【護髮新體驗】 Hankuk Hair韓式頭皮護理～寵寵寵

近年受到韓流嘅影響，唔少店舖都以「韓式」作招徠，今次嚟到一間韓式Salon。Hankuk Hair擅長唔同嘅燙染技巧同埋韓式髮式，亦有針對受損秀髮所提供嘅頭皮護理服務，其他服務包括美容、美甲、化妝、婚紗攝影等

店入面嘅員工大部分都係韓國人，店內有翻譯員為你即時傳譯，而且店員都可以簡單英語溝通，大家可以放心。店內嘅環境乾淨簡潔，同其他韓店一樣習慣播住流行K-pop，店入面除咗有韓國人，亦有唔少本地人光顧。

Salon其中一個特色就係好多潮流雜誌，Hankuk Hair亦有好多韓國時尚雜誌同香港旅遊書(韓文)，雖然唔識睇，不過感覺好文青，嘿～

韓國人好著重養身就係人都知，著重程度係連頭髮同頭皮都要去Salon護理，韓國人認為即使頭髮表面睇好健康都需要定期做保養，因為頭髮嘅健康同身體都有直接關係！

Aminn今次嚟到Hankuk Hair就係做頭皮護理，喺treatment之前，護理師會先同Aminn進行髮質檢測，睇睇頭髮嘅健康度，再根據頭髮嘅受損程度推薦唔同配方嘅護理產品。

點解韓國人都會特別注重頭皮護理呢？大家可以睇睇，Aminn的情況並唔嚴重，頭皮都只係出現少少頭皮屑或者毛孔堵塞狀況，不過都會導致毛髮衰弱，新長出嘅頭髮都由粗毛變成弱弱的幼毛。。。嚴重就會出現脫髮情況！所以定期做頭皮護理就可以排出毛孔入面廢物，減少油脂同產生頭瘡。

首先護理師會將清潔毛孔嘅精華塗到頭皮嘅每段分界上面，由一邊塗到另一邊，再用熱力令毛孔擴張，每次10分鐘，重複兩次。中間亦會有頭部按摩，利用促進荷爾蒙/新陳代謝嘅精華油，舒緩精神。

之後用乾洗嘅洗頭水按摩頭皮，洗走頭皮屑同油脂，之後沖水洗淨感覺非常清爽，吹頭之後頭髮輕盈好多。

最後護理師會噴上頭皮精華喺每段分界上面，噴完全個頭心日會再次照燈幫助吸收。

順帶一提，如果有脫髮問題嘅朋友護理師會建議你買支適用頭皮嘅微針($1000)，每次過嚟treatment嘅時候記得拎埋嚟，護理師都會用你私人嘅微針幫係針頭皮毛孔，而唔需要再收費。

整個護理過程就好似同頭皮做spa，而且護理師按摩嘅手勢都幾舒服，可以享受輕鬆嘅一小時。

護理完之後再做髮質檢測，見到大部分被油脂或者殘餘化學物堵塞嘅毛孔都打開咗，感覺頭皮乾淨咗好多。

Before

After

每次做完當晚沖涼都只會甩幾條頭髮(懂的就懂了)！好Suprise！

以上頭髮護理服務由基本到進階嘅收費為$600～$1200，要keep住做收費的確有負擔，不過貪靚嘅朋友就會明白容易打理又自然又整齊嘅頭髮係可遇不可求，所以日常花部分洗費喺護理度都係值得嘅！

Aminn仲為各位Fans爭取到Hankuk Hair小小優惠！

【麵語錄aminn x Hankuk Hair服務優惠】

凡惠顧Hankuk Hair任何頭髮護理服務，只要出示呢篇文章，都可以免費得到Protein Hair Treatment一次。

Hankuk Hair

香港銅鑼灣謝斐道500號維安商業大廈4樓B室 (2147-1060)

九龍尖沙咀金巴利街1B恒港中心16字樓 (2147-1212) 

營業時間：10am-8pm

產品由品牌提供

是次小分享完畢，有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn

任何合作請接洽: aminn613@gmail.com

【提早拆禮物】 Dr. Irena Eris醫學補濕護膚

近期轉天氣，乾燥+敏感肌嘅Aminn每到呢啲日子就會飽受敏感困擾，肌膚狀況會突然好唔穩定，明明早幾日仲好滑，只係幾日面珠就會變成(乾燥)甩皮+(敏感)紅卜卜，真係勁sad。。。

經過多年嘅經驗，想舒緩敏感其實更加著重補濕，照顧到肌膚底層就可以減少敏感出現。好多護膚成份好似玻尿酸，或者好多植物精華入面都有豐富補濕嘅因子。

上月Aminn參加咗波蘭護膚品牌Dr. Irena Eris嘅Launch Party，品牌亦提供咗幾款玻尿酸保濕產品俾Aminn。

好多朋友同Aminn一樣對於Dr. Irena Eris並唔熟悉，其實品牌係由一位來自波蘭藥品學系嘅醫生研發嘅(就係品牌名字)，因為東歐嘅天氣長年寒冷乾燥，所以波蘭嘅女生會比亞洲女生遇到更多肌膚上嘅問題，所以Dr. Irena Eris喺1983年就開設咗研發中心，而Dr. Irena Eris現時喺波蘭嘅市場佔有只係僅次國際護膚品牌，喺波蘭屬於國家實力品嚟架！

