【BB來了】BB出世係一個奇蹟 日劇：雙面醫生（產科醫鴻鳥）

工作關係平時連電視汁都無得撈飯，以往我好少煲劇，放假就會煲唔同綜藝，韓國、台灣、香港唔同電視台嘅都會睇。 直到年初放產假，多咗時間留喺屋企，喜歡嘅綜藝、電台節目一星期就煲晒，之後坐月唯有開住TBB有乜睇乜，竟然有晚（周末嚟嘅）喺J2發現呢套間中見到預告但未睇過嘅「雙面醫生」，仲以為佢係「妙手仁心」啲Friend。


原來每集都有一個關於「婦產科」嘅主題，拍得好認真好真實，起碼接生出嚟嘅BB真係初生size(哈哈哈哈哈哈哈哈哈哈)，亦有NICU情景(應該有醫院協助拍攝)。每集都有感人位，不過再溫暖嘅產科劇，除咗有BB「出生」，亦會有「死亡」，留意返喔！



睇咗一集已經忍唔住愛上，原來已經拍咗兩季，誠意推介！
「雙面醫生」改編自日本漫畫家鈴之木祐創作嘅婦產科題材漫畫，主角因為媽媽當年難產致死而立志成為婦產科醫生。故事環繞佢工作上遇到嘅唔同孕婦、BB同家庭。




我都好好奇TBB做乜無啦啦改人哋套劇叫「雙面醫生」，原來主角鴻鳥櫻表面係一個婦產科暖男醫生，另一個身分竟然係戴住假髮嘅神祕天才鋼琴家BABY！(基本上每集個尾都會出現彈下琴)


每集主題：(經後期美化嘅google translateXD)

第一季： 1. 遇見你真好～生命是醫療團隊的奇蹟 2. 比我的生命更重要的東西 3. 麻疹…兩手相連的奇蹟 4. 想拯救他！還這麼小的生命 5. 小寶寶是「CG動畫」，少女成為母親的時候 6. 時限，最後的機會 7. 和母親的約定……理想的生產方式是什麼？ 8. 我有無法忘懷的生產經驗 9. 當醫生離開醫院時…… 10.拯救母子，團隊引發的奇蹟 第二季： 1. 寶寶的未來：出生，然後活下去 2. 沒有答案的抉擇 3. 救救媽媽，產後憂鬱症與無痛分娩 4. 透過自然生產，為了成為「好媽媽」 5. 能夠為長期住院的媽媽做的事 6. 媽媽寶寶都要救！
7. 當媽媽的人生與不當媽媽的人生有甚麼差別? 8. 當醫生決心離開醫院 9. 不育症，全世界最重要的夥伴是誰 10.產前做一個家庭診斷 最終話.團隊最後的奇蹟，將帶來未來的未來 而家J2已經播完晒，有興趣可以上返myTV SUPER(收費區)，或者用自己嘅方式重溫啦！XDDDD


是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting)
www.facebook.com/sy.lam.family

任何合作請接洽：aminn613@gmail.com