2017年11月25日星期六

【頭皮抗衰老】改善脫髮—50惠養潤育髮精華

唔好以為只有孕婦先會經歷掉髮喎,一般人因為壓力、環境污染、經常電染、免疫力低、年紀關係都會令頭皮同頭髮唔健康㗎!大家一般以為用焗油、搽髮尾油就可以令頭髮亮麗其實只係對髮尾有幫助!真正想修復髮絲就需要注重頭皮健康!

唔健康嘅頭皮直接牽連到頭髮乾燥缺水、幼弱無力、開叉折斷、暗淡無光,仲會引起頭皮屑,最嚴重就係脫髮問題!

針對東方女性髮質,50惠養潤育髮精華素由日本樂敦藥廠研發,蘊含50種珍貴養潤成分包括人參、蠶砂、地榆、透明質酸及當藥等,有效激活毛囊、預防同改善脫髮問題,係專攻頭皮嘅精華素,用嚟補充水份、營養同抗衰老,就好似日常潔面之後都要搽護膚品吸收養分一樣重要!

50惠養潤育髮精華素乾濕髮都用得,唔需要沖洗,泵嘴方便使用,不過由於係液態,泵一下之後就要即刻按摩返髮界位置,除咗可以加速營養滲透,仲可以刺激皮下行氣活血,促進血液循環。用後感覺清爽快滲透,唔會令頭髮黏黏笠笠,噴出嘅味道會有少少中藥味,不過好快吸收之後就會散。


用咗一排就會感覺到前額頭髮有返彈性,聽講連續使用4個月仲有機會見到多咗嘅新生幼毛髮,只要俾心機持續使用就會見到成效,之後大家一定會keep住用!

是次小分享完畢有興趣可按 麵語錄aminn/C家重地 本站內其他分享 :)

Aminn | Beauty.Food.Fun.ParentingTravel.Trendy| 
麵語錄食玩遊記 by Aminnhttps://www.facebook.com/m.for.aminn/
C家重地https://www.facebook.com/Sy.lam.family/

任何博客合作請接洽aminn613@gmail.com

2017年11月8日星期三

【告別孕紋】孕媽媽為肚皮做運動

孕期入面,除咗擔心BB嘅健康狀態,其實都好擔心自己嘅身型狀態,雖然個肚漸漸變大係正常嘅變化,但係都唔希望有驚人嘅增重,喺產後加入大肥婆行列。
每晚都會做一啲伸展運動,舒緩身體同時可以幫助生產嘅時候更加順利。當然仲要加上適當嘅按摩,除咗可以減少孕紋機會,舒緩肚皮嘅不適,而且按摩胸部淋巴仲可以幫手打通乳腺。

最近收到英國有機品牌Neal's Yard Remedies嘅孕媽媽產品,有機媽媽妊娠滋潤霜Mothers Balm 同埋有機媽媽妊娠按摩油 Mothers Massage Oil



有機媽媽妊娠滋潤霜利用100%植物無香味配方,含豐富脂肪酸,有助保持肌膚彈性、 預防妊娠紋。用嘅時候取適量滋潤霜喺手心軟化之後先均勻塗抹於腹部或胸部(避開乳頭位置)。可以產前或者產後使用。
滋潤霜同其他品牌嘅防妊娠紋cream或者lotion唔同,膏狀質感非常滋潤,但係好快被吸收,亦唔黏笠。

全新未開封嘅時候有
標貼,保證衛生。

另外有機媽媽妊娠按摩油含有機大豆油同甜杏仁油,可以預防妊娠紋並且高度滋潤皮膚,改善膚質之餘仲加入草本同花草嘅香薰幫助鎮靜安神,同樣適合產前或者產後使用。
呢款按摩油嘅樽口就唔係太方便,要小心唔好倒出過量,不過優點就係可以喺沖涼之後用喺微濕嘅皮膚上,以提升妊娠紋位置嘅滋潤感。


產品使用範圍
有機媽媽妊娠滋潤霜 Mothers Balm – 肚皮、大腿、臀、後背、胸部
有機媽媽妊娠按摩油 Mothers Massage Oil - 全身

是次小分享完畢有興趣可按 麵語錄aminn/C家重地 本站內其他分享 :)

Aminn | Beauty.Food.Fun.ParentingTravel.Trendy| 
麵語錄食玩遊記 by Aminnhttps://www.facebook.com/m.for.aminn/
C家重地https://www.facebook.com/Sy.lam.family/

任何博客合作請接洽aminn613@gmail.com

2017年11月5日星期日

【告別乾燥】適合任何階段嘅魚子Facial.Revery Beauty

Aminn一直習慣夜瞓,單靠日常護膚,皮膚質素都算係咁。尤其最近幾個月有咗BB之後,離奇地皮膚好似仲好過之前,毛孔無咁現形呢!!!

