先入為主：火鍋店入面有魚檔？

朋友約到「鮮入圍煮」食雞煲打邊爐

這間之前在facebook也見過朋友分享

順便可以來試試味道如何

不過地點竟然在旺角登打士廣場?

那個樓上café林立的登打士廣場?

一進門口見到的是街市檔!??

跟街市魚檔一樣的 有多款海鮮選擇

這樣的佈置真的嚇了一跳呀!

這個魚檔應該是香港獨一無二的

客人即時選了食材 即時處理再即時上枱

難怪這店叫「鮮」入圍煮

店內一邊牆仿「九龍皇帝」的街字

另一邊則貼滿舊式廣告傳單

整間店充滿了local的大排檔味

點菜單是分類的點心紙形式 非常清晰

價格中等還可接受

飲品方面則有支裝、紙包飲品供應

今期的特色火鍋湯底是花膠雞煲

嘩花膠滋補養顏 一定是想吸引一班愛靚的女士幫襯!

所以我們就點了個細的花膠雞煲 哈哈~

細花膠雞煲2-4人份量 有半隻雞、花膠和湯底

上鍋後店員會快手把雞剪件

基本上雞件已熟 待湯底滾起就可進食

撈下湯底約有5-6塊大小花膠

先飲湯後邊爐 這個明明是花膠雞濃湯

湯底濃郁鮮甜 未開始邊爐已經清了半鍋湯

 之後加湯開始邊爐 店員拿了個舊式紅色暖水壺來

加的湯竟然一樣是雞湯!! 嘩另一個surprise!

至於配料方面 打邊爐怎會沒有牛!

我們點了3款不同的

冰鎮安格斯手切牛、手切頂級牛肋骨肉和普通肥牛

安格斯是食品種 手切牛是食舛新鮮 肥牛當然是供奉牛魔王的

牛肉花紋細緻 牛有香濃牛味最重要有咬口的

其實用了濃湯湯底加上牛肉鮮味根本不用點醬

另外還點了一堆喜愛的火鍋配料

炙燒芝心丸、墨魚滑、脆鯇魚片、雲耳、秀珍菇、生菜等等

個人認為價錢的確中等以上

人均消費大約$300-$500

總括食物質素無論肉類和蔬菜類都非常新鮮

加上環境和服務來看都值得推介大家來試

p.s. 朋友有訂位的 不過約晚上8時已經滿

另外聽講年尾會搬鋪 遲下再留意最新情況喔!!

是次小分享完畢 

有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

Freelance PR & Marketer, Blogger

www.fb.com/m.for.aminn / www.instagram.com/starzaminn
有關博客工作紀錄, 任何合作或訪問請接洽: aminn613@gmail.com

[港女破地獄手記] 食平DD 沙爹牛肉篇

果然電視節目一出大家都會pp痕要試煮

這個假期突然收到request想食土匪雞翼同沙爹牛肉

OK~~~其實電視教的一定是簡易版

所以好適合我(呢d新手)去做

 

是咁的 去到街市同超市都找不到孜然粉 更何況黑芝麻...

所以就轉陣整香茅雞翼

只需要香茅粉和雞翼XDDD

 

好了入正題 沙爹牛肉(2人份)

材料: 肥牛半磅、乾蔥頭2粒切碎、沙爹醬1湯匙、粗粒花生醬2湯匙、咖喱粉隨意(辣味)、水半杯

做法:

1. 如用急凍用先解好凍, 用糖、鹽、生粉醃好牛肉

2. 落少許油先將牛肉炒至半熟備用

3. 用細火爆香乾蔥頭碎, 加入沙爹醬、咖喱粉、花生醬、水拌勻, 加入半熟牛肉炒熱後即可

<完成>

 

肥媽用鮮牛肉 基本上肥牛解雪後的效果相似

黃薑粉都是買不到唯有加1湯匙現成沙爹醬扮啱味XD

煮沙爹汁我只用炒牛肉後黏在pan上的油

沒有另加所以需另加水開稀 算較健康

 

港女破地獄手記 https://www.facebook.com/media/set/?set=a.618179581551011.1073741831.266381400064166&type=1&l=c9098b24fc 

 

 

 

Aminn. Lifestyle Blogger / Freelance Writer

Follow me @麵語錄aminn http://www.facebook.com/M.for.aminn

http://instagram.com/starzaminn // http://weibo.com/starzaminn

有關個人簡介資料,任何合作或訪問請接洽: aminn613@gmail.com

旺場小店火鍋聚會

星期一晚到佐敦的陸陸雞煲火鍋與一班飲食達人聚會

旺角總店長期要等位 老闆說原來要早一星期訂位!!!

今次來到佐敦的新店 地點有少少難找

不過可由山林道尾走出來的松山道 其實又方便迫車囉XD

陸陸地方不算大 但算乾淨企理!

今晚我們試了雞煲和用豬骨湯加鮮茄的火鍋湯底

雞煲是少辣 我吃得辣的起碼要點中辣

講返個雞煲 除了雞件外都幾多配料

莞茜、芹菜、大蒜、蔥呀堆起就半個煲了

雞件在廚房裡先炒過 雞鹹味剛剛好
雞煲醬汁夠濃有點麻又有點甜 老闆們親自調較得不錯

除了雞煲火鍋 老闆亦準備了鮮茄濃湯火鍋

至於火鍋料之選必定有手切牛 特別推介封門柳 完全無渣 又香又淋

鵝腸有肥有瘦 不過我未食過已經被其他食友搶晒lo

聞說響鈴是自家炸的 不過的確比包裝買的厚身!! 浸落湯兩三秒已經食得

稻庭烏冬 火鍋必備除了肥牛就是烏冬 而且手打烏冬出名煙un 正呀!!

手打墨丸/墨魚滑 裡面有d墨魚粒又彈又香 一黑一白幾得意

黑色果隻只係加墨汁落去 其實味道一樣的XD

四寶丸都是推介之選 自己特別喜愛芝士丸 完全唔似平時在凍肉鋪買果D

菜類選擇算多 而且洗得很乾淨,冇爛葉 粟米超甜超好味

特別是窩筍 即是油麥菜的芯 很爽很脆 所有菜都算幾新鮮

陸陸的店員都好talkative的~

基本上有什麼推介甚至口味方面都可以問店員或是老闆

價錢的確唔算平 不過睇得出陸陸對食材有要求

從食物擺放到口味 到整體服務都表現出用心經營

不過的確地方不算大有點逼的感覺

希望小店賺到錢後搬一間大點的鋪 繼續小店的精神!!

其他飲食分享:

http://www.openrice.com/gourmet/reviews.htm?userid=52319

http://ufood.com.hk/crazyahmin/

 Follow me @麵語錄 aminn www.facebook.com/m.for.aminn
任何形式合作或訪問請接洽: aminn613@gmail.com