2016年9月17日星期六

【肥媽食譜】今個夏天食平D (第13-15集)

食平D又返嚟喇!既然喺Amazing Summer推出《今個夏天食平D》,肥媽當然要推出更加Amazing嘅環節,直接去到觀眾嘅屋企,打開雪櫃見乜就煮乜!

今輯除咗主要用夏天嘅食材,仲有喺街市即買即煮,繼續慳錢大智慧!以下就係節目入面嘅部分食譜。




13集食譜

《清補涼蚌乾煲豬腱》
材料:清補涼,蚌乾,瘦肉,果皮,蜜棗,鹽

做法:
1.洗淨所有材料
2.
瘦肉飛水
3.
煲滾水,加入將所有材料中慢火煲大約一個半小時
4.
最後隨你口味加鹽調味就可以

《花膠椰菜卷
材料:花膠,椰菜,金華火腿,蔥頭,蔥,薑,豆粉,蠔油

做法:
1.前一晚先將花膠浸熱水,發開
2.
椰菜用熱水烚一烚,發好嘅花膠切成粒
3.
用椰菜包住花膠粒,火腿絲捲起放上碟,在上面加金華火腿絲。
4.
融和隔水蒸大概1215分鐘
5.
爆香蔥頭,薑,將撈好生粉水加入蠔油,落鑊煮成汁之後淋上餸菜

《慢煮厚切豬扒》
材料: 豬扒,什錦香草,蜜糖,青蘋果,牛油,肉桂粉,日式燒汁,黑胡椒,鹽

做法:
1.先以香草、黑胡椒和鹽醃豬扒,放入真空保鮮袋中密封抽真空
2.
以低溫慢煮機60°C2小時
3.
將青蘋果放入攪拌機加少少水攪拌成蘋果蓉
4.
之後將慢煮好嘅豬扒用牛油煎至表面金黃
5.
煎完豬扒油加入蘋果蓉,肉桂粉、蜜糖和日式燒汁再煮成汁(點豬扒用)

《海參絲豬柳炒翠玉瓜》
材料:海參絲,豬柳,翠玉瓜,黃甜椒,鹽,糖,豆粉,豉油,薑絲,蔥頭,蠔油

做法:
1.豬肉先用用鹽,糖,豆粉同豉油醃
2.
爆香薑絲蔥頭後,加入醃好的豬肉,海參炒
3.
豬肉八成熟時,加入翠玉瓜,黃甜椒,蠔油,關蓋略為炆一陣。
4.
最後加蔥段,打芡

14集食譜

《白菜雞》
材料:雞,大旺菜,大蔥,蔥,薑,鹽,麻油,紹興酒,薑汁酒

做法:
1.
將雞洗乾淨,將蔥,薑,鹽放入雞內,淋入薑汁酒
2.
將薑、蔥頭、大蔥、大白菜放入電飯煲,加麻油、紹興酒,鹽調味
3.
雞放入電飯煲,按煮飯mode,煮熟後再等5分鐘先開蓋

《西瓜凍湯》
材料:西瓜,番茄,青瓜,洋蔥,辣椒,橙汁,雞湯,辣椒汁

做法:
1.
將所有材料放入攪拌機,攪到完全勻晒
2.
放入雪櫃雪凍就得,幾快!

《紫菜豆腐肉湯》
材料:紫菜,豆腐,免治豬肉,冬菇,芫茜蔥,鹽胡椒,生粉,麻油,紹興酒,雞蛋

做法:
1.
冬菇切粒,免治豬肉,豆腐一起搓勻,加入生粉,鹽,胡椒,芫茜,蔥,再攪勻
2.
(1)搓成肉丸,放入滾水中煮
3.
加入紫菜,白菜絲,再加鹽,胡椒粉,紹興酒,麻油調味
4.
熄火後打隻雞蛋

日式冷烏冬》
材料:烏冬,昆布,木魚,豉油,味醂

做法:
1.
烏冬先煮熟,放入凍水過冷河
2.
昆布先浸水,之後將昆布,木魚放入滾水中煮,加味醂,豉油煮滾,煮好後放入雪櫃做成冷
3.
烏冬放上蔥花,點汁(2)食得

《尖椒豆乾炒牛柳絲》
材料:牛柳絲,青椒,紅椒,豆乾,蒜,洋蔥,乾蔥,蠔油,紹興酒,豉油,糖,豆粉

做法:
1.
辣椒切開去籽,切成辣椒絲
2.
牛柳絲用少少油,豉油,糖,豆粉同紹興酒拌勻醃製
3.
爆香蒜片,洋蔥同乾蔥,然後加入豆乾炒,再加入牛柳絲,辣椒絲
4.
牛肉八成熟時,加入蠔油,略炒上碟

15集食譜

《醃沙葛甘筍》

材料沙葛,甘筍,糖,辣椒白醋,芝麻

點整:
1.將沙葛,甘筍切成條狀,用水洗淨
2.
放入樽內, 放入白糖,白醋,少少水,一隻辣椒仔(切片)
3.
搖一搖直至樽內醃料搖勻, 放入雪櫃雪凍就OK

《欖菜蜜味排骨》

材料欖菜,蜜糖,腩排

做法:
1.
腩排先加少少油,少許鹽 胡椒粉,糖,紹酒同少少老抽撈勻
2.
將鑊燒紅後,加入腩排煎香,煎至黃金再煎另一面
3.
加一碗水,欖菜,蓋上蓋,收細火燘
4.
腩排全熟後,可以加入蜜糖上碟

《煙肉蘑菇炒青瓜》

材料蘑菇,青瓜,香樁醬,煙肉

做法:
1.
先用一茶羹油,爆香煙肉, 加入一粒蔥頭(切碎)爆香
2.
加入磨菇一齊炒
3.
加入香樁醬汁,蓋上
4.
加少少紹興酒
5.
最後落青瓜粒炒,黑胡椒同鹽調味, 打個芡搞掂

《冬菇鮑汁龍躉球》

材料龍躉,冬菇,鮑汁

做法:
1.
龍躉肉先切片,再用蛋漿或半茶跟油搽勻, 再擺糖,生粉,胡椒,鹽調味
2.
用中火煎龍躉( 慢慢煎不用翻來翻去), 再落蒜同薑粒爆香
3.
龍躉炒至六七成熟上碟
4.
豬肉片用,生抽,麻油,糖,生粉醃一陣
5.
煎豬肉,再落冬菇絲, 之後再落龍躉球,紹酒, 最後落鮑汁同芡水

《檸檬焗梳乎厘》
材料檸檬,雞蛋,麵粉,糖

點整:
1.
先煲滾水
2.
用兩隻淨蛋黃,半個檸檬汁,小小砂糖不停攪拌,再加自發粉, 隔碗放熱水上(唔好用滾熱)不停攪拌,直至變稠, 完成後放入另一個碗吹涼備用
3.
用兩隻蛋嘅蛋白, 加少少砂糖,用打蛋器攪拌, 蛋白發起後,再逐少加入砂糖, 再攪拌,再加砂糖(大約分三四次做),直至蛋白全部發起ok
4.
將發好嘅蛋白加入(2)蛋黃內,用打蛋器攪拌(3次加入)
5.
將梳乎厘放入挖空檸檬
6.
焗爐預熱180度,放入檸檬梳乎厘,焗至升起

是次小分享完畢  有興趣可按 麵語錄aminn 本站內其他分享 :)

Aminn | Beauty.Food.Fun.Travel.Trendy| 
任何博客合作請接洽aminn613@gmail.com

沒有留言:

發佈留言