2018年5月30日星期三

【空氣感 100% up】OLAY Air Cream 全新美國製造空氣感面霜

未到夏至,室外嘅氣溫一早踏入夏季,連護膚品都要轉季啦!
香港天氣潮濕,肌膚嘅水油平衡好易失衡,特別喺化妝之後,除咗因為出汗同面油令妝容浮粉,日常用嘅護膚產品質地太厚,或者肌膚缺水都會好易出油。


全新OLAY Air Cream空氣感面霜已經登陸香港,美國製造原裝入口。


空氣感科技承載1000倍水分,質地輕盈貼薄,用完之後清爽唔黏笠,突破性嘅空氣海綿微粒同Air Finish啞光因子,挑戰12小時清爽啞光感。保濕之餘仲要實行全面防油光,就可以避免出油情況出現喇~




全新美國製造OLAY Air Cream空氣霜

!承載1000倍水分!
!質地輕盈透薄!
!空氣感!
!清爽潤!

使用之後,肌膚水潤度明顯提升,極速吸收後質感清爽。用完OLAY Air Cream空氣霜之後再上妝,妝容都會較貼服。尤其喺香港經常出入冷氣地方或者戶外活動,保濕控油效果都比以往更持久㗎!




是次小分享完畢有興趣可按 麵語錄食玩遊記 by Aminn 或 C家重地 其他分享 :)


Aminn | Beauty.Food.Fun.Travel.Trendy| 

麵語錄食玩遊記 by Aminn (Lifestyle)


C家重地 (Parenting)
www.facebook.com/sy.lam.family

任何合作請接洽aminn613@gmail.com

2018年5月29日星期二

【30分鐘快手煮】經典家常豬展粟米紅蘿白湯

好多香港人都鍾意飲湯,但係「老火湯」又要花時間,「滾湯」又唔夠味,唔通下下都將啲材料切到細細粒等佢易啲出味咩?
美的智能高速鍋就可以用「滾湯」嘅時間,煲出老火湯般的家常嘅清甜靚湯 「豬展粟米紅蘿白湯」啦!


材料:
粟米
紅蘿白
豬展豬骨
鹽 適量
水 蓋過材料

步驟:
1、豬展/豬骨汆水備用 (出血水,湯更清晰)
2、紅蘿蔔去皮切件,粟米切成3段
3、將所有材料放入煲入面,水開到剛過材料,用美的智能高速鍋按「煲湯」功能,揀埋「精華」模式,煲約30分鐘,最後落鹽調味。


使用小貼士:

用高速鍋煲湯可以快啲迫到食材嘅味出嚟,亦唔會點走水,比平時快到一半時間之外仲用得更少水。呢款美的智能高速鍋仲可以自動排氣,煲完之後等等15分鐘,老火靚湯立即完成!

換言之,如果你屋企經常會煮飯,又有高速鍋或者壓力煲,用佢嚟煲湯就係慳水、慳電、慳時間,絕對經濟實惠㗎!


是次小分享完畢有興趣可按 麵語錄食玩遊記 by Aminn 或 C家重地 其他分享 :)



Aminn | Beauty.Food.Fun.Travel.Trendy| 

麵語錄食玩遊記 by Aminn (Lifestyle)


C家重地 (Parenting)
www.facebook.com/sy.lam.family

任何合作請接洽aminn613@gmail.com

2018年5月26日星期六

【美白季節又嚟啦!】Lancôme Blanc Expert 全方位美白系列

今個夏天好似嚟得特別快,未到端午已經熱到流晒汗,每日都陽光普照。 雖然我唔係特別鍾意白,但要keep住健康膚色都要有所保養,曬得太多都會令肌膚變乾仲會顯老,所以Lancôme Blanc Expert呢3支美白新產品就啱晒我!

日本製造
呢支全方位瞬白亮肌美白日夜雙精華,一支就可以照顧日間同夜間嘅美白護膚,對抗色素沈澱問題。
日間配方:幫助溶解多餘黑色素,令肌膚回復明亮及均勻
夜間配方:輕柔去除含有黑色素嘅舊角質,有助其他護膚品吸收
喺咁曬嘅日子,外出之前又點可以唔搽防曬? 全方位防禦抗曬素顔霜結合調色效能,仲有SPF50 PA++++嘅完美防曬保護,可以阻隔灰塵同氧化侵害。仲加入含鈦嘅珍珠貝母成分Fairy Powder,幫助均勻折射光線,讓肌膚微微透現光澤。
而且素顏霜嘅防汗配方仲蘊含潤膚成分,配合法國波利尼西亞椰奶,令肌膚更加保濕嫩滑。
唔好忘記仲要定期做面膜,全方位瞬白亮肌美白面膜升級配方含有30%極致保濕嘅活性成分甘油,仲有幫助對抗黑斑嘅紅藻萃取物。

只需搽勻全面敷15分鐘,面膜就會由奶白色變成透明,清洗之後膚色亮白更均勻,感覺同一般只得美白成份嘅產品多一份滋潤。持續使用仲有效減淡色斑,重拾肌膚自然光采。

Lancôme呢set Blanc Expert系列,配合肌膚日夜不同需要,21日雙效撃退黑斑,促進亮肌過程,重啟肌膚剔透光澤。 美白產品加埋保濕成份雖然唔係新嘢,但試過之後整體感覺清爽唔笠值得回購!



