色盲驚魂：何來英雄系列青BB史力加？

聞聞說...女人都係鍾意綠色嘅嘢...

早兩日一收到老麥出史力加系列"美食"！

好！尋日即刻去買杯史力加青蘋果梳打茶飲下先

有圖有真相！咦咦咦？又話係「青BB」？唔通我色盲？

算～飲下先講！

(官方：青蘋果糖漿+鍚蘭紅茶+梳打)

嗯...好有雀檸嘅感覺，嗒多啖再望下隻色

似乎應該係FUZE TEA...除非唔係

再飲多兩啖...咦？飲完？

原來飲完先見到青BB嘅史力加

嗱～老麥無呃人架！

至於個惹味辣牛堡同洋蔥薯寶

都係等大家食完話我知...(包膠還B)

是次小分享完畢  有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.fb.com/m.for.aminn / www.instagram.com/starzaminn
有關博客工作紀錄, 任何合作或訪問請接洽: aminn613@gmail.com

秋冬滋補：養生時節嘆養生雞煲

踏入秋天 又來到滋補養生時節
打邊爐時興雞煲 雞煲時興養生雞煲

今次介紹的位於尖沙咀山林道的尚上下夏

主打雞煲以及養生湯底

有別於一般的火鍋店


店內以白色簡約為主 大概只有十多張台
所以要來一定要訂台喔！

另外這裡更有健康特飲
以果汁和滋潤飲品為主

Aminn點了這杯蘋果汁 可以幫助消化又很解渴

由於放工來到已經很肚餓
先點了碟麻辣鴨舌 非常入味而且鴨舌皮很爽脆！

這店的雞煲特別之處是可以選擇雞件的部位
我們點了雞脾拼雞胸肉 滑的滑瘦的瘦任君選擇
辣度當然也有得揀啦！

而火鍋配料款式也不少

點了雞煲鴛鴦鍋 一邊少辣一邊揀了養生藥膳湯底


雞煲內除了有雞件還有洋蔥及豬皮
豬皮入哂味超正！
而且雞件完全冇骨 食落啖啖雞肉
不過Aminn其實幾喜歡損骨...

食完雞煲後就可以加湯底打邊爐

養生藥膳湯有很濃郁的藥材味
而且飲落是微微甘甜的藥材湯味道
應該很滋補的吧!!

我們點了一枱的火鍋配料
有小份的手切極品靚牛皇及小份的頂級牛柳粒

牛柳粒油脂位不多且牛味濃
而且牛柳粒份量不少 粒粒都好厚身

海鮮方面我們點了桂花蚌、花甲皇、珊瑚蚌及脆肉鯇魚片


珊瑚蚌及桂花蚌好新鮮又鮮甜 脆肉鯇魚片很爽脆
而花甲皇隻隻都好大隻 每碟份量也不少

丸類推介大家點招牌四寶丸及手打三色滑
每樣少少可以試多種丸又不會怕過飽
四寶丸包括貢丸、墨魚丸、芝心丸和辣牛丸

三色滑則有墨魚滑、鯪魚滑及蝦滑

Aminn都好喜歡食蔬菜
所以打邊度都會點幾款平衡一下

有粟米、靈芝菇、雲耳、蘿蔔片等等

真的是一枱都是食物 放唔落啦！

食物和服務都好好 就是枱面太細了

是次小分享完畢  有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.fb.com/m.for.aminn / www.instagram.com/starzaminn
有關博客工作紀錄, 任何合作或訪問請接洽: aminn613@gmail.com

一年容易又年尾：散水餅，咩嚟架？

成世人流流長，
槽，總會跳過幾次，或者好多次。
喺職場散水要散得靚係一門學問，亦係藝術。
職場散水嘅一個重點，散水餅，
職場上各式各樣嘅散水餅你又食過幾多？

究竟邊個發明要派散水餅？
學到嘢，同同事關係好好，有更好發展，開心嘅請食貴餅都無咩所謂。
如果做得開心都未必會走，做得唔開心更加即走，如是者總會有散水唔派餅嘅原因：

1. 對於一眾Part time、Intern、Probate都未過的人而言，其實唔派餅又好難怪。只賺幾個月人工，車費飯錢唔在講，若部門上下有20人以上，好好睇睇都餅又洗幾舊，計落分分鐘要倒貼份糧。

2. 對呢家公司無乜感情。姑勿論人事關係、份工問題，定係一心想跳槽而令到自己無心戀戰。感情呢家野，又唔係你肚入面條蟲，真心定假意只有自己最清楚。

3. 辦公室其實係社會縮影，工作講求階級，就連散水餅亦唔例外。不過與其花一筆錢去餵班唔係好熟嘅同事，咁同扣自己人工有咩分別！

4. 雖說派餅係不少打工仔閃前「must do」嘅動作，唯各餅入各眼，閣下即管放膽去突破派餅傳統，職場話齋：好頭好尾，好頭好尾，好頭好尾，好頭好尾，好頭好尾......

5. 所謂「Last day」一般以後無咩事都唔好再見，所謂「過咗海就係神仙」，就算事後被人唱無派餅，根本都不騷不癢。更何況，「好頭好尾」未必一定係講件餅......

6. 人走茶涼，Sad but true。某年某日我食過一件餅，唔好講咩款咩味，甚至連邊個請都唔清楚，總之有餅你就食！

職場格言：無事cap水，有事散水！


是次小分享完畢 有興趣可按 麵語錄aminn 或本站內其他分享 :)


Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn
有關博客工作紀錄, 任何合作或訪問請接洽: aminn613@gmail.com

尖沙咀抵食之選：眼睛食先吧～平食生蠔Buffet

近年每次去自助餐都寧願去Brunch的

一來前菜小食甜品還可以選擇

二來Full Buffet幾乎都是蝕本收場

上星期跟着姊妹去尋食

一於平平地去The Luxe食個Dinner Buffet
餐廳座位空間足夠 一家大細也可坐得舒舒服服

食物款式大約有40款左右
究竟有幾抵？$238有冷盤熱葷任食
重點！冷盤有無限量生蠔魚生 抵唔抵先！

任食生蠔吧
基本上每次師傅一放出來好快就清架
因為大隻的關係 每次出不到廿隻就放滿了

究竟有幾大隻？有圖有真相！

注意！無限量供應也有限量的貨源
大號美國蠔售罄後就會轉做中號日本蠔(平時的大小)

另外三文魚刺身和蝦刺身會輪流替換

不過Aminn大愛的沙律吧幾乎沒有(有點失望...)

另一邊的熱葷種類不少囉！
而且食物類型大眾化 點都有幾款合心意

就算以上這些都太普通不合胃口
即切燒牛肉和羊架又如何？

最後怎能缺少甜品

必殺技是每款要一件大家Share

再按自己喜歡的再出擊！
推介Brownie和Apple Crumble

不過Apple Crumble就是欠了雪糕球！

另外餐飲是設有咖啡機和檸茶等任飲的

今晚幾個朋友一圍枱一路食一路笑好開心喔～
一個價錢食到尾 性價比好高
不過要注意一下 平日已經幾乎爆場
建議約好腳就早一點訂位喔！

是次小分享完畢  有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.fb.com/m.for.aminn / www.instagram.com/starzaminn
有關博客工作紀錄, 任何合作或訪問請接洽: aminn613@gmail.com