麵語錄食玩遊記 by Aminn

2018年12月27日星期四

【BB學習階段】由飲奶到飲水 Tommee Tippee伴BB成長

BB出生首幾個月，每日嘅「任務」就係食、訓、痾，表現一有少少唔好，爸媽就會好困擾。
其實BB身體出現唔同狀況係正常嘅，只要搵啱方法去處理問題，就可以減輕大家嘅困擾，例如BB飲完奶，就算用咩方式掃風都有機會嘔奶，想減少呢種情況，防脹氣奶樽就可能幫到大家喇！

Tommee Tippee最新款Advanced Anti Colic防脹氣奶樽除咗有原有嘅Easi-Vent排氣孔，可以令BB順暢咁飲奶外，新款星型排氣閥同排氣環更可以幫忙排氣，BB飲奶時空氣可直接推至樽底，避免吸入過多空氣，減低肚仔入風嘅機會。連接排氣閥嘅管並唔係一般管道，佢係一支感溫排氣管，可以顯示奶嘅溫度有無過高，餵奶之前就有多一重方便，如溫度過熱就會出現紅色，咁就可以立即減溫先俾BB飲奶。

呢款Tommee Tippee最新款Advanced Anti Colic防脹氣奶樽，容量係260ml/9oz，可以配合返Tommee Tippee Closer to Nature防脹氣奶瓶替換矽膠奶嘴一齊用，唔同流量奶嘴適合返唔同時期嘅BB使用。

Tommee Tippee奶嘴係模仿乳房設計，就算母乳媽媽間中餵「存貨」都唔會令BB容易產生混淆。而且樽身外形獨特，「揸腰」位拎上手特別輕巧，BB都可以容易自己揸到奶樽。

衛生署建議8至12個月大嘅BB可以逐步學習用雙手拎杯飲水，市面上有唔同種類嘅學飲杯，大家有需要可以先買2個唔同款嚟判斷下BB適合同鍾意邊個，當然唔係試一次半次，如果第一次BB表現唔鍾意唔使灰心，建議可以隔幾個鐘或者第二日再試多幾次，因為小朋友嘅心情係好影響佢哋即時喜好㗎。

今個月開始我想Aster係時侯要自己飲水啦，起初捉佢手仔一齊揸鴨嘴杯嘅耳仔，經過一排「訓練」後已經有意識自己揸，但飲得唔好，繼續努力！

最近我試過呢款Tommee Tippee雙耳吸管杯，係轉吸管杯嘅替換之選，配有柔軟嘅吸管，似返奶樽嘴噤軟身，感覺自然舒服好多，有助培養小朋友用吸管吸吮技巧。而且有啲BB用吸管比奶樽嘴鴨嘴更容易上手，因為唔需要舉高先飲到，哈哈～

呢款Tommee Tippee雙耳吸管杯嘅耳仔係活動手柄，如果BB飲水技巧已經好好可以試下拆手柄俾佢哋進一步學習握住水杯飲水啦！

另一款Tommee Tippee防漏保凍吸管杯就可以留待出年俾Aster用～
雖然都係吸管杯但杯身係雙層設計，可以防漏又加強保凍，天氣回暖就可以用了！

而家選用BB產品，用料先係最緊要，以上3款產品都係不含雙酚A（BPA Free），咁就放心俾BB使用。
想了解更多Tommee Tippee產品資料，可以瀏覽佢哋網頁或者社交平台 :
網頁: http://goo.gl/LGrNNu
FB : https://www.facebook.com/TommeeTippeeHK
IG : TommeeTippeeHK

#著數消息 8折購買Tommee Tippee！
即刻click入 Mothercare Eshop 👉 http://bit.ly/2SKwgHO 購買任何 Tommee Tippee 正價貨品，輸入推廣優惠碼 "MCTT20OFF"，就可享有8折優惠啦！
優惠期：即日至2月28日
條款：goo.gl/w5qzbm

是次小分享完畢，有興趣可按麵語錄食玩遊記 by Aminn 或 C家重地其他分享 :)

Aminn | Beauty．Food．Fun．Parenting．Trendy｜

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn

C家重地 (Parenting) www.facebook.com/sy.lam.family

任何合作請接洽：aminn613@gmail.com

2018年12月20日星期四

【鋒味食譜】「快手煮」烤雞沙律彼德包/XO醬帶子炒西蘭花

近幾個月「鋒味」不斷都有新搞作，今次為大家帶嚟一個好消息，就係今年聯同香港百年品牌李錦記研發推出嘅「鋒味李錦記櫻花蝦XO醬」同「鋒味李錦記味噌涼拌汁」，除咗喺「鋒味」及「李錦記」網上專賣店有售之外，而家喺指定Market Place同Aeon超市都可以買到啦！

