麵語錄食玩遊記 by Aminn: 2019

2019年12月28日星期六

【肉桂卷迷揮手區】美國人氣熱店Cinnabon即將登陸！

本身我都鍾意肉桂卷，但又好憎甜到漏嘅嘢，2年前去關島俾我發現個樣漏成咁嘅肉桂卷，個心真係離一離！

但係人氣喎～最重要係佢嘅分店喺Mall度我可以入去坐坐Tea一下，果然一試愛上！

佢嗰啲焦糖醬、朱古力醬係種戀愛感覺，而唔係一般甜到漏，食完會心痛嘅感覺...

好後悔旅程最後幾日先試到，最後食咗2次咋！
Cinnabon一直喺我心入面，佢終於嚟香港啦！

官方宣佈即將喺2020年2月喺奧海城開幕，期待～

是次小分享完畢，有興趣可按 麵語錄食玩遊記 by Aminn 或 C家重地 Be a Asterholic 其他分享 :)

Aminn | Beauty．Food．Fun．Parenting．Trendy｜

麵語錄食玩遊記 by Aminn (Lifestyle)www.facebook.com/m.for.aminn www.instagram.com/starzaminn 

C家重地 (Parenting) www.facebook.com/sy.lam.family

任何合作請接洽：aminn613@gmail.com

2019年12月23日星期一

【5天激活膠原12倍！】28 days 強效活肌修復膠原Challenge！（貼士篇）

上回講到使用Endocare「膠原小蝸牛SCA40」喺節日前急救肌膚，咁節日後呢？所以今次想同大家分享一啲「膠原小蝸牛SCA40」嘅使用小貼士！

－旅行必備－

好多朋友都知機艙喺半空嘅濕度得15%咋！1ml膠囊裝嘅「膠原小蝸牛SCA40」係上到機嘅，搭長途機可以喺上機前啪定一支，或者直接喺飛機搽都唔覺眼。

短途機就唔係好必須，但好強烈建議帶「膠原小蝸牛SCA40」去旅行，除咗方便，因為去到外地溫度濕度唔同咗，有啲膚質係會水土不服㗎，肌膚狀況一唔穩定，敏感、甩皮嗰啲就會出嚟搵你！

尤其去歐美、澳洲超勁太陽嘅地方，SCA仲可以全面抵禦紫外線同游離基，修復紫外線同游離基對皮膚造成的傷害，都係好重點可以減慢膠原流失同抗衰老㗎！

－療程後護理－

好多朋友會定期做facial treatment，尤其係一班準新娘都會join唔同嘅醫美療程，其實做完一啲高能量嘅療程之後有個叫「黃金72小時」定律，即係72小時內搽咩敷咩肌膚都會吸收晒！以前屋企通常會有盒貴少少嘅補濕面膜留喺呢啲時候用。

而家我用「膠原小蝸牛SCA40」就可以喺treatment後即時紓緩紅腫、瘙癢同療程後灼熱感，仲可以加快laser、果酸煥膚呢啲醫美療程後嘅肌膚修復，同加強療程效果。

－重點急救－

SCA其中一個功能就係淡疤印，面對唔同嘅印(黑色素)，平時搽均全面咁用未必好重點咁對付到。可以利用潔膚棉，視乎你想重點淡印或者急救個範圍剪成細塊，再滴「膠原小蝸牛SCA40」落去，潔膚棉啱啱濕滿嘅份量就夠，敷佢10分鐘

－加強修復－

「膠原小蝸牛SCA40」作為高濃度蝸牛精華，SCA活肌修復因子比維他命E抗氧化力高6倍，高效抵抗游離基，防止膠原流失。除咗急救肌膚表面問題，同時都會深入底層激生膠原，修復受損細胞。

如果屋企有部導入機就正正子喇！全面同頸搽一層「膠原小蝸牛SCA40」，再將精華直接導入到肌底，等肌膚吸收到更多養份。同時配合一啲拉提動作，可以由內而外全面提升肌膚光澤同彈性添！

