要數香港最靚嘅地方，一定係維多利亞港，想欣賞維港靚景，以前細個剩係去山頂同尖咀，而家灣仔嘅海濱長廊已經可以一直行到去石塘咀！
添馬至會展海濱呢一段而家仲有期間限定復活節打卡位添！
如果同我一樣係帶小朋友去嘅話，佢哋好鍾意吹氣兔仔同吹氣復活蛋，可能摸落去唔係硬硼硼卦，尤其係復活蛋咁colorful，好彩佢夠大，可以幾個人同時咁影，但係想影全景真係有啲難度，周末去到永遠都有小朋友走過嚟㗎！
另一個一定係哈哈鏡，無論大人細路經過都鍾意玩
仲有啲裝置係大玩藝術，好似有個係用膠樽做兔仔同烏龜身體，而另一個係用兔仔同烏龜圖像交錯而成㗎！
仲有好多打卡位
小貼士：灣仔海濱長廊係條可以運動散步同小朋友放電嘅好地方，雖然未完全開放但係範圍夠大，沿路見到好多跑友，仲有人跳舞！
仲可以去埋附近大熱灣仔碼頭海濱打卡添，不過記得保持社交距離呀！
是次小分享完畢，有興趣可按 麵語錄食玩遊記 by Aminn 或 C家重地 Be a Asterholic 其他分享 :)
Aminn | Beauty．Food．Fun．Parenting．Trendy｜
Aminn | Beauty．Food．Fun．Parenting．Trendy｜
沒有留言:
發佈留言