麵語錄食玩遊記 by Aminn

2019年11月2日星期六

【在職麻媽】幼稚園面試前準備：讓孩子習慣「學校環境」

人哋話生個大B讀書有著數，似乎都係，除咗小朋友學習能力高啲，對佛系家長都有多啲時間準備！點解咁講？話說我有幾位朋友早我幾個月生年尾BB，喺BB幾個月嘅時候就要去面試入PN！下？咁我係咪要去報？

我嗰刻先上網睇，真係嚇咗一跳！乜差3幾個月就要遲一年入學？(突然又變得好漫長...) 不過，原來PN班又唔係咁計... PN班要足2歲入學，但到暑假後班大B又未夠歲數*無得上K，變相PN要「留班」讀多年。
*根據教育局的規定，9月開學入讀幼稚園(K1)的兒童必須為2歲8個月或以上(即12月31日或以前出生)，而幼兒園/預備班(N1)的入學年齡則為滿2歲(若開學未滿2歲，須待學童生日後才能入讀)。

發覺有樣嘢好奇怪，就係級別，想當年幼稚園3年就係K1、K2、K3，而我認知嘅Pre-Nursery即係2歲班/幼兒班，但好多學校而家會咁分：
PN(2歲)＞ N(3歲)＞ Lower/LK(4歲)＞ Upper/UK(5歲)

亦有學校用N代表2歲班，之後跟返K1、2、3，所以一定一定一定要了解清楚心儀學校嘅情況先唔會錯過報名期！

講咗咁耐終於入正題，作為在職麻媽，平日已經無咁多時間陪小朋友，深夜metime認真仲邊有精力去「做功課」，我選幼稚園只有一個原則，最好就係近！屋！企！咁啱屋企樓下就有一間有PN嘅幼稚園，好喇，我嘅目標一下就考慮完畢。
接落嚟就要搵機會了解間學校，同時要了解下呢個年代「返學」係咩一回事，所以我喺小朋友8個月左右「終於」加入同區嘅媽媽WhatsApp group，方便八下區內有咩幼稚園開放日可以去參觀同玩下。

貼士1：留意區內幼稚園開放日，就到時間就去，預早俾小朋友接觸「學校」呢樣嘢
貼士2：留意心儀幼稚園開放日，盡量安排時間去，可以直接到學校查詢想知嘅問題貼士3：如果心儀幼稚園有playgroup或者其他班可以考慮下報名，俾小朋友熟悉心儀學校環境，減少面試日膽怯嘅機會

我嘅第一次學校開放日當然就係樓下間幼稚園，仲同小朋友報埋佢嘅playgroup(電話留位咋～仲要排隊㗎)，希望佢去玩順便熟習呢度嘅環境，留意返，係「學校環境」，唔係學習環境！

得閒就去下附近幼稚園嘅開放日

然而，好快就過咗1歲可以報名PN班面試... (待續)

是次小分享完畢，有興趣可按麵語錄食玩遊記 by Aminn 或 C家重地 Be a Asterholic 其他分享 :)

Aminn | Beauty．Food．Fun．Parenting．Trendy｜

麵語錄食玩遊記 by Aminn (Lifestyle)

www.facebook.com/m.for.aminn

www.instagram.com/starzaminn

C家重地 (Parenting)