－適量使用－

上回已經提過，個人覺得佢本身嘅定價稍貴…所以除非嗰排要急救先會1次搽一整支呀！

所以，留意返「膠原小蝸牛SCA40」個頂頂，扭開用完之後，將頂頂倒轉塞返落去就可以保存。一般搽全面同頸嘅話，我一支用到1.5至2次，建議喺夜晚開嚟用，餘下嘅早上洗面後用埋佢，因為開咗嘅護膚品梗係快啲用晒最保質啦！

總結

持續使用「膠原小蝸牛SCA40」除咗可以強效擊退皺紋之外，鎖水保濕塊面keep住水潤，同速效修復肌膚外，仲可以修復色素疤印，持續使用仲會有更多驚喜！

話說回來，點解修復膠原Challenge係28 days呢？因為健康嘅肌膚更新週期就係28天呀！當然要處理肌底嘅唔同問題係需要更長時間，一般重整肌膚膠原排序係需要90天去重啟細胞生命力，所以每日使用啱自己肌膚需要嘅護膚品就可以事半功倍，幫肌膚打好個底，keep住年輕肌膚唔係難事！

而家到指定屈臣氏* 以7支裝售價$440購買「Endocare 膠原小蝸牛SCA40 增量裝」(額外再送2支, 即係9支!!) 及 $50現金券，優惠由即日至1月中咋 (售完即止)

指定屈臣氏*: http://bit.ly/35kLSYO

是次小分享完畢，有興趣可按麵語錄食玩遊記 by Aminn 或 C家重地 Be a Asterholic 其他分享 :)

Aminn | Beauty．Food．Fun．Parenting．Trendy｜

麵語錄食玩遊記 by Aminn (Lifestyle)

www.facebook.com/m.for.aminn

www.instagram.com/starzaminn

C家重地 (Parenting)

www.facebook.com/sy.lam.family　

任何合作請接洽：aminn613@gmail.com

2019年12月20日星期五

【5天激活膠原12倍！】28 days 強效活肌修復膠原Challenge！（成效篇）

仲講25歲好似有點遙遠了，總之肌膚初熟之後膠原就逐漸流失好了..

肌膚衰老問題係好多女仔出嚟做嘢之後面對嘅問題，人大咗多咗吃喝玩樂、日常化妝、夜瞓煲劇睇Live，加上空氣污染同唔同嘅生活壓力，統統都會加速膠原流失，想5天就可以激活膠原12倍，Let’s Go！

我哋嘅膠原一邊加快流失，另一邊新陳代謝減慢，所以幼紋、鬆弛、毛孔粗大都會慢慢浮現，連底層肌嘅修復都會減慢，形成暗啞，或者暗瘡印難退等等！

我本身都以為自己無乜肌膚問題，都係初熟肌有嗰啲細紋、毛孔粗大呀，最concern始終都係膠原流失補唔返！

今年我認識咗個強效修復膠原產品Endocare「膠原小蝸牛SCA40 」，即係「強效活肌修復精華 SCA40」，本身定價我覺得稍貴，所以會趁佢做promotion或者set裝先入手，最近見到佢喺屈臣氏已經買到，售價更大眾化，想知仲有咩更抵嘅入手貼士，記得睇到最尾！

「膠原小蝸牛SCA40 」蘊含高濃度40%專利SCA活肌修復因子，萃取自地中海特有品種蝸牛嘅分泌，醫學研究發現喺48小時內可以自體修復組織至原有健康狀態，Endocare利用佢喺醫學美容方面可以有效修復受損嘅肌膚細胞，為心急嘅愛美人士帶嚟肌膚急救。

使用方法：
• 日常保養 - 每日潔面後取出適量份量塗抹面部和頸部肌膚
• 深層修復 - 連續7日每天使用1支於晚上潔面後使用
• 妝前急救 - 妝前使用半支塗抹面部貼妝不浮粉
• 旅途護理 - 隨時塗抹解決機艙空氣乾燥皮膚缺水

