麵語錄食玩遊記 by Aminn

2019年7月5日星期五

【你有「宮寒」嗎？】排走宮寒身體好即做即為子宮保暖！

好多女仔都話自己天生「寒底」，手腳容易冰冷，對冷氣特別敏感，臉色比一般人蒼白等等。從中醫角度，腳相等於人嘅第二心臟，所以建議我哋多浸腳促進血液循環，就可以預防唔同身體問題！

Gold Princess 皇家足貼係由天然草本成份製成，有竹酢、薰衣草、生薑足貼，可以幫助排毒美容、改善失眠、舒緩疲勞、舒筋活血、改善浮腫、改善手腳冰冷等等。

最近雙腳成日抽筋，就用生薑皇家足貼袪濕。用法好簡單，臨瞓貼晒2隻腳底，朝早起身就可以撕返落嚟！

其實寒性體質大多係後天因素造成，好多女仔特別鍾意凍飲、食生冷嘢，或者貪靚喺冬天都穿着得單薄，呢啲習慣都容易令寒氣入侵身體導致「宮寒」！

Gold Princess 皇家暖宮貼可以舒緩女性生理期嘅不適，仲有效促進腸胃蠕動、增強血液循環、消除疲勞、舒解痛症。皇家暖宮貼同樣由天然草本成份製成，原來唔止用喺腹部，仲可以貼腰背疼痛位置！

銷售點：
皇家足貼：萬寧、SASA、卓悅、ColourMix、華潤堂、AbouThai阿布泰國生活百貨
皇家暖宮貼：SASA、卓悅、AbouThai阿布泰國生活百貨

留意返，正貨包裝嘅正面係有行貨貼紙㗎！

是次小分享完畢，有興趣可按麵語錄食玩遊記 by Aminn 或 C家重地 Be a Asterholic 其他分享 :)

Aminn | Beauty．Food．Fun．Parenting．Trendy｜

麵語錄食玩遊記 by Aminn (Lifestyle)

www.facebook.com/m.for.aminn

www.instagram.com/starzaminn

C家重地 (Parenting)

www.facebook.com/sy.lam.family　

任何合作請接洽：aminn613@gmail.com

2019年7月4日星期四

當7.1中午大家滿有信心準備去遊行，喺電視畫面同網絡世界，就算唔係CCTVB，都俾嗰架鐵籠車搶晒fo，我心入面同樣係諗「衝嚟做乜、係鬼呀、引你哋入去、民意逆轉」等等問題，當我開始氣憤嘅時候，見到個舊同事提醒大家「三不」嘅訊息，無錯，無論你認唔認同又好、帶頭推嗰個係咪鬼都好，總之大家繼續做自己認為啱嘅事，繼續發聲，唔會俾任何嘢影響我哋嘅自由意志！

行完幾個鐘再上網，嘩，乜搞到咁啦？係呀，我都認為班小朋友好傻仔，有暑假唔放走嚟食催淚彈、俾差人打！要有幾絕望先會覺得義無反顧同你真搏命去爭取可能無存在過嘅一絲希望，直頭係白痴！

係呀，佢哋係破壞公物，又要公帑埋單！大家做咗22年香港特區人，政府每年都倒幾千個億落啲大白象度，我哋咪又每年繼續仆乖地交稅，個心一早麻木晒。嗰少少玻璃、鐵枝同油漆5000萬咋嘛，是旦超一個資都唔止呢個數！

大家要接受香港已經唔係昔日嘅東方之珠好很耐，而家嘅香港唔同咗，年青人都已經唔同咗。上一代嘅人，凡事大事化小、算數啦；嚟到我呢代，守規矩就代表乖已經唔係絕對，更何況佢哋？大家可以唔認同個做法，但唔可以放棄佢哋，一個都不能少！

科大現任校長史維嘅公開信好值得大家深思：「要全面觀察過去數星期發生的事，應了解示威者的想法，社會應該解決事件發生的根源，現在當務之急，是採取適當行動緩和衝突，各方應以開放態道聆聽各自意見，直接對話，重覆一些相同的聲明或持續衝突，只會帶來更多分裂，最終輸的是香港。」

無論你覺得而家班年輕人好暴力、盲撐警班支持者好暴力、定係警察發泄式執法好暴力，請首先認清暴力源頭，係呢個慣性格硬嚟嘅官員、態度傲慢嘅林鄭媽媽：

完全看不到有人因為這次事件而死？

(69) 103萬人上街：繼續二讀；
(612) 三罷圍佢：讉責暴亂、暴徒；
(615) 期待佢正面回應：暫緩囉；
(615) 死咗第1個人：無回應；
(616) 200萬+1人上街：真誠致歉，已經暫緩咗啦；
(628) 龜縮2星期：好多人以為我死咗，我唔會死；
(629) 死咗第2個人：無回應；
(630) 死咗第3個人：無回應；
(71) 熱烈慶賀回歸：我會繼續聆聽年輕人聲音；