www.facebook.com/sy.lam.family　

任何合作請接洽：aminn613@gmail.com

2019年8月23日星期五

【出門居家必備】蚊叮蟲咬、肌肉疼痛天然草本虎標萬金油

虎標萬金油係一個家傳戶曉嘅產品，細細個就覺得呢啲係阿婆油，因為個個老人家都會有，到自己做咗媽媽，終於知道好需要佢！

一直知道虎標萬金油係一罌白色透明膏藥，但係原來仲有另一款紅色嘅，究竟呢款「紅色虎標萬金油」有咩分別呢？

虎標萬金油(白色)：

·有效舒解頭痛、鼻塞、肚痛、胃氣脹及蚊叮蟲咬引致痕癢等不適

虎標萬金油(紅色)：

·蘊含肉桂，帶來溫熱感，有效舒緩肌肉疼痛，消除蚊叮蟲咬引起之紅腫和痕癢

細細罌膏藥，質地輕柔易推開，薄薄搽一層，可以消除蚊釘蟲咬。搽一層同時配合按摩，就可以舒緩酸痛，的確係「一物二用」居家必備品！

虎標萬金油
·天然草本成份
·品牌百年信譽
·大人細路都啱用
·超過100個國家銷售

*三歲以下兒童或G6PD患者不適宜使用

孕婦或哺乳期間內的婦女以及十二歲下兒童在使用前請先向醫生查詢*

更多產品資訊：https://www.tigerbalm.com.hk

購買點：萬寧、屈臣氏、華潤堂、莎莎、卓悅、各大超市及藥房

是次小分享完畢，有興趣可按麵語錄食玩遊記 by Aminn 或 C家重地 Be a Asterholic 其他分享 :)

Aminn | Beauty．Food．Fun．Parenting．Trendy｜

麵語錄食玩遊記 by Aminn (Lifestyle)

www.facebook.com/m.for.aminn

www.instagram.com/starzaminn

C家重地 (Parenting)

www.facebook.com/sy.lam.family　

任何合作請接洽：aminn613@gmail.com

2019年7月17日星期三

【孕前後調理】滴滴熬出老協珍升級版滴雞精

作為媽媽，好明白孕前後調理嘅需要，孕前服用滴雞精補身可以提升精神同消除疲勞，改善氣血兩虧有助成孕；產前服用可以增加孕婦抵抗力，亦可以補充蛋白質養胎；而產後普遍會有氣血不足同血瘀未清嘅情況，滴雞精可以補氣血，亦幫助虛勞嘅身體復元。中醫角度，產後媽媽以母雞進補較適合，因為母雞溫中益氣、滋陰、可以補虛損同促進傷口癒合。

今次介紹嘅「老協珍」係一個來自台北，擁有80年歷史嘅南北貨品牌，幾年前推出咗皇牌產品「熬雞精」，台灣製造，仲紅到去新加玻、美國等地，而家終於嚟到香港。

點解「熬雞精」係老協珍嘅皇牌產品？
台灣女神級徐若瑄早幾年都成為咗媽媽，之前喺娛樂新聞都知佢孕期因為胎位過低，大部份時間要臥床安胎非常辛苦！

原來當時徐媽媽由台灣帶到新加坡嘅養胎補品就係老協珍「熬雞精」同「燉燕窩」，徐若瑄生產之後氣色好好，而且仲分享安胎心得提及到老協珍「熬雞精」幫佢滋補身體，自此老協珍嘅知名度就喺台灣暴升～

除咗徐若瑄之外，我哋熟悉嘅朱薰、蔡雪瑩、李蘊、周秀娜同王心凌都係「熬雞精」嘅Fans。

而且仲得到唔同親子平台嘅肯定！

台灣：連續5年NO.1滴雞精！台灣第一母嬰網站Babyhome市場調查，連續3屆「媽咪愛用品牌NO.1」及「好感度NO.1」 (2015、2017、2019)
香港：荷花OURS《媽媽寶寶》最佳孕期滴雞精品牌首選

老協珍「熬雞精」選用品質優良育種老母雞，飼養12個月大嘅第二代老母雞可以萃取更多營養成分、熬出更高品質嘅熬雞精，再加入豬腩排以慢工細熬8小時萃取豐富蛋白質、支鏈胺基酸、膠原蛋白等。而且熬雞精成分無添加任何中藥，無論任何年齡層、體質都可以選用。熬雞精亦通過國際檢驗，0膽固醇、0味精、0抗生素、0防腐劑、0塑化劑、0激素，而且熱量只有14 kcal，對孕媽嚟講，孕期每日都要進補，「肥B唔肥媽」係每個愛美媽媽嘅願望！

熬雞精包裝非常講究，以日本專利4層不透光內袋，最內層質料同奶樽相同，咁就可以完整保存產品營養同風味，並確保隔水加熱唔會滲入化學物或者有重金屬殘留。