麵語錄食玩遊記 by Aminn

C家重地 (Parenting)

任何合作請接洽：aminn613@gmail.com

2019年5月22日星期三

【見證肌齡逆轉】Skin Snap keep住做緊貼肌膚需要

做咗麻媽之後個人真係再懶咗，連對肌膚嘅願望都已經唔緊張，唔好放棄治療呀！

長期唔夠瞓，加上照顧BB需要用多咗體力，個人好攰之餘，肌膚都會因為缺水導致較乾同浮現幼紋。

前排用咗Gratus App嘅Skin Snap AI 肌底透析，唔check真係少有會關心真實肌膚狀況，就算表面好似無乜問題，又無粒粒又無敏感，但係睇返Skin Snap結果真係嚇一跳，原來自己嘅緊緻度同皺紋量已經著晒紅燈！

除咗即刻乖乖搽返多啲去角質產品同有緊緻功效嘅精華面霜，仲唔可以缺少眼部精華。再跟Gratus App建議嘅醫美方案去Evvus做Ultherapy®輪廓拉提療程，針對眼紋、眼袋、眼皮下垂等等肌膚問題，緊緻返我眼周附近嘅肌膚，效果仲可以keep到1年！

而家用電話App就可以keep住追蹤肌膚狀況咁方便，我隔2星期左右就會定期Skin Snap 一次，可以對比返過往嘅報告，睇下「分數」有無改善同啱用咩護膚品。

如果大家都想追縱住自己肌膚狀況，見證自己肌齡逆轉，就要立即下載Gratus手機程式：https://www.gratus.com.hk/s/27Y38F，透過電話就可以更了解自己肌膚，揀啱適合自己嘅療程或者護膚品，及時跟進自己肌膚需要呀！

是次小分享完畢，有興趣可按麵語錄食玩遊記 by Aminn 或 C家重地 Be a Asterholic 其他分享 :)

Aminn | Beauty．Food．Fun．Parenting．Trendy｜

麵語錄食玩遊記 by Aminn (Lifestyle)

C家重地 (Parenting)

任何合作請接洽：aminn613@gmail.com

2019年5月7日星期二

【gratus新功能啟動】$180月購NeoDerm各大醫美皇牌

上星期我同好多blogger朋友一齊出席gratus嘅新功能啟動派對，佢哋推出咗全新博客分享平台，增設自主產品體驗同分享頻道，嚟緊blogger們就更多機會更方便去體驗NeoDerm唔同醫美產品同療程！

除此之外啟動派對仲率先介紹最新Geneoo基因表現療程：

以突破性光學技術，由基因開始，從根源去改善肌膚暗啞、缺水、細紋3大問題，有效改善近60%相關基因表現，擊退肌膚老化問題，重現白滑水潤原美肌，回復年輕狀態

以及gratus「月購會」：

以月購形式體驗「醫美升級」全新概念，每月只需$180，就可以試盡皇牌醫美產品！每個月都可以喺指定18款產品當中任揀1件，仲會隨機送3件護膚品試用裝！

而家成為新會員仲有訂購獎賞：連續訂購3個月($180/月)，就送最新Geneoo基因表現療程(體驗價$800)。我已經率先加入咗「月購會」，第一個月主打推介就係醫學補濕皇牌Bicelle B5 gel呀！

知唔知我哋好多人長期都處於「持續缺水」狀態？
唔好以為冬天先需要補濕，其實夏天長期多陽光，仲要經常身處冷氣空間，補完濕仲要鎖水先係最重要！要知道持續缺水唔單止係乾燥咁簡單，而係細胞初老化嘅徵兆！

講返支B5 Gel，佢獨有嘅「Tri-Hydra 三角醫學補濕系統」針對肌膚3大「肌渴」問題，1支已經做到水潤、抗氧、再生3大護膚效果！入面嘅維他命B5同透明質酸幫肌膚可以喺長時間維持足夠水分！

早晚洗完面之後，日常保養再加3、4滴B5 Gel就足夠，水份質感嘅精華液推幾下就完全吸收。夜晚就係細胞最活躍嘅時間，補水效果會更好！仲要記得保持好心情，都可以幫助抗氧化喔～哈哈！

gratus月購會咁正～立即上gratus網頁或者App睇下啦！隨時隨地都可以訂購，每個月好方便就收到優質醫美皇牌產品，包括我推介呢支B5 Gel呀：https://www.gratus.com.hk/s/XGF4LR

