麵語錄食玩遊記 by Aminn: BB加固

2019年3月13日星期三

【BB加固】打破加固悶局 Holle有機水果什錦穀物早餐

隨住BB 6個月左右開始進食固體食物，固體分量增加，奶量逐漸減少。幾個月以來每日就係唔同配搭嘅「魚/肉+菜」爛粥到軟飯，就算間中加入唔同口味零食，BB餐單一齊咁悶局。

終於到接近1歲，俾BB嘅食物都放心可以更多樣化，就開始搜尋唔同種類嘅天然食物，攝取各種營養之餘可以讓BB對進食保持新鮮感。

今次介紹呢款來自德國嘅「Holle有機水果什錦穀物早餐」，適合10個月以上嘅小朋友食用，一盒有250克。早餐穀物提供到碳水化合物、蛋白質、維生素、礦物質及纖維等多種營養，營養價值高，亦可讓BB嘗試到更多咀嚼訓練。

上網搵一搵關於HOLLE 嘅資料，Holle產品選用Demeter有機認證農莊所出產嘅有機蔬菜、水果及肉類，確保所有Holle產品100%天然，守護嬰幼兒健康。多款HOLLE產品喺個人護理產品連鎖店、百貨公司都有售。不過，由於HOLLE產品種類繁多，因此每個銷售點可能有不同系列的HOLLE 產品出售。建議可先致電查詢。

參考資料：https://www.holle.com.hk/sales_location

「Holle有機水果什錦穀物早餐」成份詳細列明喺盒上，產品以有機燕麥、玉米片、斯佩爾特麥粥糊、斯佩爾特麥片、小麥粉，棗子汁，蘋果汁，香蕉蓉，維生素B1製成（歐盟法規要求），含麩質、不含雞蛋、不含添加糖、無基因改造、無防腐劑、無人造色素及香料。

而且處理方法簡單，盒背亦有圖解方便照顧者參考。

只需加入水、牛奶、配方奶或者奶類飲品搞拌即可，亦可以自行加入更多水果，令穀物變得更有口感。相對一般穀物早餐，Holle嘅穀物比較幼細，添加牛奶後什錦穀物即時變得柔軟，方便BB咀嚼及吸收。

雖然叫做水果穀物，但味道只屬於淡淡穀物香帶輕微乾果甜味，唔會有添加化學甜味！至於好唔好味都係因BB而異，或者可以睇下Aster嘅食相，可作參考XD

是次小分享完畢，有興趣可按麵語錄食玩遊記 by Aminn 或 C家重地其他分享 :)

Aminn | Beauty．Food．Fun．Parenting．Trendy｜

麵語錄食玩遊記 by Aminn (Lifestyle)

www.facebook.com/m.for.aminn

www.instagram.com/starzaminn

C家重地 (Parenting)

www.facebook.com/sy.lam.family　

任何合作請接洽：aminn613@gmail.com

2018年7月13日星期五

【10分鐘快手整】BB加固好簡單每日鮮製米糊

新手家長特別緊張子女成長發展，尤其係BB半歲開始進食固體食物（簡稱︰加固），部分家長過早或者急於BB試下新食物，但我就無太急進，見就快6個月就試試整下啲加固畀Aster試下味先，每日嘗試少少米糊、果蓉、瓜蓉等等。

BB加固嘅料理其實可以好簡單，第一步可以用米糊適應下先。米糊顧名思義就係將米煮到變糊，即係再爛啲嘅粥仔。所以破壁機真係好幫手，準備好材料統統放入去，撳個掣就可以煲起粥再打成米糊，輕鬆駕馭到營養加固餐單。
材料：白米 90克/半杯甘筍半條 (最多同白米份量相約)
水 2碗 (白米份量4倍)