2021年5月20日星期四

【360度遊昂坪】輕鬆家庭樂 昂坪360水晶車廂

趁呢排天氣好到不得了,我哋去咗搭昂坪360水晶車廂,中午去到好太陽到同藍天白雲好接近,喺透明車廂360度睇晒赤臘角機場飛機升降,仲有玻璃地板下嘅海景同山景

阿姐第一次搭昂坪纜車,去程係有少少驚要攬住,回程已經企喺車廂中間走嚟走去睇風景,最勇係佢!

我哋喺午飯時間到達昂坪市集,所以先喺度醫肚,再到附近商店遊走。
喺市集旁邊有巴士站,可以搭巴士去大澳,不過巴士半個鐘一班,大家要預早時間過去呀!
我哋就近近地行過隔離 #寶蓮禪寺 同 #天壇大佛(大佛維修中,重開日期未定),亦可以到昂坪奇趣徑嘅 #心經簡林

而家少咗遊客到昂坪,市集廣場都有充裕空間俾小朋友喺度玩,阿姐仲帶咗吹泡泡嚟

昂坪市集仲同恆香老餅家搞緊聯乘活動,除咗有展覽館,市集廣場仲有唔同嘅恆香傳統食品佈置俾大家盡情打卡!

最新推廣及資訊:https://www.facebook.com/np360


是次小分享完畢有興趣可按 麵語錄食玩遊記 by Aminn 他分享 :)



Aminn | Beauty.Food.Fun.Parenting.Trendy|  

2021年5月11日星期二

【日式洋食】和風炊飯 三文魚椰菜味噌飯

煮飯唔難,係每日都要諗「今晚又煮乜好 !?」先係大難題,尤其是我哋上班族,每日腦力已經消耗咗大半,間中都要俾自己懶下,呢啲時候如果屋企有史雲生雞湯就方便好多啦,容易煮到好菜式,新手又不敗!

今次我以雞湯煨煮炊飯,再加入牛油同味噌增加和風味,炊飯有菜有魚有飯,賣相吸引,好味度爆燈!

【三文魚椰菜味噌牛油飯 】

材料:
白米-2米杯
極鮮清雞湯-約3米杯(比例依平時煮飯習慣就可以)
三文魚扒-1件
蒜茸-1茶匙
洋蔥-1/4個(切碎)
椰菜-適量(切碎約1碗)
牛油-1湯匙
味噌-1湯匙
清酒/白酒-1湯匙(親子共食的話可省略)
蔥花/番茜碎-隨意
鹽、黑胡椒-隨意

做法:
1. 抹乾三文魚,以鹽、黑胡椒醃15分鐘

2. 將三文魚煎至金黃,備用

3. 用牛油爆香蒜茸,加入洋蔥、椰菜炒1分鐘

4. 洗淨白米後瀝乾放入電飯煲,加入極鮮清雞湯(比例依平時煮飯習慣就可以)

5. 放入炒好嘅蔬菜、味噌、醬油,稍稍拌勻最後放上三文魚就可以煲飯

6. 等飯煮好,先抽起三文魚整碎再放回炊飯,再加入蔥花/番茜拌勻就完成
*如果屋企有砂鍋或者鑄鐵鍋,煮出嚟嘅炊飯會更有風味!

仲有其他新手不敗嘅史雲生食譜:https://www.swansoncooking.com.hk/new-broth


是次小分享完畢有興趣可按 麵語錄食玩遊記 by Aminn  C家重地 Be a Asterholic 他分享 :)



Aminn | Beauty.Food.Fun.Parenting.Trendy|  

麵語錄食玩遊記 by Aminn
 
C家重地 Be a Asterholic
 
任何合作請接洽aminn613@gmail.com

2021年5月1日星期六

移民歐洲「懶人包」線上睇:投資移民要求、流程+歐洲生活小貼士

終於等到夜晚metime,媽媽們你哋會做乜?應該不外乎都係煲劇煲綜藝同打機!到小朋友返學之後仲要花啲時間去簽通告、搵資料,連親子勞作都要喺半夜執手尾!

相信家長們都會上網睇下海外升學 甚至移民嘅資訊,就是為了搵一個最適合小朋友嘅學習方式,但無論有任何決定,事前了解多啲準備充足啲,對唔確定嘅未來點都安心啲..
講到升學,大家嘅方向同plan去旅行一樣,一定睇咗英美澳紐先。不過如果係移民,其實最大嘅因素,仲會涉及經濟、生活、教育、語言、文化等等,樣樣都要考慮......

自從2013年開始,歐盟國家相繼推出「黃金簽證」移民計劃,多咗人會選擇移民歐洲,申請人只需投資符合規定的房地產、金融項目或創造當地的就業機會,相對其他熱門大國較輕鬆就可以申請到永久居留 ,而且仲方便喺歐盟國家自由出入!

歐盟國其中一個移民熱點就係葡萄牙,原來佢移民批核都相對快,而且門檻低,投資金亦較其他大國便宜。

根據網上生活指數資料,葡萄牙生活成本比香港低,而飲食方面相對香港人都較熟悉,就係去澳門都會食到嘅葡國餐。住屋方面就較多傳統歐陸式建築,簡單嚟講都係喺澳門會見到嘅傳統葡式建築。空間感大,生活亦相對休閒。

不過消息指葡萄牙會喺2022年收緊移民政策措施,大家要快啲做定功課啦!

而另一個香港人感覺上都較熟悉嘅地方就係塞浦路斯,塞浦路斯作為前英國殖民地,無論法律定政治體系都同以前嘅香港好相近,而且塞浦路斯亦係英語系國家,香港人移居當地會較容易溝通到。

物價方面,塞浦路斯喺歐盟國入面物價相對較低,而且位於地中海,有真正嘅水清沙幼海灘。飲食方面,除咗有歐洲出產嘅大量新鮮肉類,亦好方便又便宜就買到海鮮新鮮。

但其實佢移民政策好簡單,就係投資移民。只要投資30萬歐元喺指定項目,主申請人就可以帶埋配偶同所有18歲以下(或者25歲以下在學)嘅子女一齊移民。

考慮移民嘅過程最難就係規劃,除咗上網搵資料,亦可以同相同理念嘅朋友分享,甚至有需要搵專業移民顧問幫手!
如果你都想知多啲有關移民葡萄牙同塞浦路斯嘅小貼士,可以收睇呢個Facebook網上重溫:https://www.facebook.com/watch/live/?v=143546277665429