【鋒味食譜】「快手煮」烤雞沙律彼德包/XO醬帶子炒西蘭花

近幾個月「鋒味」不斷都有新搞作，今次為大家帶嚟一個好消息，就係今年聯同香港百年品牌李錦記研發推出嘅「鋒味李錦記櫻花蝦XO醬」同「鋒味李錦記味噌涼拌汁」，除咗喺「鋒味」及「李錦記」網上專賣店有售之外，而家喺指定Market Place同Aeon超市都可以買到啦！

「鋒味」將李錦記百年製醬經驗配合鋒味私房食譜嘅創意，以中西、新舊融合出呢兩款新醬料，今次就利用兩款新醬料製作呢兩款「快手煮」嘅中西菜式。

1）烤雞沙律彼德包（1-2人分量）

材料：

彼德包 1個
沙律菜 適量

雞柳 2條
蒜蓉 適量

鋒味李錦記味噌涼拌汁 適量

做法：

1. 將雞柳切條，加入適量鋒味李錦記味噌涼拌汁同蒜蓉醃20-30分鐘


2. 將彼德包剪開2份，放入平底鑊慢火煎至表面金黃

3. 將雞柳用中火煎至全熟（或者直接用焗爐烤熟），備用

4. 將沙律菜放入大碗，加入適量鋒味李錦記味噌涼拌汁拌勻

5. 將適量沙律菜放入彼德包，再放雞柳喺沙律菜中間，搞掂就可以即食

2）XO醬帶子炒西蘭花（2-3人分量）

材料：

急凍帶子 適量

西蘭花 1個

草菇 適量

鋒味李錦記櫻花蝦XO醬 2茶匙

蒜蓉 適量

雞汁 適量

薑 2片

做法：

1. 將帶子解凍抹乾水，切成小件備用

2. 西蘭花切件，煮滾熱水加雞汁同2片薑，放入西蘭花汆水（灼熟一下表面），備用

3. 爆香蒜蓉煎帶子粒至金黃，加入草菇、西蘭花，炒至收乾水份

4. 加入鋒味李錦記櫻花蝦XO醬拌勻炒香就可以上碟

產品介紹：

鋒味李錦記櫻花蝦 XO 醬

選用櫻花蝦、乾蝦、上等乾貝等材料而成，配以辣椒帶出辣味溫和的味道。櫻花蝦XO醬食法千變萬化，可作為餐前伴酒小食，亦適合伴食中式點心、粉面、粥品及日本壽司，更可用於烹調肉類、蔬菜、海鮮、豆腐、炒飯等。

鋒味李錦記味噌涼拌汁

選用味噌、蘋果汁、醬油、芝麻油等材料而成，味道濃而不膩的味噌，加上蘋果汁的酸甜味倍感開胃清新。當中蘋果汁為一亮點，除可配上沙律及蔬菜作涼拌汁醬，亦可作為醃肉醬料。

是次小分享完畢，有興趣可按 麵語錄食玩遊記 by Aminn 或 C家重地 其他分享 :)


Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting) www.facebook.com/sy.lam.family

任何合作請接洽：aminn613@gmail.com 

【爆出膠原BB】新一代DELA RF療程 促進膠原自我增生

由細講到大，女仔一過25歲，肌膚嘅狀態就開始流失，所以大個之後習慣夜瞓，眼袋同黑眼圈就會長期走出嚟，就算有補眠或者敷多幾多面膜都好難復原。

人到中女，臉部就會逐漸唔夠飽滿，輪廓開始走樣，眼袋、幼紋亦會特別明顯。唔想「老態」提早出現，就要加快肌膚底層嘅膠原蛋白增生。要簡單補充膠原蛋白除咗食膠原蛋白食物或者營養補充劑，但真正吸收幾多成疑，最直接嘅方法就係讓膠原蛋白自己爆發重生！

最近去咗體驗Dermagram INSTITUT最新一代「膠原炸彈」DELA RF膠原再生療程，相對傳統RF多咗智能降溫功能，令做療程嘅時侯接受嘅能量可以更高，感覺反而減到最低。而且因應唔同部位配備咗兩款機頭，可以照顧得更細緻。

開始療程之前，美容顧問先解釋咗療程程序同功效。新一代「膠原炸彈」DELA RF係採用網狀射頻技術，能量可以深入到真皮層，令彈性纖維收緊，同時刺激膠原蛋白增生，令到膠原BB喺肌底「爆」出嚟！

入房洗完面之後，美容師就會直接開始療程。首先會幫我喺面上mark好位，搽埋啫喱就開始療程。 頸部、面部會使用一個治療頭，而眼部就使用另一個更細緻嘅治療頭，先可以更準確照顧唔同部位嘅肌膚。

DELA RF係以網狀射頻技術深入真皮層令膠原蛋白即時再生，呢個新技術喺治療嘅時侯幾乎無乜感覺，只係感到微暖，因為DELA RF增加咗DCS智能降溫功能，喺發出射頻之前釋出-20度霧態冷凍劑Cryogen，急速冷卻表層肌膚，之後再同時發出射頻能量同Cryogen加強減輕灼熱感。而且今次療程特別配合「滑行」手法，除咗DELA RF激發膠原再生仲可以拉提塑造輪廓，進一步減輕浮腫。

