【港女午茶】ESPUMA棉花糖火鍋Afternoon Tea

ESPUMA嘅下午茶一向大受港女們歡迎，無他嘅，只要經常轉下款式，加一啲糖果元素（就好似一舊大棉花糖），影出嚟嘅相就可以完美呃Like！

之前都有同朋友嚟到ESPUMA食Tea同甜品，中環店好開揚，望出去就係半山勁優雅。最近佢哋搞搞新意思推出火鍋同大家過一個暖笠笠嘅冬天。

今次Afternoon Tea set有5款甜點同4款鹹點一共有9款小食。甜點分別有香脆窩夫、自家製藍白雲棉花糖、馬卡龍波板糖、三色芋圓同鮮雜果。而鹹點就有炸雞格仔餅、八爪魚配鮮芒莎莎、迷你炸魚薯條筒同忌廉粟戈一米肉碎脆餅。

「湯底」就有2款甜湯可以選擇，分別係伯爵茶火鍋同紫米露火鍋。我就點咗紫米露，直接將Waffle沾「湯底」食又得，或者將芋圓加入火鍋煲煲佢仲可以當糖水食。

火鍋上面一舊棉花糖真係好Suprise，可以撕落嚟食又得，等佢溶咗落「湯底」亦得。嚟到ESPUMA當然少不了最回味佢嘅自家製scone，配鮮忌廉同士多啤梨果醬好滋味！

下午茶可以選西班牙Novell即磨咖啡、伯爵茶、綠茶、烏龍茶、紅茶，如果想飲品都嚟個特別啲，可以加$15轉配其他特色飲品。

棉花糖火鍋下午茶 Cotton Candy Fondue

價錢：$248/2位(另收加一)

供應時間：2:00pm-5:30pm

是次小分享完畢，有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn
任何博客合作請接洽: aminn613@gmail.com

【浮遊童心】 治癒系 Afternoon Tea 好地方

Aminn期待已久想去嘅DK Cuppa Tea，終於約到Friend子去啦~

因為DK經常推出唔同嘅Afternoon Tea，每次都有特別驚喜！

今次我哋order咗浮遊童心下午茶，聽個名都知係一個充滿童趣嘅Tea set，主角就係好多大小朋友都熟悉嘅浴室小黃鴨，勁興奮呀！

下午茶由Mojito雪芭開始，微微嘅酸味非常清新，另外一壺有機花茶係Pure Awakening，結合咗香茅同檸檬(Lemongrass & Lemon myrtle)，好有舒綬功效嘅香氣。

之後開始食嘢喇～咁多嘢食食咩好呢？

鹹點陣容很強勁，竟然有芝士釀麒麟蚌同加拿大蟹拑！

泡泡浴缸係亮點！翻開泡泡，原來係德國香腸！

另外仲有法國迷迭香牛角酥，質感鬆化，食完咸點就到甜點！

甜點就嚟到小黃鴨世界，大大小小嘅小黃鴨，有朱古力、曲奇、Macarron，全部都食得架！

仲有玫瑰奶凍(Panna Cotta)、檸檬Cupcake、法式檸檬撻，每一款都勁精緻，靚到唔捨得食呀！

每個下午茶都可以得到一set Magic Card做留念，如果有心事/願望，Magic Card嘅解說可能俾到你一啲新諗法！

DK Cuppa Tea嘅Afternoon Tea set一般都係BFF嘅心頭好，而呢款浮遊童心下午茶好適合一家人嚟個輕鬆親子活動呀～不過DK Cuppa Tea出咗名成日walk in都要等位，想周末過嚟記得預早book定先啦！

浮遊童心下午茶

每位$298/兩位起及另收加一服務費

DK Cuppa Tea

中環蘇豪士丹頓街16A地下

上環新街市街19號地舖

是次小分享完畢，有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn

任何合作請接洽: aminn613@gmail.com

【擺明呃Like】澳門銀河英式傳統下午茶

其實呢種飲下午茶食點心嘅玩意，源自上幾個世紀嘅歐洲貴族，

無論係「High Tea」、「Low Tea」定「Afternoon Tea」，

總之就係三五知己約會、慢活嘅生活，

既然又嚟到澳門銀河就試試水簾下午茶！

大家先點餐茶同邊一款Tea Set，

Aminn就點咗傳統英式下午茶同咖啡(is a must!?)

等咗陣精緻嘅三層架就送到嚟喇~真係急不及待立刻相機食先！

而且水簾仲係對住銀河鑽石大堂，每20分鐘就提你一次XD

呢一個年代下午茶已經有好多變奏，

既然Menu寫明係「英式傳統下午茶」，果然無令Aminn失望，

顏色雖然唔夠「銀河風味下午茶」鮮艷，

看似簡單，不過的確跟足傳統，

底層三明治、中層鬆餅(Scone)、上層小蛋糕，

下午茶點心應亥該由下至上、由鹹至甜、由淡到濃咁食

底層嘅三文治係幾有Surprise～

由於本身唔突出無咩期望，

原來係奶油青瓜、酸瓜燒牛肉、煙三文魚同蛋沙律。

不過材料都係一律火腿咁薄...

跟三層架一齊到嘅三款Jam係配鬆餅嘅，

淺黃色係奶油、黃色係檸檬、紅色係紅莓，

鬆餅呢~ 成個食又得，分開食亦得，得咗！

鬆餅鬆軟度適中，分開兩邊又唔會太碎，幾好幾好～
至於上層嘅小蛋糕同果撻，

唔想食得過飽同吸收太多糖，每樣一件啱啱好。

我杯齋啡夠Slim，反而隔離杯Mocha有我塊面咁大！

唔知水簾係用邊隻朱古力粉，杯Mocha唔駛落糖已經夠甜~

大家下午經過銀河酒店，

不妨到水簾享用一個輕鬆下午茶喔~科科

水簾 CASCADES

營業時間：10:00~23:00

下午茶時間：14:00~18:00

地點：澳門銀河綜合渡假城地下G03&G05

！拉票！

澳門特別行政區政府旅遊局為表揚人氣博客分享喺澳門旅遊嘅體驗及情報，最高票數嘅博客將成為最佳人氣博客，踏上「澳斯卡」紅地毯！投票者必須喺四個不同情報類別各投選一個博客（包括：美食、娛樂、親子及藝文），所有成功投票俾「最佳人氣博客」嘅投票者將有機會獲得主辦機構的紀念品一個架！

希望各位Fans會集中票源投票俾Aminn以下兩個澳門遊嘅分享呀！感謝！

美食情報：Aminn【葡國少女】澳門超萌手信店

 

原分享：http://aminn613.blogspot.hk/2016/09/hello-kitty-obrigado.html

娛樂情報：Aminn澳門巴黎人酒店今日開幕啦！

原分享：https://www.facebook.com/M.for.aminn/photos/a.266412723394367.59725.266381400064166/1139106102791687/?type=3

「博客澳斯卡」投票＞＞
https://www.macaobloggersoftheyear.com/ablog-food.php 

是次小分享完畢  有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜

www.facebook.com/m.for.aminn / www.instagram.com/starzaminn

任何博客合作請接洽: aminn613@gmail.com