Dr. Irena Eris雖然屬於醫學護膚品牌，不過產品非常全面，由最天然連BB都適合嘅護膚產品，到補濕、舒敏、抗衰老產品，連具有護膚功效嘅化妝品都有呢！

一打開禮物盒，原來PR為Aminn準備咗唔少產品，包括玻尿酸、補濕抗皺產品，紅薈激妍精華，防脫髮洗髮水、護足套裝，好豐富呀～

介紹返護膚品，分別有玻尿酸補濕抗皺霜同玻尿酸補濕抗皺眼霜。

玻尿酸補濕抗皺霜嘅質地係Cream狀，保濕之餘仲帶有淡淡植物香氣，滋潤卻不黏膩，肌膚表面形成一層保護膜，非常適合乾燥天氣。

至於玻尿酸保濕抗皺眼霜質地呈厚身膏狀，上眼後並無黏笠感，用手指輕輕按摩加強肌膚吸收，能夠促進肌膚彈力纖維同骨膠原增生。

產品當中嘅抗皺成份，有效減輕表情紋形成、延緩衰老同緊緻肌膚架！

另外仲有3款皇牌產品旅行裝，包括玻尿酸複合鎖水精華、海萃細胞修護晚霜同紅薈激妍女皇膠囊。

玻尿酸能夠瞬間釋放大量水份，刺激細胞活性，消除肌膚乾燥同發紅現象。植物多肽複合精華就有效增強肌膚基質，促進細胞新陳代謝，減少刺激和發紅現象。最近Aminn未有plan旅行所以旅行裝已經用咗啦～

另外呢款皇牌精華膠囊，Aminn每星期都會有一晚臨瞓前用佢，打開後流出大量高濃度維生素複合精華，一粒起碼可以塗兩次全面，有超强抗氧化及抗衰老能力，可以刺激細胞再生，Keep住護膚品喺肌膚入面，隔日肌膚仍然可以保持水潤呢！

肌膚有足夠水份，除咗素顏好睇之外，就算平日上妝都有幫助架！妝容更貼，就唔駛搵地方補妝啦！

有興趣了解更多: https://www.facebook.com/drirenaeris

如果想購買Dr. Irena Eris產品可以到以下網址

輸入9折邀請代碼 / 10%off Invitation Code: Aminn

https://goo.gl/forms/BkQfvRcC7RGsFtIb2

仲有好多款優惠套裝產品喔！

產品由品牌提供

是次小分享完畢，有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn

任何合作請接洽: aminn613@gmail.com

【純粹。講】 怪獸家長進化篇：搵醫生寫健康紀錄唔係買菜搭棵蔥

話說尋晚喺多花生嘅將軍澳區Facebook群組出現嘅一篇網上公審，係關於一對孖B嘅媽媽—梁太，為咗一封幼稚園入學健康報告而前後去咗兩次診所嘅經過，梁太表示喺第二次見醫生，喺醫生檢查嘅時侯整到其中一位小朋友條頸紅晒，梁太同醫生經過理論之後決定報警，由於梁太趕時間所以落完口供就拎返學校封信走咗。

原文(圖)：我尋晚帶孖b去睇醫生諗住順便問埋可唔可以寫幼稚園既health record，但佢收費話另計，仲要話二百幾海鮮價，感覺不安，就話唔洗。
今朝發現唔夠時間搵第二間醫生寫，所以照去啦，點知話要收多次診金，擺明搶，都算喇，照睇。
一入到去，醫生話「又寫喇」好串既態度。佢之後塞晒全隻手入細孖件衫，好粗魯（尋晚只塞聽筒），結果勒到細孖條頸紅晒，我覺得好唔對路，已經叫爸爸解開多幾粒鈕，佢就叫姑娘入黎睇，聽左好耐都未聽完，感覺開始玩野，我話醫生你已經搞到大孖條頸紅晒，姑娘你都睇到，佢就話我哋唔可以繼續檢查，因為冇左信任，我話姑娘你都睇到醫生勒到佢條頸紅晒，醫生話報警囉！
佢拎我bb黎出氣，整襯佢，sorry都冇句，我唯有報警，我即時影返紅左既位置。等警察黎期間，我叫老公帶bb佢哋去隔離醫生度睇，我等住先，佢即刻拍台收起我哋份幼稚園既信，嚇到我哋bb即刻喊，仲話我要挾佢，佢好驚，唔比我哋走。我開左門先，費事有咩事冇人証。
警察都到喇，我講完晒之後，警察知我哋趕時間，叫我哋走先，我去拎返封信，佢又拍台，又嚇到我哋bb喊，話佢未講唔會比返封信我哋，警察問有咩理據，語無倫次講左啲費話，警察就話你想講野，等人哋走左，慢慢同佢講，先死死地氣比返份信我哋。
之後警察留低同佢傾。
後黎警察打返比我都話佢好串。
呢個醫生叫黃家豪，男，駐日出康城盈健。
覺得我再返去睇，想玩我，都唔好拎小朋友黎玩囉，好冇醫德，好冇品！
第一次報警，唔係掂到小朋友呢條底線，都唔會咁嬲。

