【薯不簡單(下集)】假期無限好 起身已黃昏

重溫：【薯不簡單(上集)】主打窩夫美式小店

 

新年假期好多店都未開，或者加二加三收費，早幾日出銅鑼灣，第一時間就諗起明珠廣場嘅Green Waffle，11月幫襯嘅時候店員已經話將會搬到希慎，所以二話不說喺地鐵站直上13樓。新店以半開放式設計，就喺商場窗邊位置，又開揚又光猛。

 

今次過嚟食個Late Brunch，就點咗咸牛肉三文治同芝士焗通粉，當然仲有雜莓香蕉窩夫都係後上啦！

 

今次點咗全份美式咸牛肉三文治，同樣嘅脆薄三文治包、咸牛肉片、酸菜、沙律汁，配搭意式醋沙律菜。轉咗用麵包板即刻加咗田園感，不過咸牛肉片咸咗(?)，同埋轉咗配薯條唔係脆脆薯粒嘅！

 

另外點咗芝士焗通粉，配料就只有煙肉粒。

嘩～Cheese Lover一定大愛呀！芝士多到呢～仲有拉絲！拉絲！拉絲架！

芝士粘住喺通粉表面，芝士味濃郁到一個點，兩個人Share都有少少漏呢～

 

Encore雜莓香蕉蕎麥窩夫，雖然可以加$20轉Movenpick雪糕，不過我覺得阿波羅朱古力雪糕都好夠朱古力味呀！

強烈推介蕎麥窩夫，健康啲之餘仲可以增加飽肚感，食多咗都無咁內疚，哈哈！

 

食得早餐當然要點埋Aminn"must have"嘅咖啡，飲返杯Americano同Latte，再食啖窩夫，咁先夠美式嘛！

 

 

是次小分享完畢，有興趣可按 麵語錄aminn 或本站內其他分享 :)

 

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn

任何合作請接洽: aminn613@gmail.com

 

【薯不簡單(上集)】主打窩夫美式小店

幾個月前有次放工去逛銅鑼灣，晚飯時間差不多過先肚餓，又無咩idea就上網搜尋一下附近特色食店，搵到間主打窩夫嘅Green Waffle Diner，諗住輕食都可以就去試試。

 

點知呢個時間仲要等位！睇嚟窩夫真係熱賣喎！

等位其間睇下Menu先，發現除咗窩夫之外仲有好多主食，全日早餐三文治、鑊仔薯粒等等都有幾十款選擇。

最後點咗香辣番茄香腸薯粒鑊仔同咸牛肉三文治，雜莓香蕉窩夫就後上。

 

估唔到鑊仔薯粒份量咁多！

熱辣辣鑊仔，好多脆脆薯粒，仲有腸仔同番茄、墨西哥辣椒，加上流心蛋，撈勻流心蛋黃就可以食啦！

每一啖都係濕潤嘅脆脆薯粒，呢個份量好有飽足感。

 

另外點咗半份美式咸牛肉三文治，脆薄三文治包、咸牛肉片、酸菜、沙律汁，簡簡單單味道清新，唔會太飽滯，又係配搭脆脆薯粒喎！

 

見到有夏日特飲，就試下黑白配，Snow White同Bailey's Chocolate。

Snow White係椰子菠蘿smoothie，口感幼滑，仲有一支小小嘅菠蘿冰，搞住飲又得，就咁食亦得，得咗！

而Bailey’s Chocolate就係朱古力沙冰。

 

最後嘅雜莓香蕉窩夫，我轉咗做蕎麥窩夫，配朱古力雪糕。

窩夫外脆內鬆軟，蕎麥窩夫可以增加外層脆度，仲增加飽肚感添！

雖然仲有雪糕，不過配搭埋新鮮水果，Share食份量剛剛好，都唔係好肥啫！

 

餐廳係半開放式鋪位，剛啱坐喺商場行人路旁邊，環境未算十分舒適，不過地方算寬敞，食物質素有驚喜！

 

是次小分享完畢，有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn

任何合作請接洽: aminn613@gmail.com

【將軍澳食堂】將軍澳/荃灣街坊推介 - Beans Cafe

上篇提到將軍澳區內食肆林立 選擇多但啱口味的少

所以一有新餐廳開張例必大排長龍

但人龍很快就會被另一間新餐廳消化

這間Beans雖然只開了數個月

就算現時平日下午也見短龍(約15-30分鐘)

平日晚上和周末例必長龍

Beans其實地方不算大 這也是長龍原因之一

Menu尚算豐富 也有設午餐、蛋糕set、晚餐 有Pasta、Pizza、Risotto、All Day Breakfast、幾款小食和多款蛋糕(每天只提供其中幾款)

