【部長又嚟啦】日本咖啡廣告為熊本打打氣！

熊本上年4月發生七級地震之後，現時整個熊本仍然努力復修緊，包括損毀嚴重嘅地標熊本城。日本企業Suntory最新推出嘅罐裝咖啡Premium Boss系列廣告「Premium 熊本編」以熊本城作為故事背景，好多網民睇完都話超有Heart！

廣告開始可以睇到熊本城外圍嘅損毀情況。



日本神級主持Tamori San同Kumamon嚟到重建中嘅熊本城。



飾演外星人Jones嘅《黑超特警組》Tommy Lee Jones以建築工人出場。


Jones帶大家穿越時空回到日本戰國時代，一齊扮忍者潛入熊本城，希望知道熊本初代藩主加藤清正嘅建築秘訣！


加藤清正係日本史上最有名嘅建築名家，曾經參與建築熊本城、江戶城、名古屋城等等，廣告入面仲分享咗小知識，原來熊本城城牆有15間高(即27米)，而且要彎彎哋咁起有助防震。


點知！佢哋不慎被發現，唯有即刻返嚟現代。


Tamori San同Kumamon講：「呢座城一日唔復修完畢你哋都會無心機呢！」Jones就話：「呢個星球上熊本城嘅真正戰鬥而家開始！」


預計熊本城要到2036年先完成復修，熊本奸爸嗲嘅呢！

熊本熊 x Tamori x 《黑超特警組》Jones 最新Premium Boss廣告：

是次小分享完畢，有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn

任何博客合作請接洽: aminn613@gmail.com

【部長LC迷你砂鍋】九州分店及日本網店限定！Kumamon Le Creuset Mini Cocotte。10月19日開賣

今次真係一個驚喜嘅合作啊！熊本縣營業部長Kumamon早排去咗法國，佢唔係去玩架！

佢去咗法國星級煮食用品品牌Le Creuset嘅生產廠房參觀，嘩～好多LC呀！

原來今次係會合作推出兩款Kumamon Mini Cocotte，分別有橙色同泥黃色，設計同用料係跟足Le Creuset Mini Cocotte架！

容量同樣係250ml，最大分別當然係正面有隻超搶眼嘅Kumamon啦～而且仲會附送熊本料理食譜架！

售價方面係4000円(未連稅)，10月19日起開賣。

不過呢個crossover只限九州分店同Le Creuset日本網店有售，香港嘅Fans可能需要轉折啲先買到喇～

而且今次合作仲有另一個意義，就係部分收益會捐到熊本作震後重建用途架！

售賣地點：

10月19日発売：日本網上商店、博多阪急(福岡)、岩田屋本店(福岡)、鶴屋百貨店(熊本)、山形屋(鹿児島)、マリノアシティ福岡、鳥栖プレミアム・アウトレット(佐賀)

11月12日発売：福岡PARCO專門店

更多詳情：http://www.lecreuset.co.jp/quicknews/kumamon.html (日文)

是次小分享完畢，有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn

任何博客合作請接洽: aminn613@gmail.com

爆笑無限：Kumamon部長華航總部特訓逐格睇 (高雄、香港直航熊本預告)

日本九州熊本縣營業部長Kumamon sen(熊本熊)最近出訪台灣，上星期爆出與中華航空合作的驚喜消息，據知係為咗準備中華航空「高雄-熊本」10月下旬開航的推廣活動，噸位十足的Kumamon身穿華航新制服參加空中服務員特訓！

出名撞板無限的Kumamon照常撞板，在安全逃生滑梯訓練時，竟然因為太心急而發生碰撞！

爆笑特訓逐格睇：

現身華航總部的Kumamon，深受空姐歡迎。

參與逃生訓練時，心急的Kumamon似乎等不及排隊，好想好想搶先試逃生滑梯！

Kumamon用巨躉撞開前面的空姐！面對突如奇來的衝擊，連負責訓練的高級主任也不禁愕然！

Kumamon大顯身手，跳起一刻漂亮！

落地姿態完美，滿分！

至於香港的Kumamon迷也不用失望，香港航空的「香港-熊本」航線已經暫定今年冬季至明年春季期間推出，不過香港地區的宣傳活動都開始進行了！

香港人對Kumamon明明已經好熟悉，雜誌網站都不停有介紹，連主題餐廳都有，但原來這隻來自熊本縣的吉祥物，在香港一直未有官方中文名！

大家一直稱Kumamon為「熊本熊」，原來並非官方中文名！而且官方一直強調「Kumamon係男性公務員」！情況比「Hello Kitty係英倫少女」一樣令人難以捉摸！

傳聞官方為配合香港航空即將啟動的熊本直航機，加上官方愈來愈重視香港市場，現正為Kumamon構想一個最貼切的港式中文名……到底「部長」最後會是什麼名字？ 給大家參考一下，台灣地區的名字叫「酷MA萌」……

是次小分享完畢  有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.fb.com/m.for.aminn / www.instagram.com/starzaminn
任何博客合作請接洽: aminn613@gmail.com