【孕記重溫】自己坐月做足準備：炒米茶篇

產後坐月要繼續戒口係人都知，不過原來飲水都要注意！

喺中醫角度由於生產之後脾胃虛，身體吸收會比較差，所以坐月期間直接飲白開水嘅話，身體就會容易出現胃脹、尿頻、便秘、腳腫嘅情況。而炒米茶就可以喺呢段期間加強新陳代謝，舒援產後身體嘅不適。

而且米屬正氣可以養脾胃，仲有暖胃效果，幫助坐月期間補充體力同時又有營養，所以一般都會飲炒米茶到滿月。

由於一個月份量炒米茶真係幾多下，我分開咗兩次處理，一次係預產期前一個月，另一次係放產假後（生Aster前一星期）。
第一次

第二次
炒米茶包嘅材料簡單，不過需要啲時間處理同執料包裝，如果大家想一次過做一個月份量，建議大家預留一個下晝去做。

唔同體質需要嘅材料會有些少唔同，炒米可以用白米、紅米、糙米或者黑糯米，撈埋炒又得，揀其中一樣炒亦得，得咗！我自己就唔需要太補，所以只係做咗最基本嘅白米炒米茶包。

材料：

白米、陳皮、桂圓、杞子、黑豆、薑（順產適用，飲嗰時先切片落去）、南棗（順產適用）

做法：

首先開大火，將適量乾米落白鑊不停炒，開始感覺到米堆有熱力就轉中火繼續炒，炒到米變咗微金黃色就可以，如果已經炒到啡色就太燶啦（熱氣㗎！），炒完就倒起放涼。

唔知點樣睇金黃咗？拎杯白米對對顏色就得啦！
所有材料都唔需要過水（唔需要過水！唔需要過水！），直接執落茶包，份量隨意。

份量：（每日早晚各一包）

炒米 (兩湯匙)、陳皮一小片、桂圓數粒、杞子隨意、南棗一粒、黑豆 (一湯匙)

第一日：炒米、陳皮、薑

第二至三日：炒米、陳皮、桂圓、杞子、薑

第四日至坐完月：炒米、陳皮、桂圓、杞子、薑、南棗（惡露全清後可以加黑豆）

第一次
第二次
最先整好頭3日放一袋，入院記得帶埋佢哋（我貼咗memo喺走佬喼提自己）。餘下份量大家睇時間整，因為一個月份量原來都要炒幾多米㗎！整完就用密實袋／密實盒／玻璃樽放喺乾燥嘅地方，坐月嗰時每次拎一包出嚟焗就搞掂！

是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting)
www.facebook.com/sy.lam.family

任何合作請接洽：aminn613@gmail.com

「粽」有一款合你心意

奇華餅家今年繼續推出「五月粽」系列

早前收到公關朋友送來奇華的三款新品粽

分別是金不換香辣肉粽, 桂圓棗蓉梘水粽以 及 陳皮豆沙梘水粽

「粽」有一款合你心意:)

~事先張揚~

小妹本身不喜歡吃梘水粽的 嘩哈哈

3款新品粽中 我最喜歡的就是金不換香辣肉粽

主要材料包括有糯米, 豬肉, 蘿蔔乾, 冬菜, 金不換, 辣椒醬, 魚露等等

特別在用上金不換, 把泰式風味放入中式粽子

金不換味道濃烈加上辛辣惹味

愛辣的朋友們應該會喜歡這款金不換香辣肉粽.

吃完濃味的金不換香辣肉粽 接下來的是桂圓棗蓉梘水粽

桂圓的味道是比較淡 相比之下是清新得多

傳統的節日不妨轉轉新口味 試試這款桂圓棗蓉梘水粽

還記得早前吃奇華的陳皮蓮子紅豆糕

(重溫:吃甜甜 好過年 奇華新創意)

這次的陳皮豆沙梘水粽外層換上糯米

仍然像吃一碗紅豆沙一樣 配搭又不會有奇怪的感覺

雖然這三款粽子都不是傳統口味

如果你吃得辣的話 我會推薦金不換香辣肉粽

除了這三款新口味之外

奇華的皇牌粽還包括有珠姐XO醬五花腩肉粽

大家還能夠選購種粽滋味禮盒 優惠價$160

情到facebook專頁: 奇華餅家 Kee Wah Bakery

凡惠顧任何奇華五月粽滿港幣$150即可獲贈精美保溫袋乙個

(數量有限 送完即止)

Follow me @麵語錄 aminn www.facebook.com/m.for.aminn

任何形式合作或訪問請接洽: aminn613@gmail.com