「鋒味」將李錦記百年製醬經驗配合鋒味私房食譜嘅創意，以中西、新舊融合出呢兩款新醬料，今次就利用兩款新醬料製作呢兩款「快手煮」嘅中西菜式。

1）烤雞沙律彼德包（1-2人分量）

材料：

彼德包 1個
沙律菜適量

雞柳 2條
蒜蓉適量

鋒味李錦記味噌涼拌汁適量

做法：

1. 將雞柳切條，加入適量鋒味李錦記味噌涼拌汁同蒜蓉醃20-30分鐘

2. 將彼德包剪開2份，放入平底鑊慢火煎至表面金黃

3. 將雞柳用中火煎至全熟（或者直接用焗爐烤熟），備用

4. 將沙律菜放入大碗，加入適量鋒味李錦記味噌涼拌汁拌勻

5. 將適量沙律菜放入彼德包，再放雞柳喺沙律菜中間，搞掂就可以即食

2）XO醬帶子炒西蘭花（2-3人分量）

材料：

急凍帶子適量

西蘭花 1個

草菇適量

鋒味李錦記櫻花蝦XO醬 2茶匙

蒜蓉適量

雞汁適量

薑 2片

做法：

1. 將帶子解凍抹乾水，切成小件備用

2. 西蘭花切件，煮滾熱水加雞汁同2片薑，放入西蘭花汆水（灼熟一下表面），備用

3. 爆香蒜蓉煎帶子粒至金黃，加入草菇、西蘭花，炒至收乾水份

4. 加入鋒味李錦記櫻花蝦XO醬拌勻炒香就可以上碟

產品介紹：

鋒味李錦記櫻花蝦 XO 醬

選用櫻花蝦、乾蝦、上等乾貝等材料而成，配以辣椒帶出辣味溫和的味道。櫻花蝦XO醬食法千變萬化，可作為餐前伴酒小食，亦適合伴食中式點心、粉面、粥品及日本壽司，更可用於烹調肉類、蔬菜、海鮮、豆腐、炒飯等。

鋒味李錦記味噌涼拌汁

選用味噌、蘋果汁、醬油、芝麻油等材料而成，味道濃而不膩的味噌，加上蘋果汁的酸甜味倍感開胃清新。當中蘋果汁為一亮點，除可配上沙律及蔬菜作涼拌汁醬，亦可作為醃肉醬料。

是次小分享完畢，有興趣可按麵語錄食玩遊記 by Aminn 或 C家重地其他分享 :)

Aminn | Beauty．Food．Fun．Travel．Trendy｜

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn

C家重地 (Parenting) www.facebook.com/sy.lam.family

任何合作請接洽：aminn613@gmail.com

2018年12月7日星期五

【爆出膠原BB】新一代DELA RF療程促進膠原自我增生

由細講到大，女仔一過25歲，肌膚嘅狀態就開始流失，所以大個之後習慣夜瞓，眼袋同黑眼圈就會長期走出嚟，就算有補眠或者敷多幾多面膜都好難復原。

人到中女，臉部就會逐漸唔夠飽滿，輪廓開始走樣，眼袋、幼紋亦會特別明顯。唔想「老態」提早出現，就要加快肌膚底層嘅膠原蛋白增生。要簡單補充膠原蛋白除咗食膠原蛋白食物或者營養補充劑，但真正吸收幾多成疑，最直接嘅方法就係讓膠原蛋白自己爆發重生！

最近去咗體驗Dermagram INSTITUT最新一代「膠原炸彈」DELA RF膠原再生療程，相對傳統RF多咗智能降溫功能，令做療程嘅時侯接受嘅能量可以更高，感覺反而減到最低。而且因應唔同部位配備咗兩款機頭，可以照顧得更細緻。

開始療程之前，美容顧問先解釋咗療程程序同功效。新一代「膠原炸彈」DELA RF係採用網狀射頻技術，能量可以深入到真皮層，令彈性纖維收緊，同時刺激膠原蛋白增生，令到膠原BB喺肌底「爆」出嚟！

入房洗完面之後，美容師就會直接開始療程。首先會幫我喺面上mark好位，搽埋啫喱就開始療程。頸部、面部會使用一個治療頭，而眼部就使用另一個更細緻嘅治療頭，先可以更準確照顧唔同部位嘅肌膚。

DELA RF係以網狀射頻技術深入真皮層令膠原蛋白即時再生，呢個新技術喺治療嘅時侯幾乎無乜感覺，只係感到微暖，因為DELA RF增加咗DCS智能降溫功能，喺發出射頻之前釋出-20度霧態冷凍劑Cryogen，急速冷卻表層肌膚，之後再同時發出射頻能量同Cryogen加強減輕灼熱感。而且今次療程特別配合「滑行」手法，除咗DELA RF激發膠原再生仲可以拉提塑造輪廓，進一步減輕浮腫。