是次小分享完畢，有興趣可按麵語錄食玩遊記 by Aminn 或 C家重地其他分享 :)

Aminn | Beauty．Food．Fun．Parenting．Trendy｜

麵語錄食玩遊記 by Aminn (Lifestyle)

C家重地 (Parenting)

任何合作請接洽：aminn613@gmail.com

2019年4月30日星期二

【將軍澳媽媽】九龍東分娩率下跌？之為何我不去聯合醫院生仔

將軍澳，其實都唔算新區，作為香港第七個新市鎮，講到「新市鎮」就知有幾舊。

港鐵將軍澳綫過幾年都開通20年，日出康城都10年，近5年將軍澳南發展，私樓、居屋、公屋都起到出海旁啦！

醫管局「九龍東聯網」服務觀塘區同西貢區，如果計港鐵綫就係由九龍灣到寶琳，仲有上咗山嘅秀茂坪同去到篤篤嘅西貢，人口接近100萬。現時孕婦要喺公營醫院生仔，係以登記住址分配去邊間醫院，住喺九龍東嘅孕婦只可以被安排去「聯合醫院」。

將軍澳係一個「年輕」嘅社區，好多年輕人搬出嚟住或者年輕夫婦都選擇呢區置業，唔該醫院管理局嘅高層過嚟「落下區」，睇下將軍澳BB車多過乜嘅奇景！講得出「九龍東分娩率下跌」嘅官員唔止無去了解真實情況，連用腦諗下都無！

無他～高層係睇數字做事，OKAY！我就用數字話你知：為何我不去聯合醫院生仔！

1. 人多 — 截至2018年11月，香港共有243個公共屋邨，其中48個即係5分之1屬於「九龍東」，公共屋邨就代表人口密度，而包圍住聯合醫院就係順利邨、順安邨、順天邨、安泰邨、秀茂坪邨、安達邨、寶達邨、翠屏北邨、樂華邨等等..單係聯合醫院個山頭已經夠多人，醫管局預而家嘅年青人唔生仔？

2. 唔方便 — 觀塘區嘅居民應該仲肯去聯合嘅，去到觀塘市中心上多半個山就到醫院；住將軍澳同西貢就麻煩喇，將軍澳出觀塘市中心要經過經常多車、壞車、撞車，而且半夜都會塞車嘅將軍澳隧道；西貢就要兜去彩虹返觀塘再上山；OKAY～我知去公院生仔可以call白車直駛去醫院，咁就係好方便？
總之生仔好多突發機會要同時間競賽，點解咁多人口嘅九龍東無「聯合醫院產科」以外嘅選擇？

3. 危險 — 「聯合醫院」同「醫療事故」幾乎劃上等號，公營醫院嘅產科醫療事故近年都有幾單！

喺私院生無錯係環境、過程都舒服啲，不過閒閒地都要7、8萬甚至10萬先落到樓，好多家庭負擔到都只係「俾得出」，有得慳邊個唔想？

然而生仔已經有一定危險，錢都係要洗嘅話不如用嚟求個安心，好過有乜事輕則睇醫生，重則定驚都唔夠俾。再者，而家係啲年輕家庭怕咗你「聯合醫院」而唔去幫襯，正確嚟講係「使用九龍東產科分娩率下跌」，並非「九龍東分娩率下跌」！

講返根本問題，點解我哋對「聯合醫院」甚至「公營醫院」無信心，從而被迫選擇唔享受香港人嘅「醫護福利」？全因為香港政府、醫院管理局漠視醫護人手不足對社會公眾、人命帶嚟嘅影響！

作為立稅人，呢啲係社會責任，啲錢用得其所係政府嘅責任，但係社會建設無論有咩經濟因素，都無可能重要過性命尤關嘅醫療！

錢就俾咗出去喇，我都唔希望將來需要用到政府醫療服務，但有需要嘅時候，唔好話生仔，連睇病醫病都要自己準備好「自願醫保」去為自己條命打算，香港人真係病唔起！噢~忍唔住離題了！

是次小分享完畢，有興趣可按麵語錄食玩遊記 by Aminn 或 C家重地其他分享 :)

Aminn | Beauty．Food．Fun．Parenting．Trendy｜

麵語錄食玩遊記 by Aminn (Lifestyle)

C家重地 (Parenting)