【鋒味中秋活動】 玩轉新與舊 鋒味盈月禮盒

上星期趁周末出席鋒味中秋活動，一到埗就見到Chef Nic謝霆鋒嘅紙板，一於少理，總之都要同霆鋒合照！

鋒味2018年中秋隆重推出「鋒味．盈月禮盒」，包括「鋒味巴馬火腿蓮蓉月餅」4件 同鋒味月曲奇(牛油味) 2件。

由謝霆鋒團隊研發嘅「鋒味巴馬火腿蓮蓉月餅」，融合咗上等Parma Ham同優質湖南湘蓮白蓮蓉，仲採用頂級鹹蛋黃烘焙，口感非常豐富。

呢個中西合壁嘅月餅係幾特別，估唔到Parma Ham同蓮蓉放埋一齊都match，而且切開月餅之後每一啖都食到鹹蛋黃、蓮蓉同火腿，將傳統月餅加點不傳統！

而「鋒味月曲奇」以鬆脆牛油味曲奇做外殻，內餡配上粒粒蛋黃同蓮蓉一齊烘焙，口感鬆脆加上鹹香內餡，直情就係玩轉傳統，而且鋒味皇牌產品就係曲奇，將月餅同曲奇mix埋，branding真係好出！

同場仲有茶老七嘅品茶體驗，我試咗紫娟紅茶，同普洱係親戚，茶湯同樣係淡紫色但就無普洱嘅澀味。食傳統月餅配傳統茗茶，慢活之餘仲可以減少月餅嘅油膩感。

活動下半段謝霆鋒竟然出現！佢仲親自介紹鋒味嘅產品同月餅，好驚喜呀！

鋒味．盈月禮盒
標準價 $328
優惠價 $278 (由‪8月21日至9月24日止‬)

是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting) www.facebook.com/sy.lam.family

任何合作請接洽：aminn613@gmail.com