大部分餐點都包一杯檸檬蜂蜜、黑糖姜母茶或普通咖啡

如果想飽肚一點 可以加$20凱撒沙律、$25是日蛋糕

Aminn每次經過見到短龍才會去排下

到Cafe Aminn很喜歡點All Day Breakfast 貪一碟夠多款

第一次點了豪華英式全日早餐

除了All day breakfast基本有的之外 還有煙三文魚、黑松露炒蛋和兩隻Donut

這個Donut令Aminn很Surprise

Donut咬下去很鬆軟 口感就像雞蛋仔

究竟是當麵包還是蛋糕好呢？

第二次想吃甜點就點了焦糖香蕉熱烘窩夫全日早餐

點知又是呢個Donut！原來這是「窩夫」
All day breakfast之外又怎能沒有班尼迪蛋呢？

另外午餐set裡面的黑松露軟殼蟹意粉

這個份量不算太大 男士吃可能不夠飽

配上黑松露忌廉汁 還有脆卜卜的軟殼蟹

黑松露配搭其他菌類是老正的做法

最主要還是看隻軟殼蟹炸得如何

Aminn推介Beans的手工漢堡

雖然材料簡單 就只有基本的漢堡、芝士、蕃茄和羅馬生菜

但內裏絕不鬆散 而且味道的確一流！

跟餐的咖啡雖然只是一杯普通即磨咖啡

也可以加錢轉特色飲品 食物裝飾都是特色之一

但味道算OK 而且用上的咖啡杯和木匙很有特色

另外最近需要戒口就點了檸檬蜂蜜

想不到蜜糖的甜味並不是精糖 加入幾片檸檬很滋潤的說！

至於Beans的是日蛋糕 每天都有幾款不同的蛋糕

是日蛋糕就是在蛋糕櫃可以看到的實物

不過點了蛋糕也需要等候一陣

因為店員要幫它裝飾一下才過來

每次也要重新曬上店鋪名字和放得靚靚
(上：梨．Cheese Cake／下：朱古力二重奏 Duo Cho)

只花一點點心思整個感覺完全不一樣

難得將軍澳有間高質素的Cafe

當然要推介一下 不過咪會更長龍囉？XD

是次小分享完畢  有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.fb.com/m.for.aminn / www.instagram.com/starzaminn
任何博客合作請接洽: aminn613@gmail.com

[大坑熱店之一] 法式與美式的Nouveau cuisine

為了食可以去到幾盡?
表面上可以說為了食 就算熱店在山卡啦也會去

實際上呢...為了(相機先)食真的無晒形象可言 哈哈~

上幾篇已說過早前生日週去了一轉大坑
老實說大坑真的好少來 大家都認為他在銅鑼灣隔離又偏僻

其實在天后站行入來只需5-10分鐘

不過上年因為The Pudding Nouveau的waffle

和All Day Breakfast(Signature Pudding Breakfast)就來了一次


今年The Pudding Nouveau搞搞新意思推出咸點配waffle

其實市面上好多café都相繼推出咸waffle

所以Aminn對這個Duck N Waffle不會驚奇

Duck N Waffle是法式油封鴨腿配窩夫

油封鴨腿原來在法國很流行 而窩夫則是這兒的主打食品

鴨腿炸得金黄香脆 肉質仍很嫩滑而且脂肪亦不多

還有一隻半熟的太陽蛋

我用waffle配的蛋黃和蜜糖食 一鹹一甜增加美味配搭

另外還點了蟹肉釀牛角包

塞滿新鮮蟹肉混和沙律菜 再填滿脆卜卜的牛角包

牛角包脆得太古怪啦~ 真的相像以外咁脆!!

原來是店方每天新鮮制的 完全同平時食的兩種口感

另一邊的炸薯條配黑松露醬

不過本身點炸薯條會喜歡茄汁多過cream sauce的Aminn

這個小吃令人一試難望呀!! 或多或少因為Aminn喜歡黑松露香味

和炸薯條一齊食鹹味適中

留意返! 這個炸薯條配黑松露醬是有單點的~

另外每次來到The Pudding Nouveau都是點咖啡

感覺就是西式café的食物配咖啡都好理所當然

除了地點不太方便之外 沒有甚麼可挑剔

是次小分享完畢 有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

Freelance Editor, PR & Marketer

www.fb.com/m.for.aminn / www.instagram.com/starzaminn
有關博客工作紀錄, 任何合作或訪問請接洽: aminn613@gmail.com