首先講明筆者未有小朋友，的確難以明白媽媽對親生孩子嘅緊張可以放到幾大，當然媽媽保護小朋友係無錯嘅，有任何人傷害小朋友(甚至家人)都會「粉身碎骨」出嚟檔！

既然梁太將事件公開，首先目的當然想同區內媽媽同街坊講出醫生嘅惡行，「惡行」就唔再重覆喇～就如梁太嘅帖文已經表明，筆者就以普通人點樣睇一個咁嘅媽媽。

梁太嘅小朋友據說被整到條頸紅晒，梁太喺原帖並無貼出所謂「證據」，經過多位網友嘅查詢後就喺回應貼出相片(圖)，齋睇相「受傷」位置並唔係頸，以紅印形狀估計係醫生聽診時按住小朋友膊頭而成。每個人嘅膚質同細胞結構唔同，筆者自己就係容易有瘀傷，詳情可以Google＂易瘀青體質＂，而且相信好多人都了解小朋友肌膚好嫩滑，所以筆者好認同一位媽媽網友回應：有時大力D抹咀都會紅。其實大人去睇醫生嘅時侯，醫生聽診都會按住病人膊頭借力(因為聽筒要緊貼身體先聽得清楚)，如果小朋友係有郁動嘅話，有機會造成短暫紅瘀，梁太表示醫生係有心，但筆者亦唔排除係無意。

梁太喺帖文說明醫生嘅惡劣態度，而且專登整傷小朋友，齋睇梁太嘅語氣，筆者認為梁太先入為主嘅態度都有問題。而且梁太開初諗住睇醫生順便寫健康紀錄，此順便就不同彼「順便」，並唔係去街市買菜搭棵蔥咁簡單，既然係另一項工作，另外收費係正常不過，有部份媽媽網友表示幫襯嘅醫生可以順便寫健康紀錄，咁筆者建議各位媽媽都係先格價，免得誤會醫生服務開出海鮮價。

健康紀錄嚟講呢，除咗小朋友入學，長大後入職都經常遇到架！筆者之前做過教育工作，每年都需要更新健康紀錄同照肺，確保工作環境同學童嘅健康。健康紀錄並唔係醫生見你表面健康就隨手寫身體健康，需要度高磅重，體格檢查(眼，耳，皮膚，心臟等等)，仲會列出特殊病歷 。健康紀錄的確係需要一定程序，如果想搵較便宜嘅醫生可以Google＂幼稚園健康紀錄平D＂。

筆者建議其他媽媽下次想網上公審應該先搞清楚自己邊個小朋友受傷，而且要準備好所有「證據」先放上網，好似梁太又要經過多位網友嘅查詢先喺回應放出警察同醫生對話嘅短片(圖)，不過睇完更加覺得唔係好理解梁太嘅論點。

＊小朋友「被醫生所傷」，既然已報警竟然唔係去驗傷，而係趕時間走？

＊梁太對盈健旗下醫生嘅操守有不滿，可以向醫委會或者盈健作出投訴，更加可以搵媒體報導公開事件，報警只列作普通糾紛。

＊梁太以帖文單方面批評醫生操守筆者無評論，不過公審無經過雙方嘅回應再作評論，以梁太嘅一面之詞對醫生確實好唔公道。

＊梁太去到最趕時間先搵(同一位)醫生？隔離(附近)都有醫生睇，既然唔滿意佢地嘅收費，點解要堅持搵返同一個醫生？

＊唔知大家有無機會遇過，無論警察甚至法官都會喺合理情況下「串吓」市民，點解醫生唔得？醫生唔可以覺得你戇居？

＊診所係私人地方，尤其應診室唔應該輕易動用鏡頭。「權利」並唔係大晒，顧客亦唔係大晒。

後話：普遍認為，過份保護孩子而做出奇怪行為嘅父母被稱為「怪獸家長」，形容家長自我中心，經常為孩子嘅大小事情向學校/其他地方作出投訴。簡單嚟講就係以為世界只係圍住你(嘅小朋友)轉，好易同其他人產生誤會。

而過份關注孩子嘅父母就被稱為「直升機家長」，形容家長好似直升機一樣，盤旋喺孩子身邊，隨時(空降)幫助解決問題。筆者對別人嘅家事並無意見，不過可憐小朋友長大之後就知味道。

(個人意見專欄，歡迎各方理性討論。)