【港女午茶】ESPUMA棉花糖火鍋Afternoon Tea

ESPUMA嘅下午茶一向大受港女們歡迎，無他嘅，只要經常轉下款式，加一啲糖果元素（就好似一舊大棉花糖），影出嚟嘅相就可以完美呃Like！

之前都有同朋友嚟到ESPUMA食Tea同甜品，中環店好開揚，望出去就係半山勁優雅。最近佢哋搞搞新意思推出火鍋同大家過一個暖笠笠嘅冬天。

今次Afternoon Tea set有5款甜點同4款鹹點一共有9款小食。甜點分別有香脆窩夫、自家製藍白雲棉花糖、馬卡龍波板糖、三色芋圓同鮮雜果。而鹹點就有炸雞格仔餅、八爪魚配鮮芒莎莎、迷你炸魚薯條筒同忌廉粟戈一米肉碎脆餅。

「湯底」就有2款甜湯可以選擇，分別係伯爵茶火鍋同紫米露火鍋。我就點咗紫米露，直接將Waffle沾「湯底」食又得，或者將芋圓加入火鍋煲煲佢仲可以當糖水食。

火鍋上面一舊棉花糖真係好Suprise，可以撕落嚟食又得，等佢溶咗落「湯底」亦得。嚟到ESPUMA當然少不了最回味佢嘅自家製scone，配鮮忌廉同士多啤梨果醬好滋味！

下午茶可以選西班牙Novell即磨咖啡、伯爵茶、綠茶、烏龍茶、紅茶，如果想飲品都嚟個特別啲，可以加$15轉配其他特色飲品。

棉花糖火鍋下午茶 Cotton Candy Fondue

價錢：$248/2位(另收加一)

供應時間：2:00pm-5:30pm

是次小分享完畢，有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn
任何博客合作請接洽: aminn613@gmail.com

先入為主：火鍋店入面有魚檔？

朋友約到「鮮入圍煮」食雞煲打邊爐

這間之前在facebook也見過朋友分享

順便可以來試試味道如何

不過地點竟然在旺角登打士廣場?

那個樓上café林立的登打士廣場?

一進門口見到的是街市檔!??

跟街市魚檔一樣的 有多款海鮮選擇

這樣的佈置真的嚇了一跳呀!

這個魚檔應該是香港獨一無二的

客人即時選了食材 即時處理再即時上枱

難怪這店叫「鮮」入圍煮

店內一邊牆仿「九龍皇帝」的街字

另一邊則貼滿舊式廣告傳單

整間店充滿了local的大排檔味

點菜單是分類的點心紙形式 非常清晰

價格中等還可接受

飲品方面則有支裝、紙包飲品供應

今期的特色火鍋湯底是花膠雞煲

嘩花膠滋補養顏 一定是想吸引一班愛靚的女士幫襯!

所以我們就點了個細的花膠雞煲 哈哈~

細花膠雞煲2-4人份量 有半隻雞、花膠和湯底

上鍋後店員會快手把雞剪件

基本上雞件已熟 待湯底滾起就可進食

撈下湯底約有5-6塊大小花膠

先飲湯後邊爐 這個明明是花膠雞濃湯

湯底濃郁鮮甜 未開始邊爐已經清了半鍋湯

 之後加湯開始邊爐 店員拿了個舊式紅色暖水壺來

加的湯竟然一樣是雞湯!! 嘩另一個surprise!

至於配料方面 打邊爐怎會沒有牛!

我們點了3款不同的

冰鎮安格斯手切牛、手切頂級牛肋骨肉和普通肥牛

安格斯是食品種 手切牛是食舛新鮮 肥牛當然是供奉牛魔王的

牛肉花紋細緻 牛有香濃牛味最重要有咬口的

其實用了濃湯湯底加上牛肉鮮味根本不用點醬

另外還點了一堆喜愛的火鍋配料

炙燒芝心丸、墨魚滑、脆鯇魚片、雲耳、秀珍菇、生菜等等

個人認為價錢的確中等以上

人均消費大約$300-$500

總括食物質素無論肉類和蔬菜類都非常新鮮

加上環境和服務來看都值得推介大家來試

p.s. 朋友有訂位的 不過約晚上8時已經滿

另外聽講年尾會搬鋪 遲下再留意最新情況喔!!

是次小分享完畢 

有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

Freelance PR & Marketer, Blogger

www.fb.com/m.for.aminn / www.instagram.com/starzaminn
有關博客工作紀錄, 任何合作或訪問請接洽: aminn613@gmail.com

廣州遊記：眼界大開 海底撈點止火鍋咁簡單!?

大家有沒有聽過有返大陸玩的朋友說海底撈?

海底撈其實是家火鍋店 不過一到門口你會發現其他的東西

包括任食水果﹑任飲茶水﹑啤牌﹑飛行棋 仲有美甲服務!!

其實是門口的等候區 一看便知是給客人慢慢等的設施

Aminn去過深圳和廣州的海底撈

兩次都是下午入座所以沒有經歷過等位

海底撈賣的除了有水準嘅食物之外 重點亦在服務身上

食物有水準價錢又相宜 實在令人一試愛上

入座時服務員會提供一堆東西

套好背包/袋的椅套﹑供長頭髮女士的橡筋﹑帶眼鏡的有眼鏡布﹑還有透明膠袋袋好手機

有需要的話還有圍裙提供

全面考慮客人在打邊爐時會發生的各種情況!! 太貼心了吧!!

服務方面連洗手間門口也有服務員為你遞抹手紙

這種服務真是很難抗拒!

打邊爐很重要一環就是混醬!

海底撈除了有水果吧還有多種醬料任你揀

海鮮醬、沙茶醬、菌王醬、XO醬、香辣醬、酸甜醬、麻油、腐乳、蔥蒜等等

點餐是用iPad的 開始時不是太明白

服務員很有禮地立刻過嚟指導

海底撈的食材選擇好多亦新鮮 還有一些特別的火鍋料可以選擇

最特別而且must點的一定是海底撈的拉麵

7蚊一份 師傅會到你的旁邊即場表演拉面

雖然一份份量不多 但有表演睇又有得食 實在是好抵玩!
2012年




2015年 海底撈火鍋。師傅即場拉面 https://youtu.be/ayZeIOann_Q

就近的深圳有3間海底撈火鍋都是24 小時營業

一間在羅湖火車站附近 一間在南山區

另一間距離皇崗較近的卓越世纪商場分店

價格屬合理"香港價"

大家返大陸有機會遇到海底撈值得去一試~

更多資訊: http://www.haidilao.com/index.php

是次小分享完畢  有興趣可按 麵語錄aminn 或本站內其他分享 :)


Aminn | Beauty．Food．Fun．Travel．Trendy｜ 

www.fb.com/m.for.aminn / www.instagram.com/starzaminn
有關博客工作紀錄, 任何合作或訪問請接洽: aminn613@gmail.com