【瞬間變豐盈】幾秒鐘修復稀疏頭髮 Capillus角蛋白豐盈髮絲

一直都覺得自己頭髮尚算粗同濃密，人越大，頭頂條界開始變得越嚟越明顯。好似方東昇話齋「歲月先有資格催人」！

唔好以為只有孕婦先會喺生完仔之後經歷甩頭髮喎！一般人因為壓力、環境污染、經常電染、免疫力低、年紀關係都會令頭皮同頭髮唔健康引至甩頭髮。就好似日常護膚咁，頭髮都需要保養㗎！

尤其我年初生完BB，而家正面睇個分界位已經開始甩頭髮，雖然話幾個月後就會正常返，就算有用護髮產品都需要長時間keep住用先見到效果。喺呢個咁心急嘅年代，剛剛返到工作崗位嘅我就收到PR為我準備好來自美國頂尖頭髮修護專家Capillus推出嘅一款角蛋白豐盈髮絲。

Capillus角蛋白豐盈髮絲由跟頭髮相同結構嘅keratin蛋白質製造而成，採用最高等級嘅天然角蛋白製成，以強大靜電感應原理，使用後會緊密黏附喺真髮上，而且不傷頭皮亦唔會阻塞毛孔。

Capillus角蛋白豐盈髮絲備有9種顏色選擇，配合不同人士需要，今次試試同我髮色一樣嘅黑色。打開包裝盒見到樽蓋密封包裝，確保衛生。打開之後見到有好多微細小孔，方便角蛋白纖維灑出 。




使用方法：使用喺乾髮上面，將Capillus角蛋白豐盈髮絲靠近稀薄頭髮部分，輕輕搖動就會見到髮界慢慢被覆蓋。用完之後輕輕用手指整理頭髮（切勿用梳），角蛋白纖維與真髮自然融合之後，就可以照常使用噴霧劑額外保持髮形。產品需要經常關閉保持乾燥，用一般洗頭水就可以徹底清潔乾淨。



一試立即解燃眉之急，即時增加返自信！產品除咗適合脫髮/稀疏頭髮人士使用，對於產後有突發性脫髮問題嘅媽媽們，都非常適合㗎！

是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting)
www.facebook.com/sy.lam.family

任何合作請接洽：aminn613@gmail.com

【護髮新體驗】 Hankuk Hair韓式頭皮護理～寵寵寵

近年受到韓流嘅影響，唔少店舖都以「韓式」作招徠，今次嚟到一間韓式Salon。Hankuk Hair擅長唔同嘅燙染技巧同埋韓式髮式，亦有針對受損秀髮所提供嘅頭皮護理服務，其他服務包括美容、美甲、化妝、婚紗攝影等

店入面嘅員工大部分都係韓國人，店內有翻譯員為你即時傳譯，而且店員都可以簡單英語溝通，大家可以放心。店內嘅環境乾淨簡潔，同其他韓店一樣習慣播住流行K-pop，店入面除咗有韓國人，亦有唔少本地人光顧。

Salon其中一個特色就係好多潮流雜誌，Hankuk Hair亦有好多韓國時尚雜誌同香港旅遊書(韓文)，雖然唔識睇，不過感覺好文青，嘿～

韓國人好著重養身就係人都知，著重程度係連頭髮同頭皮都要去Salon護理，韓國人認為即使頭髮表面睇好健康都需要定期做保養，因為頭髮嘅健康同身體都有直接關係！

Aminn今次嚟到Hankuk Hair就係做頭皮護理，喺treatment之前，護理師會先同Aminn進行髮質檢測，睇睇頭髮嘅健康度，再根據頭髮嘅受損程度推薦唔同配方嘅護理產品。

點解韓國人都會特別注重頭皮護理呢？大家可以睇睇，Aminn的情況並唔嚴重，頭皮都只係出現少少頭皮屑或者毛孔堵塞狀況，不過都會導致毛髮衰弱，新長出嘅頭髮都由粗毛變成弱弱的幼毛。。。嚴重就會出現脫髮情況！所以定期做頭皮護理就可以排出毛孔入面廢物，減少油脂同產生頭瘡。

