【周末好天氣】銅鑼灣海景Brunch好位置！

趁好天氣同朋友嚟個海景Brunch！

嚟到銅鑼灣Les Saveurs Private Kitchen，望出去就係紅隧口，天朗氣晴日子可以由東至西見晒成個維港景！

餐廳本身係開放式，不過裝有流動層板，想要多啲私隱都輕易安排到唔同大小嘅廂房。

先嚟個麵包籃，好精緻嘅法包同牛角飽，好鬆軟香脆，唔塗牛油都好好食！

Menu有啲係法文(!?) 唔緊要！店員會貼心地先解釋再落order！

留意返，店入面嘅碟有幾個動物款式，又幾Kawaii喎！

頭盤每人選一款，炸蝸牛波波加上香芹蒜蓉牛油好惹味，賣相有點分子料理嘅感覺。

另一款頭盤係象拔蚌，質感夾口，一啖放入口好滿足，仲有西洋菜泡沫，配搭沙律菜都好好味。

主菜我選咗42度煙燻三文魚(+$88)，上菜嘅時候用玻璃蓋冚住，喺客人面前繼續煙燻，大概兩分鐘後店員打開個蓋，走出嚟嘅煙燻效果勁Artistic！

煙燻三文魚配搭黑魚籽感覺勁華麗。切開慢煮三文魚，肉質油潤鮮嫩，滑到不得了！配鹹香黑魚籽，鮮味出晒嚟！

醬汁用上紅菜頭蓉，旁邊仲有幾粒蘋果辣薑汁啫喱，又幾清新喎！

另一款主菜選咗龍蝦天使麵，主角除咗龍蝦肉之外，仲有龍蝦Cappuccino包住天使麵，每條天使麵都索晒鮮甜龍蝦汁，不過份量偏少，真係唔係幾夠喉！

之後到是日餐湯—雅枝竹忌廉湯，店員先上一隻吉碟(!?)，

再以茶壺即席倒出熱嘅忌廉湯，飲嘅時侯將伴碟嘅雅枝竹脆同乾火腿拌落去一齊飲，忌廉湯打得細滑，餐湯每日都唔同架！

甜品方面，檸檬蛋白撻賣相好靚，檸檬味道清新，配搭雜莓雪芭酸酸甜甜效果好夾。

另一款係朱古力慕絲蛋糕，朱古力味好濃，配搭同樣香濃朱古力雪糕，朱古力Lover一定大愛！

兩款甜品，一個輕怡一個重口味，任君選擇，甜品迷都唔會失望！

法國菜當然要慢慢享受，同朋友嚟慢慢傾絕對可以令人放鬆心情，而且午餐四道菜只係$238，食呢個景+法國菜絕對超值！

是次小分享完畢，有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn

任何合作請接洽: aminn613@gmail.com

食2個鐘的普通午餐

自從轉軚讀了食品之後常常和同學們周圍去食好嘢

上星期去了灣仔修頓球場再行過一點的悅木越南餐廳

簡單地看一看了巨型餐牌 發覺大致上也是我所熟識的越南菜式

老闆為大家準備幾樣悅木的招牌菜

越南春卷 牙車快 蟹肉焗蛋金磚 水晶蝦卷和檬要=p

另外由於上堂太眼瞓 還是點了一杯越式咖啡吧~

等了一會兒後先來牙車快(雞絲青瓜絲沙律)

雞絲, 青瓜絲和紅籮蔔絲的配搭是非常開胃

以賣相來說非常滿意這道菜的色彩配搭 色彩令人我十分高興

 

接著的是越南春卷和水晶蝦卷

新鮮剛炸好的春卷很香口 加上用生菜包住來吃更加健康美味

蝦肉爽口配上QQ的水晶皮加一點酸酸的醬一起吃 很開胃的選擇

起初還以為是燒肉(!?)  原來是蟹肉焗蛋金磚

材料包括蟹肉, 豬肉, 粉絲, 雞蛋以及木耳等等

不是太特別 感覺只是很足料的焗蛋卷

好了~ 吃了一小時終於把前菜吃完

(!!!) 是的!! 正宗越南菜會像法國菜一樣 一吃要吃6小時(哈哈~朋友的笑話)

 

主菜終於來了~~~

即是蕃茄蟹粉檬(檬要)

想不到蕃茄湯和蟹肉夾到的!!

加了少少辣油在面香一點 吃不到辣的朋友只要把原隻蕃茄的肉顏開就可以中和到

至於越式咖啡 不同之處是滴濾壺下的杯子底層放入一層的煉奶

咖啡滴完後先將滴濾壺放在反轉的壺蓋上

再用調匙攪拌煉奶和滴濾咖啡

越式咖啡味道完全有別於平時的即磨咖啡

咖啡濃郁帶點苦 飲慣咖啡的朋友應該可以接受到 嘿嘿

一大班人吃飯未免太豐富了吧~~~

未食甜品已經很飽了 厄@@

這是眉豆粟米椰汁糯米飯

基於正宗越南菜會像法國菜一樣一餐要吃6小時的說法

這個2小時的午餐算是輕食吧XDD

Follow me @麵語錄 aminn

任何形式合作或訪問請接洽: joyce.kwong@nuffnang.com