完成DELA RF嘅眼、面、頸療程之後，最明顯係包包面嘅線條、眼袋位置，掂下塊面都感覺到肌膚「漲卜卜」有微微反彈嘅手感。

After  before

至於完成療程之後一個禮拜記得要補水，因為肌膚有足夠水份先可以幫助膠原蛋白繼續增生，減低佢哋流失嘅速率！

如果你都有興趣試做，而家就有讀者優惠啦！ 新客戶可以免費體驗DELA RF膠原再生眼部療程(價值$1,080)，亦可以優惠價$1,380升級體驗面同頸療程(價值$3,880)，全面促進膠原BB增生！

立即登記體驗：http://bit.ly/2C75R1p 

是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting) www.facebook.com/sy.lam.family

任何合作請接洽：aminn613@gmail.com 

【圍威喂聚會】再次跟着海鮮走到三聖邨

早幾年同朋友嚟過三聖食海鮮，喺海鮮檔買完就拎去隔離啲餐廳加工就得。最近又約大班朋友去三聖，今次朋友先入去買海鮮，大家再喺泰海鮮集合。


喺泰海鮮可以選擇喺大廳定包房，包房當然會貴一啲，不過都只係計算加工料嘅價錢每兩加$1，而且多咗私隱度同空間，一班朋友嚟都唔錯。如果想熱鬧啲咁食海鮮就可以喺大廳，價錢就更划算。 食海鮮雖然都係蒸炒焗，但係交俾泰海鮮就可以變出唔同款式。


最親民嘅貝殼類可能就係花甲，聽過有人唔鍾意食唔同嘅貝殼類，但花甲真係好少人唔鍾意。唔似蜆仔得丁點肉，花甲肉一口剛剛好，肉身爽口又鮮甜。無用傳統豉椒炒花甲，換上西式嘅忌廉汁，甜甜哋散發濃濃嘅白酒香，提升花甲嘅鮮甜。
平時配海鮮可能用伊麵底，今次轉放有咬口嘅烏冬，掛汁力十分強，每條都沾滿白酒忌廉汁，超級惹味！
喺泰海鮮最愛嘅小食一定係芝心蝦丸！雖然話係海鮮，但蝦丸嘅芝士心真係邪惡！而且包住外面嘅麵包粒炸得非常透徹，超級邪惡！不過唔好咁心急食，小心芝士辣口呀！
個泰式辣醬令我諗起嚟親泰海鮮好似都無食過泰味喎！下次再嚟記得要試冬蔭湯煮先！
（泰海鮮指定海鮮加工方法：冬蔭功湯煮、果皮蒸、豉椒炒、豉油皇、紅炆、砵酒焗、上湯、炒球、醬爆、豉汁蒸、鹽水灼、蒜蓉蒸）
仲有一樣都算係泰海鮮嘅經典，就係佢個海鮮蕃茄薯仔湯！
喺街市買完海鮮，店家通常都會半賣半送畀多袋雜魚、蜆仔乜都有啲嘅海鮮你，只要拎埋去泰海鮮，加多每位$18加工，就可以飲到呢盤鮮味十足嘅海鮮湯。因為用料足所以餚出嚟嘅湯極鮮甜，記得趁熱飲呀～ 總結一下，山長水遠入三聖係麻煩啲，不過成班朋友去係開心嘅。味道我覺得好啱香港人口味，清蒸又得，重口味又得，仲有得揀配伊麵、烏冬、飯，幾癲！
隔咗幾年再嚟無乜好挑剔，埋單除返開人頭計500蚊有找，係抵食嘅！
是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting) www.facebook.com/sy.lam.family

任何合作請接洽：aminn613@gmail.com 

【在職媽媽】 產後復工見百態 怪過怪談

同事間相處無問題，直到去生仔...

1. 香港地職場流動率高，放完「前二後八」返到公司可能會遇到1、2個新同事，尤其是高級過你嘅，新人事、新作風，職場如戰場，一個唔好彩遇到小器鬼，故意喺高層面前放大你嘅錯失嚟擦存在感，即係跣你一鑊、甚至幾鑊。
2. 有咗小朋友之後，有啲同事唔鍾意小朋友或者唔鍾意你，就會同其他同事講「有啲人成日post個囡」。無錯，無人話係講緊我，做咗媽媽之後個人真係好敏感。
而我其實都係每日、隔日先post一次個囡，應該唔係話我嘅，雖然我team當時得我一個叫做剛生咗BB...
3. 又係嗰啲同事，睇唔過眼老闆、上司、其他同事間中談論下個小朋友，跟佳我就唔小心聽到「帶埋個仔返工」，咁都得？ 4. 其實鍾唔鍾意就好主觀嘅，做同事啫～唔鍾意咪只談工作囉，何必咁費心思去搵嘢挑剔呢。只好祝福你：他朝君體也相同。 5. 就算公司、老闆(真心)支持work-life balance，都要遇上良心同事先得，否則在職媽媽絕對唔可以順利balance工作同家庭，莫講話「Life」了。

同事嘅嘢
夾得嚟係享受
夾唔嚟就係忍受
好多在職媽媽放完產假之後都會喺職場上遇到「怪談」級怪事！如果一切如常，仲同同事work得好開心，我真係恭喜你！
唔知係咪香港人邊度出咗問題，生仔好似就嚟變咗原罪咁，聽過好多媽媽朋友分享，有一批懷孕期間已經受到排斥，另一批就產假之後啲同事變晒。唔好話大家都有阿媽生可唔可以尊重少少，成日「出事」都喺來自女同事，尤其無婚論者我明白嘅，有啲竟然仲係媽媽級！真係耐人尋味...

出嚟做嘢
要有自己嘅底線
唔好俾人恰到上心口
仲扮無嘢
 


是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting) www.facebook.com/sy.lam.family

任何合作請接洽：aminn613@gmail.com