佢話「5天激活膠原12倍」呀嘛，其實用完5日就咁睇當然睇唔到嗰12倍膠原喺邊啦，不過我去咗NeoDerm做咗5天前後嘅肌膚測試，照埋肌底效果一目了然。今次同大家分享2個比較重點嘅肌膚問題，就係皺紋同表層斑（色素）：

－皺紋－

綠色部分就係肌底皺紋啦！(Oops…專注用SCA忘記了眼霜的後果……)

醫學實證持續使用SCA40可以擊退皺紋30%，雖然我額頭上未有明顯皺紋，但係膠原係不斷喺肌底流失緊，真係悄悄的走了啦！

連續5天搽咗膠原小蝸牛SCA40 喚醒健康膠原撐返起肌底，明顯皺紋數目少咗左，5天速效修復平滑細紋、擊退皺紋就係咁簡單！

－表層斑－

膠原小蝸牛SCA40 仲有高效抗氧，加上可以全面修復紫外線同游離基對皮膚造成的傷害，雖然5天效果唔算好明顯，但每日都接觸緊紫外線，表層斑減少某程度都代表到細胞減慢膠原流失同抗衰老，係好重要！

下星期就係聖誕節，嚟緊好多Party？

俾個小貼士你，可以放支喺化妝袋，最後衝刺啪返支做妝前打底都幫到手㗎！

而家到指定屈臣氏* 以7支裝售價$440購買Endocare「膠原小蝸牛SCA40 增量裝」(額外再送2支, 共9支) 及 $50 現金券，優惠由即日至1月中 (售完即止)

指定屈臣氏*: http://bit.ly/35kLSYO

是次小分享完畢，有興趣可按麵語錄食玩遊記 by Aminn 或 C家重地 Be a Asterholic 其他分享 :)

Aminn | Beauty．Food．Fun．Parenting．Trendy｜

麵語錄食玩遊記 by Aminn (Lifestyle)

www.facebook.com/m.for.aminn

www.instagram.com/starzaminn

C家重地 (Parenting)

www.facebook.com/sy.lam.family　

任何合作請接洽：aminn613@gmail.com

2019年11月2日星期六

【在職麻媽】幼稚園面試前準備：讓孩子習慣「學校環境」

人哋話生個大B讀書有著數，似乎都係，除咗小朋友學習能力高啲，對佛系家長都有多啲時間準備！點解咁講？話說我有幾位朋友早我幾個月生年尾BB，喺BB幾個月嘅時候就要去面試入PN！下？咁我係咪要去報？

我嗰刻先上網睇，真係嚇咗一跳！乜差3幾個月就要遲一年入學？(突然又變得好漫長...) 不過，原來PN班又唔係咁計... PN班要足2歲入學，但到暑假後班大B又未夠歲數*無得上K，變相PN要「留班」讀多年。
*根據教育局的規定，9月開學入讀幼稚園(K1)的兒童必須為2歲8個月或以上(即12月31日或以前出生)，而幼兒園/預備班(N1)的入學年齡則為滿2歲(若開學未滿2歲，須待學童生日後才能入讀)。

發覺有樣嘢好奇怪，就係級別，想當年幼稚園3年就係K1、K2、K3，而我認知嘅Pre-Nursery即係2歲班/幼兒班，但好多學校而家會咁分：
PN(2歲)＞ N(3歲)＞ Lower/LK(4歲)＞ Upper/UK(5歲)

亦有學校用N代表2歲班，之後跟返K1、2、3，所以一定一定一定要了解清楚心儀學校嘅情況先唔會錯過報名期！

講咗咁耐終於入正題，作為在職麻媽，平日已經無咁多時間陪小朋友，深夜metime認真仲邊有精力去「做功課」，我選幼稚園只有一個原則，最好就係近！屋！企！咁啱屋企樓下就有一間有PN嘅幼稚園，好喇，我嘅目標一下就考慮完畢。
接落嚟就要搵機會了解間學校，同時要了解下呢個年代「返學」係咩一回事，所以我喺小朋友8個月左右「終於」加入同區嘅媽媽WhatsApp group，方便八下區內有咩幼稚園開放日可以去參觀同玩下。