【時日太快 轉M碼片了】全新包裝GOO.N大王「柔軟紙尿片系列」

作為新手媽媽，相信喺產前講座同媽媽會已經收咗好多唔同牌子嘅尿片sample，主要都係嗰幾個本地同日本制常見牌子，我嘅存貨夠用Aster返到屋企頭一星期，正好就係用晒嚟試下唔同牌子嘅效果，辛苦晒Aster個pat pat了！

我相信每個品牌嘅尿片都有啱用嘅BB，就算出名「爆片、滲尿」嘅品牌，我都有朋友嘅小朋友用緊。一般嚟講，常見牌子嘅尿片價錢其實相差唔太，所以我哋主要都係睇實用性同舒適度，所以為BB揀選尿片真係要試下先知，間中爆片、滲尿唔一定係關尿片事，我更著重剪裁啱唔啱BB身型、尿片芯質感同吸濕力，BB著得舒服最重要！

今次試用GOO.N大王全新包裝嘅「柔軟紙尿片系列」，每塊都有唔同嘅動物圖案，可惜Aster未識欣賞住。片芯質地柔軟，摸上手都好舒服。


而家幾乎戒咗夜奶，就算著咗成晚都唔會有爆片情況，透氣同吸水都好好。 最緊要就係個尿濕提示係「變色」，個人唔係太鍾意「公仔消失」嗰啲款，消失少少又唔多覺，消失晒已經滿晒尿啦，唔好咁啦！

Aster而家5個月啱啱要轉M碼，同BB換完片最緊要背脊位，檢查條邊有無翻出或者翻入，尿片要輕輕貼住背脊，唔可以太鬆，如果唔係萬一BB poopoo，邊個牌子都一樣會爆片！

平時”zip”隻手去後面摸摸就得

另外就係睇脾位，太緊嘅話下次換片就會見到有「橡筋印」，即係cool住咗大脾，我習慣啱啱貼實就算，再同Aster著包片底衫，用包片位包實佢就搞掂。

之前Aster用過本地品牌NB，雖然佢人仔細細，但係遺傳咗優質象腿，有一日我哋換片嘅時候發現「橡筋印」先知脾位太堅啦，所以好快已經轉S碼，唯有包實啲條片。

其實隨住BB成長，未必會一個牌子用到尾，有需要嘅時候就要轉唔同牌子嘅尿片或者學習褲，所以我哋每日都要留意BB嘅情況，除咗尿片，BB啲衫仔同用品都會無啦啦突然就要轉，湊BB真係好忙，哈哈！

是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting)
www.facebook.com/sy.lam.family

任何合作請接洽：aminn613@gmail.com