米紙輕輕浸水,在上面放上蝦,紅蘿蔔絲、木瓜絲、生菜、金不換同米粉,然後捲起


18集食譜

《竹蔗茅根馬蹄蘋果湯>

材料:竹蔗 250克, 茅根 60克,馬蹄200克,蘋果兩個,果皮一塊,瘦肉450

做法:
1.將瘦肉用酒,薑飛水
2.
果皮先浸軟,刮瓤
3.
將蘋果14份, 留皮去心
4.將竹蔗洗淨,開半
5.
茅根洗淨瀝乾,馬蹄洗淨去皮, 略拍扁
6.
將所有材料放入滾水中,大火煲滾後以中小火煲約1小時15分鐘
7.
最後已然調味

《新派馬友魚》

材料:馬友一條,普寧豆醬2湯匙,糖25克,鹽50克水500毫升

做法:
1.
將馬友打輪鱗洗淨後, 在魚身兩面各三刀
2.
將水,糖,鹽放進保鮮袋搖勻
3.
將馬友放進保鮮袋後,放進雪櫃冷藏一晚,備用
4.
將馬友從保鮮袋拿出,用保鮮紙包實後蒸1012分鐘,再放涼後置雪櫃冷凍後食用
5.
將半個檸檬汁,檸檬皮,半隻指天椒,少許糖加入普寧豆醬內攪拌,作汁醬

《醃魚仔蓮藕煎肉餅》

材料:潮州醃魚仔,蓮藕300克,免治豬肉300

做法:
1.將潮州醃魚仔切碎
2.免治豬肉加入適量生粉,糖,生抽攪勻,再加入(1)攪拌 
3.
將蓮藕刨成絲後榨乾水份,加入(2)內, 拌入蔥花,少許姑粉,攪勻
4.
放入雪櫃雪1520分鐘
5.
(4)搓成理想大小,落鑊煎香至金黃色全熟

《小炒王》

材料:韭菜花100克,銀芽60克,蝦乾60克,鮮魷一隻,冬菇五隻,菜脯50


做法:
1.
將蝦乾浸軟
2.
冬菇浸發後去蒂切絲, 備用
3.
魷魚去內藏,洗淨切圈,備用
4.
將蝦乾,適量薑絲,紅蔥頭,落鑊爆香
5.
加入冬菇,菜脯略炒
6.
加入銀芽,韭菜花,魷魚快炒
7.
加入鹽,胡椒粉,紹興酒,麻油調味後上碟
8.
以少量潮州醃魚仔放面(有就加)


是次小分享完畢  有興趣可按 麵語錄aminn 本站內其他分享 :)

Aminn | Beauty.Food.Fun.Travel.Trendy| 
任何博客合作請接洽aminn613@gmail.com