首先護理師會將清潔毛孔嘅精華塗到頭皮嘅每段分界上面，由一邊塗到另一邊，再用熱力令毛孔擴張，每次10分鐘，重複兩次。中間亦會有頭部按摩，利用促進荷爾蒙/新陳代謝嘅精華油，舒緩精神。

之後用乾洗嘅洗頭水按摩頭皮，洗走頭皮屑同油脂，之後沖水洗淨感覺非常清爽，吹頭之後頭髮輕盈好多。

最後護理師會噴上頭皮精華喺每段分界上面，噴完全個頭心日會再次照燈幫助吸收。

順帶一提，如果有脫髮問題嘅朋友護理師會建議你買支適用頭皮嘅微針($1000)，每次過嚟treatment嘅時候記得拎埋嚟，護理師都會用你私人嘅微針幫係針頭皮毛孔，而唔需要再收費。

整個護理過程就好似同頭皮做spa，而且護理師按摩嘅手勢都幾舒服，可以享受輕鬆嘅一小時。

護理完之後再做髮質檢測，見到大部分被油脂或者殘餘化學物堵塞嘅毛孔都打開咗，感覺頭皮乾淨咗好多。

Before

After

每次做完當晚沖涼都只會甩幾條頭髮(懂的就懂了)！好Suprise！

以上頭髮護理服務由基本到進階嘅收費為$600～$1200，要keep住做收費的確有負擔，不過貪靚嘅朋友就會明白容易打理又自然又整齊嘅頭髮係可遇不可求，所以日常花部分洗費喺護理度都係值得嘅！

Aminn仲為各位Fans爭取到Hankuk Hair小小優惠！

【麵語錄aminn x Hankuk Hair服務優惠】

凡惠顧Hankuk Hair任何頭髮護理服務，只要出示呢篇文章，都可以免費得到Protein Hair Treatment一次。

Hankuk Hair

香港銅鑼灣謝斐道500號維安商業大廈4樓B室 (2147-1060)

九龍尖沙咀金巴利街1B恒港中心16字樓 (2147-1212) 

營業時間：10am-8pm

產品由品牌提供

是次小分享完畢，有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn

任何合作請接洽: aminn613@gmail.com

[天然·花香·頭髮健康] AVANTARI by isNature護髮系列

香港人好多都生活在工作壓力低下

加上個人情緒、環境因素等的情況下 好容易引致脫髮問題

而且脫髮問題是男女都會發生的

尤其是長髮的女生更加怕頭髮又乾又開叉

所以頭髮都需要保養!

早前收到AVANTARI by isNature的天然護髮系列

產品原料均來自美國亞麗桑娜州和墨西哥沙漠

從大自然取材通過獨有的技術

將其專利成份富里酸80精華素及有機天然植物活性成分配製

特別適合曾漂染及乾旱髮質使用

isNature再生洗髮乳

將頭髮表面的角質層去掉再深層清潔

有助髮絲對下一個護髮程序的吸收

成份包括橙花、蜂蜜等 洗髮乳帶有微微的橙花香

起泡能力良好 用後沒有打結的情況

isNature護理潤髮乳

潤髮乳能夠修護未完全受損的髮質並平衡髮絲酸鹼值

幫助助頭髮健康生長 為頭髮補充營養

成份包括洋甘菊精華、迷迭香油等 潤髮乳帶有微微的花香

用後不會即時變得好滑 神奇效果多數靠化學成份
頭髮就似外貌 貪一時之快效果不會持久
內裏健康才是Aminn追求的東西

beforeafter

另外洗髮時配合適當的頭皮按摩都好重要呀~

可以令秀髮更健康持久~

更多資訊: https://www.facebook.com/isnatura

產品由品牌提供

是次小分享完畢 有興趣可按 麵語錄aminn 或本站內其他分享 :)

Aminn.  
Lifestyle Blogger / Freelance Editor

       

有關個人工作簡介, 任何合作或訪問請接洽: aminn613@gmail.com