【瞬間變豐盈】幾秒鐘修復稀疏頭髮 Capillus角蛋白豐盈髮絲

一直都覺得自己頭髮尚算粗同濃密，人越大，頭頂條界開始變得越嚟越明顯。好似方東昇話齋「歲月先有資格催人」！

唔好以為只有孕婦先會喺生完仔之後經歷甩頭髮喎！一般人因為壓力、環境污染、經常電染、免疫力低、年紀關係都會令頭皮同頭髮唔健康引至甩頭髮。就好似日常護膚咁，頭髮都需要保養㗎！

尤其我年初生完BB，而家正面睇個分界位已經開始甩頭髮，雖然話幾個月後就會正常返，就算有用護髮產品都需要長時間keep住用先見到效果。喺呢個咁心急嘅年代，剛剛返到工作崗位嘅我就收到PR為我準備好來自美國頂尖頭髮修護專家Capillus推出嘅一款角蛋白豐盈髮絲。

Capillus角蛋白豐盈髮絲由跟頭髮相同結構嘅keratin蛋白質製造而成，採用最高等級嘅天然角蛋白製成，以強大靜電感應原理，使用後會緊密黏附喺真髮上，而且不傷頭皮亦唔會阻塞毛孔。

Capillus角蛋白豐盈髮絲備有9種顏色選擇，配合不同人士需要，今次試試同我髮色一樣嘅黑色。打開包裝盒見到樽蓋密封包裝，確保衛生。打開之後見到有好多微細小孔，方便角蛋白纖維灑出 。




使用方法：使用喺乾髮上面，將Capillus角蛋白豐盈髮絲靠近稀薄頭髮部分，輕輕搖動就會見到髮界慢慢被覆蓋。用完之後輕輕用手指整理頭髮（切勿用梳），角蛋白纖維與真髮自然融合之後，就可以照常使用噴霧劑額外保持髮形。產品需要經常關閉保持乾燥，用一般洗頭水就可以徹底清潔乾淨。



一試立即解燃眉之急，即時增加返自信！產品除咗適合脫髮/稀疏頭髮人士使用，對於產後有突發性脫髮問題嘅媽媽們，都非常適合㗎！

是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting)
www.facebook.com/sy.lam.family

任何合作請接洽：aminn613@gmail.com

【孕記重溫】自己坐月做足準備：炒米茶篇

產後坐月要繼續戒口係人都知，不過原來飲水都要注意！

喺中醫角度由於生產之後脾胃虛，身體吸收會比較差，所以坐月期間直接飲白開水嘅話，身體就會容易出現胃脹、尿頻、便秘、腳腫嘅情況。而炒米茶就可以喺呢段期間加強新陳代謝，舒援產後身體嘅不適。

而且米屬正氣可以養脾胃，仲有暖胃效果，幫助坐月期間補充體力同時又有營養，所以一般都會飲炒米茶到滿月。

由於一個月份量炒米茶真係幾多下，我分開咗兩次處理，一次係預產期前一個月，另一次係放產假後（生Aster前一星期）。
第一次

第二次
炒米茶包嘅材料簡單，不過需要啲時間處理同執料包裝，如果大家想一次過做一個月份量，建議大家預留一個下晝去做。

唔同體質需要嘅材料會有些少唔同，炒米可以用白米、紅米、糙米或者黑糯米，撈埋炒又得，揀其中一樣炒亦得，得咗！我自己就唔需要太補，所以只係做咗最基本嘅白米炒米茶包。

材料：

白米、陳皮、桂圓、杞子、黑豆、薑（順產適用，飲嗰時先切片落去）、南棗（順產適用）

做法：

首先開大火，將適量乾米落白鑊不停炒，開始感覺到米堆有熱力就轉中火繼續炒，炒到米變咗微金黃色就可以，如果已經炒到啡色就太燶啦（熱氣㗎！），炒完就倒起放涼。

唔知點樣睇金黃咗？拎杯白米對對顏色就得啦！
所有材料都唔需要過水（唔需要過水！唔需要過水！），直接執落茶包，份量隨意。

份量：（每日早晚各一包）

炒米 (兩湯匙)、陳皮一小片、桂圓數粒、杞子隨意、南棗一粒、黑豆 (一湯匙)

第一日：炒米、陳皮、薑

第二至三日：炒米、陳皮、桂圓、杞子、薑

第四日至坐完月：炒米、陳皮、桂圓、杞子、薑、南棗（惡露全清後可以加黑豆）

第一次
第二次
最先整好頭3日放一袋，入院記得帶埋佢哋（我貼咗memo喺走佬喼提自己）。餘下份量大家睇時間整，因為一個月份量原來都要炒幾多米㗎！整完就用密實袋／密實盒／玻璃樽放喺乾燥嘅地方，坐月嗰時每次拎一包出嚟焗就搞掂！

是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting)
www.facebook.com/sy.lam.family

任何合作請接洽：aminn613@gmail.com

【補身唔怕遲】遲補好過唔補：王朝滴雞精

話說已踏入中女之齡嘅Aminn因為太懶，一直都無咩補身養身習慣，但人懶都有救星，而家市面上好多營養產品都造成獨立包裝，真係方便晒我哋一班懶鬼！


早前收到一盒王朝滴雞精，有別傳統嘅玻璃樽雞精，佢係一款需要冷藏-18度嘅小袋裝滴雞精。王朝滴雞精有高蛋白、低熱量、零脂肪三大特色，充分補充蛋白質、膠質、鈣質等營養，除咗一般作為產前產後補身之外，其他朋友飲用都可以補充到體力㗎！



王朝滴雞精所選用嘅食材係來自台灣本土老母雞，由屠宰、生產到包裝都喺台灣工廠一條龍完成，公司同食品加工廠均有雙國際認證 HACCP & ISO22000，衛生品質都得到保證，大家可以更放心飲用。


王朝滴雞精以急凍方法保存，最佳嘅加熱方式就係隔水加熱，只需將一小包放入熱水煲滾 3-5分鐘，當滴雞精翻熱之後剪開袋角，就可以倒入碗入面飲用啦！建議大家喺早上空肚飲用王朝滴雞精，加以幫助更容易吸收，15分鐘後先食早餐，加強當日嘅精力！



今次試飲嘅係原味滴雞精，一盒10包，主成份係台灣老母雞釀液，味道最濃，由於原味無包含其他藥材，所以適合大部份人士飲用。每一包嘅份量係 65 毫升，一包嘅熱量大約係 18 kcal，王朝滴雞精用低油低鹽配方，而且於王朝滴雞精油份特別少，怕油膩感嘅女士應該會鍾意呢個較清甜嘅口感。


王朝滴雞精有 5款口味選擇：原味滴雞精／美麗四物／靈芝百合／冬蟲夏草／養氣人蔘
佢哋除咗經常到唔同地方擺展銷，仲可以到香港官網訂購：www.wangchao.com.hk

是次小分享完畢，有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn
任何博客合作請接洽: aminn613@gmail.com