「世上無醜女人,只有懶女人」有邊個唔知,不過有咁耐風流,就真係有咁耐折墜。前排天氣開始轉季,上星期終於抽咗少少時間去做Facial,美容師一見到我堂眉,就即刻話「你都好少打理自己wo」,我好間中有修雜毛㗎!點知再畀佢發現我額頭有條「傷痕」,呃!!!原來額頭前排乾到畀我R出一條痕呀~美容師建議我做一個可以鎖水補濕同修復傷痕嘅Swissde奧米加鱘魚魚子激活嫩膚療程,呢個Facial連懷孕都適合做

位於旺角嘅Revery Beauty 地點非常方便,距離旺角地鐵站只需要5分鐘。Revery Beauty地方雖然唔大,都有獨立洗手間,小店最緊要乾淨衛生,亦有較貼地嘅舒適感覺。進入房間之後換好Facial浴袍就準備開始嚕!

講起魚子精華,其實魚子種類繁多有唔同嘅級別,好似呢個Swissde奧米加鱘魚魚子激活嫩膚療程,所用嘅精華係利用深海鱘魚魚子提鍊而成,可以去除過厚嘅角質,同時加速皮膚循環,仲可以提高皮膚嘅水份同時鎖水。

同平時Facial一樣首先洗面去雜毛同清黑頭粉刺,再有按面按肩頸,跟住就用導入儀將Swissde奧米加鱘魚魚子精華導入,最後再敷上面膜休息一陣,Facial就輕鬆完成。

即時皮膚效果真係滋潤咗很多,而且補濕鎖水有效減淡幼紋,令我
額頭原本嘅粗糙位,喺療程之後變得平滑。療程之後可以加強皮膚代謝,整體有肌膚更新嘅感覺,仲可以keep住滑溜感。

如果你都有興趣用試做價試下Swissde奧米加鱘魚魚子激活嫩膚療程,可以到Revery Beauty Facebook同佢哋聯絡呀!
Revery Beauty:https://www.facebook.com/reverybeauty.com.hk 


是次小分享完畢有興趣可按 麵語錄aminn 本站內其他分享 :)

Aminn | Beauty.Food.Fun.Travel.Trendy| 

www.facebook.com/m.for.aminn / www.instagram.com/starzaminn
任何博客合作請接洽aminn613@gmail.com

2017年11月1日星期三

【來自北歐的時尚】簡約運動設計.Sudio TRE耳機

記得上年試過 Sudio Vasa Bla嘅藍芽耳機(重溫:http://aminn613.blogspot.hk/2016/05/sudio.html),方便攜帶而且性價比合理。

今年Sudio推出最新TRE運動型藍牙無線耳機,同樣係北歐瑞典簡約設計,賣點係手工限量製作嘅防水耳機,輕便同續航力兼備。

包裝精美,開盒之後附上一張明信片,Aminn都希望可以走到世界唔同角落!之後分開兩個小盒,上面係耳機,下面係配件。


今次TRE耳機揀咗少女系粉紅色,配襯便服都好時尚,仲有黑色、經典藍色同白色選擇。

TRE耳機附上3對唔同size嘅鰭狀耳機、保養卡、皮革收納包、金屬固定夾同充電線。皮革收納包可以收妥耳機之後先放入手袋,耳機受到好好保護自然有更長嘅壽命。


TRE特殊鰭狀耳機設計加強固定效果,加上防汗嘅入耳式耳塞,就算一邊跑步一邊聽歌都唔驚會甩。

TRE運動型藍牙無線耳機亦適用其他有藍牙連線功能的裝置,而且使用最遠範圍係15米,充滿電之後可以連續播放9小時同待機10

Aminn
好少運動,但都鍾意去cafe一邊飲返杯咖啡,一邊戴著TRE耳機聽歌/聽電台,畀啲空閒時間自己放慢腳步,舒緩日常緊張情緒。


如果你都想同Aminn一樣擁有Sudio TRE運動型藍牙無線耳機,可以到Sudio港澳官網http://www.sudiosweden.com/hk/earphones 購買,輸入優惠代碼「Aminn就可以享有85折啦! 而且全球免運費,落單後約3天就送貨,整個網購過程既簡單又快捷


是次小分享完畢有興趣可按 麵語錄aminn 本站內其他分享 :)

Aminn | Beauty.Food.Fun.Travel.Trendy| 

www.facebook.com/m.for.aminn / www.instagram.com/starzaminn
任何博客合作請接洽aminn613@gmail.com