2018年1月18日星期四

【網紅店燒到嚟】台式早餐店桃園眷村登陸香港!

來自上海嘅早餐品牌網紅店桃園眷村早前已經登陸香港,地點就係朗豪坊原Mos Burger位置。桃園眷村賣嘅係台式古早味早點,主打鮮製豆漿、古法手工燒餅、油炸鬼,三年前喺上海開張,而家已經發展到全中國有超過30家分店,真係個個都去打卡,唔通個個都專登去打卡咩!

桃園眷村裝潢用上文藝風,牆身簡約乾淨,店入面嘅「時間,在舌尖」充滿文藝腔,呢種台灣文青氛圍,無疑是近年大熱嘅中港台餐廳包裝。
香港租貴地方有限,所以嚟到香港就要走快餐風 ,店入面以開放式設計,而且要用再生紙杯紙碗嚟節省清潔時間,加上位置連室外位,基本上都唔太需要等位。不過就無咗碗底嘅文青短詩,呢方面就差咗少少。

內店環境

你可能會覺得桃園眷村賣嘅豆漿、油炸鬼都係普通嘢,不過原來都係店內用獨門方法每日鮮製現磨! 而且豆漿豆味清新,甜度仲可以按口味加減。
除咗鹹、甜豆漿之外,豆花都有鹹、甜畀你揀!就試咗鹹豆花($32配菜有菜脯、蝦皮、紫菜、葱末。第一啖好特別,就係好多配料嘅滑豆腐咁囉,不過口感的出奇過癮。
另外飲品仲有米漿、紅茶豆漿、紅棗豆漿選擇。

香港人習慣用油炸鬼配粥,喺台灣同江南等地就用嚟配豆漿,不過今日好似已經賣晒。。。(桃園眷村的確每日都有部分食物係唔提供!)

桃園眷村第三寶就係手工燒餅,燒餅就係傳統台式芝麻燒餅,新派做法就將佢切開再放配料,芝士、沙律菜、燒雞扒、炸魚柳等等。今次就試咗芝士蛋燒餅($42),燒餅脆卜卜,如果可以熱啲,啲芝士有少少溶就好喇!卡卡~
另外功夫辣雞腿燒餅 、燒餅油條蛋、豬排蛋燒餅都係推介喔!

桃園眷村除咗三寶之外,我仲好喜歡食即包粢飯,餡料好豐富!唔同上海鋪嘅獨孤一味得肉鬆油炸鬼粢飯,所以我就點咗青瓜肉鬆飯糰($34), 除咗青瓜之外,仲有炸到卜卜脆嘅肉鬆同增加口感嘅菜脯。如果想試下台式啲嘅口味可以食台式香腸葱蛋飯糰同肉燥飯糰

是次小分享完畢有興趣可按 麵語錄aminn 本站內其他分享 :)

Aminn | Beauty.Food.Fun.
ParentingTravel.Trendy| 
Parenting:www.facebook.com/sy.lam.family 
任何合作請接洽aminn613@gmail.com

2018年1月1日星期一

【親子健康】Puracyn®Plus OTC倍療善 家用消毒好幫手

日常生活入面經常接觸到細菌同病毒,好多人都會隨身必備酒精搓手液或者消毒濕紙巾,而唔少父母都會經常提醒小朋友要多洗手。但係有藥劑師指出,坊間對「消毒殺菌」普遍存有唔少誤解,其實可能會令病毒(流感手足口病毒EV71型腸病毒沙士輪狀病毒等)更加有機可乘!
經常使用高濃度嘅酒精產品好容易造成肌膚乾裂粗糙,有機會令雙手流失皮膚上的皮脂同水份從而引致敏感,或者小朋友喺用完之後末乾就搓眼,亦有可能會引起結膜炎或者令角膜受損。

目前香港市面上嘅消毒產品,較少含HOCl(次氯酸)嘅產品,但原來喺台灣、日本等地區反而好流行!HOCl除咗可以作為傷口消毒醫藥用品之外,仲適合嬰兒、孕婦使用,可以用喺面部或者敏感性皮膚。集清潔傷口、消毒同傷口癒合功能於一身,仲有效針對長期傷口,都可以作為消炎藥用。

其實當身體有細菌入侵嘅時侯,身體其中一種主要嘅白血球(中性粒細胞 Neutrophil),會釋放HOCl嚟殺菌同消毒。倍療善Puracyn含有HOCl次氯酸嘅酸鹼值同人體皮膚相近,仲可以殺死酒精對付唔到嘅病毒同減低引起皮膚敏感。作為新一代傷口護理專家,無抗生素、類固醇、酒精或者碘酒,性質溫和但可以迅速殺滅大部份病毒細菌,無需混合或者稀釋就可以直接使用。

一家大細出去玩就最適合帶一枝容易攜帶嘅Puracyn®Plus OTC,小朋友好容易會擦傷或者碰撞,只要輕鬆一噴,就可以立即安全乾淨咁處理咗傷口玩得開心又放心


有興趣嘅朋友可以到網店 http://www.puracyn.hkbaby kingdom (kmall)happy-retired.com卓思廊門市購買或者解更多產品詳情。



是次小分享完畢有興趣可按 麵語錄aminn 本站內其他分享 :)

Aminn | Beauty.Food.Fun.Travel.Trendy| 

Lifestyle:www.facebook.com/m.for.aminn / 
www.instagram.com/starzaminn
Parenting:www.facebook.com/sy.lam.family 
任何合作請接洽aminn613@gmail.com