(71) 55萬人上街：無回應；

(71) 衝擊立法會11小時：扮無回應；

(72) 凌晨4點記者會：讉責衝擊、行為極暴力、揚言追究到底；

(74) 聆聽各界聲音，要求閉門會議；

(74) 死咗第4個人：無回應...

以上種種，唔係要你認同我，如果你想知道班出嚟上街同衝立法會嘅示威者發咩神經，阻你10分鐘，聽聽幾位同樣熱愛香港嘅香港人講乜：

聽眾烽煙：擺班細路上枱好無恥！【881晴朗7‧2】
https://youtu.be/OCJbozyW2No

一直沒有回應訴求，所以視死如歸？

各位手足，我哋而家仲可以做嘅就係將聲音帶到國際，Twitter、Youtube、海外投稿等等各有各做，用自己力量繼續九唔搭八！

2019年6月25日星期二

【兒童飾宜】期待同囡囡一齊扮靚韓國兒童護膚品牌PeachAnd系列

聽過好多女孩子都會拎媽媽嘅護膚品同化妝品嚟玩，不過我媽媽本身唔貪靚，所以我細個無經歷過～但自從之前同囡囡參加咗LazyLace Beauty活動，我發覺佢貪靚同好奇心一樣係與生俱來極強...

不過大家要留意返，大人用嘅護膚同化妝品可能含有唔同嘅化學物質，小朋友唔小心接觸到有機會引起皮膚敏感㗎！原來而家部分低敏護膚品同化妝品，成份方面已經改良到小朋友都可以用！韓國兒童護膚品牌PeachAnd系列包括荷荷芭油潤唇膏丶指甲油、防曬霜，甚至連保濕面膜都有！而且產品包裝仲充滿夢幻感，最重要係成分天然刺激性低，以後媽媽就可以放心同小朋友一齊扮靚啦！

PeachAnd系列嘅外盒同包裝都充滿公主elements，pinkpink主色調、皇冠、蝴蝶結、天使翼，滿足晒班小公主嘅心思！

PeachAnd Sun Pact SPF 50+ PA+++ 防曬霜

唔好以為小朋友就要搽防曬好誇張，佢哋肌膚咁幼嫰，唔係怕佢曬黑，係怕佢曬傷！用粉撲撲上面再平均推開，唔駛直接搽到雙手都係防曬液。當中除咗防紫外線，亦都可以保濕肌膚，天然成份包括水蜜桃、茉莉花、洋甘菊提取物同維他命E等等。 PeachAnd Lip Color Stick (保濕潤唇膏)

呢款Glossy Pink就咁睇落好似幾紅，塗上之後原來只係粉紅色，好啱而家要參加好多表演、比賽嘅小朋友用，均勻返唇色，顏色又唔會太誇張。當中含有荷荷芭油同蜂蜜提取物可以滋潤雙唇。無添加防腐劑、礦油同硅油等化學成份，安全性高。
PeachAnd Ballerina Mask (Kids Mask Sheet)

芭蕾舞者兒童面膜係市面小見嘅兒童產品，打開包裝有啲果味，係來自檸檬、西柚、乳木果萃取物同天竺葵、迷迭香精油等等天然成份，面膜上仲有衣罩同皇冠圖案。size真係俾小朋友用㗎咋，我只係示範一下，勉強仲用到哈哈～

當然都有大人用嘅護膚品啦！
呢款Forencos pH5.5 Efficacy Mask (藥丸面膜) 有4隻顏色，針對唔同肌膚狀況，解決過敏、敏感、乾燥、暗啞肌膚需要。

最近天氣咁熱，我就用咗藍色藥丸pH5.5 Hyaluron Mask，雖然話係缺水肌膚適用，但係佢有3重透明質酸、多重保濕，喺炎熱天氣幫肌膚補充水份。

面膜紙好薄唔會感覺局促，剩餘精華液多到一隻手都放唔晒，夠我敷返晒上面同頸。最後，期待同囡囡一齊扮靚嘅媽媽要留意返，就算低敏安全嘅護膚品、化妝品，都建議3歲或以上嘅小朋友先好用呀！