是次小分享完畢有興趣可按 麵語錄食玩遊記 by Aminn 或 C家重地 其他分享 :)


Aminn | Beauty.Food.Fun.Travel.Trendy| 

麵語錄食玩遊記 by Aminn (Lifestyle)


C家重地 (Parenting)
www.facebook.com/sy.lam.family

任何合作請接洽aminn613@gmail.com

2018年5月23日星期三

【15分鐘快手煮】加餸系列 照燒雞脾

好多打工仔都有帶飯嘅習慣,不過大部份都係食返尋晚嘅餸,「又係食呢啲!」
唔想咁樣,可以點樣?

材料:
有骨去骨雞脾 2
味淋 1湯匙
老抽 4湯匙
糖 1茶匙
雞汁 1湯匙
蒜蓉 適量


步驟:
1、按個人喜好處理雞脾(去皮/去骨)

2、將蒜頭成蒜蓉,備用

3、將所有調味料拌勻
4、將調味料倒到雞脾上,醃30分鐘
5、將雞脾放入煮食鍋,用「無水煮」模式煮大約15-20分鐘就完成


如果平時自己一個人晚飯,簡單煲個飯或者煮個麵,加埋隻雞脾就食得!





由於「無水煮」可以令調味料更入味,所以焗完嘅肉類仲會好juice,好啱送飯㗎!如果每朝都可以快手整個餸,或者幫個悶飯盒「加餸」,係咪可以為帶飯增加一啲樂趣呢!


是次小分享完畢有興趣可按 麵語錄食玩遊記 by Aminn 或 C家重地 其他分享 :)


Aminn | Beauty.Food.Fun.Travel.Trendy| 

麵語錄食玩遊記 by Aminn (Lifestyle)


C家重地 (Parenting)
www.facebook.com/sy.lam.family

任何合作請接洽aminn613@gmail.com

2018年5月18日星期五

【媽媽的決擇】做全職媽媽就係對小朋友最好?

究竟做在職媽媽定全職媽媽好呢? 係咪應該為咗小朋友而放棄自己嘅事業?你以為咁樣就係對孩子最好? 呢啲都係好多家庭要面對嘅問題,喺度都分享少少點解我選擇做在職媽媽。。。
我哋今胎係無請到陪月或者鐘點姨姨,尤其是我哋仲係新手爸媽,起初真係極度手忙腳亂,換衫、沖涼、餵奶無限loop,全部都係挑戰!

坐月嘅時候當然就係留在家中,一嘗全職媽媽嘅體驗。但對於一啲年輕女仔嚟講,「喺屋企湊仔」可能好有幻想,每日嘅生活好簡單,就係照顧小朋友同佢玩囉!
少年真係太年輕啦!照顧BB最難嘅地方唔單止因為佢哋唔會表達,而且你係控制唔到所發生嘅事,或者咁講,佢哋都控制唔到自己,所以生活絕對係out of control,再加上小朋友係無時無刻需要專注喺佢嘅安全,呢一切圍繞住個小朋友發生嘅,並唔係我哋凡人日常會做嘅事!
照顧小朋友嘅基本動作,就係餵奶/餵食、換片/同佢去廁所、氹瞓覺,佢瞓咗唔係就代表可以休息㗎!仲要洗衫、洗碗/洗奶樽執屋等等,仲有自己都要去廁所呢?坐月嗰時仲有機會屋企人經常嚟幫手照顧你飲食,之後就要靠返自己啦!湊BB你可能要喺屋企抱住佢走圍行,仲可以涼住冷氣大個啲嘅小朋友就要同佢落街「放電」或者去興趣班,真係大汗疊細汗!當以上數出嚟嘅嘢喺你生命入面無限loop,呢啲就係媽媽嘅工作。

做一個全職媽媽,當然可以陪伴小朋友每一刻嘅成長,嗰份開心滿足真係無嘢代替到,如果小朋友係聽話嘅仲有機會可以自在一下添!不過多嘅小朋友都係活潑嘅,全職媽媽每日都係經歷千篇一律嘅生活,久而久之可能就會無晒熱情,真係需要好強嘅決心呀!


就係經歷過所以更加佩服真係自己一手湊大小朋友嘅全職媽媽!產假之後我就復工,當然就無之前咁多時間陪小朋友,唯有放工、放假盡量畀晒佢。而我亦彩,因為奶奶住附近可以幫忙「托兒」,平時我哋返工放工都會交收小朋友



如果你屋企長輩有時間亦樂意幫手「弄孫」,你哋大可放心返到自己嘅工作環境,去實現自己嘅理想同價值,從另一個角度陪伴小朋友成長!




唔好以為在職媽媽就係代表唔肯湊小朋友,平日放工之後、假期一樣要照顧小朋友,雖然接觸嘅時間係少咗一半,但同樣係咁愛錫自己嘅小朋友。



當然,屋企嘅財政雖然重要,但係人手先係最緊要!屋企安唔安排到長輩代照顧小朋友?或者可唔可以聘請工人姐姐鐘點?如果自己湊每日要處理啲乜?統統都係需要考慮嘅問題,所以決定做全職媽媽之前真係要同屋企人相量好先呀!






是次小分享完畢有興趣可按 麵語錄食玩遊記 by Aminn 或 C家重地 其他分享 :)

Aminn | Beauty.Food.Fun.Travel.Trendy| 


麵語錄食玩遊記 by Aminn (Lifestyle)



C家重地 (Parenting)
www.facebook.com/sy.lam.family

任何合作請接洽aminn613@gmail.com