是次小分享完畢，有興趣可按麵語錄食玩遊記 by Aminn 或 C家重地 Be a Asterholic 其他分享 :)

Aminn | Beauty．Food．Fun．Parenting．Trendy｜

麵語錄食玩遊記 by Aminn (Lifestyle)

www.facebook.com/m.for.aminn

www.instagram.com/starzaminn

C家重地 (Parenting)

www.facebook.com/sy.lam.family　

任何合作請接洽：aminn613@gmail.com

2019年6月24日星期一

【尋回幸福感】DR REBORN BTL EMSELLA 幸福椅 (男女適用)

我同其他媽媽一樣，生完BB後都面對唔同程度嘅尿滲問題，自然分娩嘅媽媽尤其嚴重。但並唔係代表開刀媽媽就無尿滲問題，因為我哋陀BB嘅時候，胎盤日漸增加嘅重量令到我地嘅盆腔肌肉鬆馳咗，除咗尿滲，嚴重仲會失禁同子宮下垂！日常最明顯就係每日都會遇到嘅，忍尿！返工有時真係唔係想去就即時去到廁所，諗住等陣先點知一急就突然好急，忍就仲忍到，但係就真係好難頂！但係盆腔肌肉點解令佢firm返呢？唔通去做gym咩~ 針對呢個問題，上星期我就去咗DR REBORN體驗英國醫療級儀器品牌BTL EMSELLA嘅「幸福椅」，帶俾大家一個幸福機會！

「幸福椅」利用專利HIFEM™高能量聚焦磁場技術深入10cm直達盆腔肌肉，喺無痛狀態下持續有效收縮，28分鐘療程就等於做咗超過1萬次盆腔肌肉收緊訓練，keep住做4-6次可以令盆腔肌肉回復厚實同有返彈性。

以前做女性私密部位嘅儀器，都需要直接同身體有接觸，所以好多女士礙於尷尬都唔會做。但而家嘅「幸福椅」就唔同啦，佢嘅外型就係一張椅，只要坐係上面，當儀器啓動之後，專利HIFEM™高能量聚焦磁場就會一下一下咁深入盆腔肌肉作收緊訓練，身體亦唔會有任何痺痛感覺。

呢部機仲得到美國FDA、歐盟CE、巴西ANVISA以及加拿大HEALTH CANADA LICENSE嘅專業認證。

DR REBORN BTL EMSELLA 幸福椅療程功效： ✔強化盆底肌肉組織 ✔拉緊提升膀胱/直腸/陰道 ✔抒緩尿滲/失禁問題 ✔膠原增生陰道緊緻

相對類同功效儀器，為什麼選擇幸福椅?
✔不用脫衣 ✔非入侵性 ✔無恢復期 ✔國際認證 ✔28分鐘

BTL EMSELLA「幸福椅」唔止帶俾女士幸福，連男士都啱用㗎！

28分鐘療程入面，我就輕輕鬆鬆坐喺「幸福椅」上面，而且玩住電話都唔會有影響，大家可以一路煲劇一路搵幸福啦！~XD

是次小分享完畢，有興趣可按麵語錄食玩遊記 by Aminn 或 C家重地 Be a Asterholic 其他分享 :)

Aminn | Beauty．Food．Fun．Parenting．Trendy｜

麵語錄食玩遊記 by Aminn (Lifestyle)

www.facebook.com/m.for.aminn

www.instagram.com/starzaminn

C家重地 (Parenting)

www.facebook.com/sy.lam.family　

任何合作請接洽：aminn613@gmail.com

2019年5月31日星期五

【凍走脂肪】準備夏天嘅來臨！elyze CoolSculpting冷凍溶脂

話咁快Aster姐就過咗一歲生日，原來肚仔脂肪已經靜悄悄咁跟咗我年幾兩年，以前仲可以用闊身衣物去遮遮掩掩，而家都係闊身衣物，不過買大1、2個碼！既然已經肥咗，我都放棄治療之際，俾我喺Gratus發現咗elyze嘅定位修形做它們的皇牌療程「CoolSculpting冷凍溶脂療程」。最鬼鼠嘅肚仔就等我定位消滅佢！
冷凍溶脂療程係以經FDA認證嘅專利技術Cryolipolysis，利用特定低溫機頭，以真空吸吮技術凝結療程部位嘅脂肪細胞。冷凍環境可以令脂肪細胞自然凋亡，再經新陳代謝自然排出體外。一次療程就有效減少22%脂肪細胞，而且療程為非入侵性，無須復原期，效果大約2-3個月後就會呈現，又係時候準備今年夏天嘅來臨！