【35分鐘快手整】來吧！自家製天然味黑豆漿

喺屋企自家製豆漿大行其道，坊間好多工具已經幫到手，但係就咁買部豆漿機就好唔划算。留意到最近有部多功能嘅破壁機可以幫手整唔同料理，所以入手咗美的破壁機BL1188，以後準備好晒材料之後，按個掣就可以飲到香濃嘅自家製豆漿啦！

材料：(1人份量)

黑豆  半碗

水  2碗

杞子  適量
南棗  適量
桂圓  適量

步驟：

1. 將買返嚟嘅包裝黑豆浸一晚，晾乾後可以用保鮮盒放入雪櫃收藏，備用

2. 將黑豆同水放落破壁機，如果屋企仲有其他材料（例如杞子、桂圓、南棗、阿麻籽等）都可以一齊放入去

3. 調較到「豆漿」功能，預設時間係35分鐘，其間會先煲滾材料，最後10分鐘就打豆漿，聽到「咇咇咇」聲就代表完成啦！

小貼士：
－雖然仲見到粉狀嘅黑豆，但係飲落都好幼滑，毋需要過濾。如果想口感順滑啲可以用湯袋過濾。（就會浪費咗啲豆渣營養啦）

－使用其他豆都可以，按喜好濃度加減水份，同樣步驟就可以整到唔同嘅豆漿

－如果鍾意飲凍豆漿，可以將黑豆預先蒸熟備用，整嘅時侯直接放冰水，調較到「3號」打磨功能打6分鐘就完成

－慳時間嘅蒸豆方法：朝早臨出門口前將買返嚟嘅黑豆浸一日，夜晚煮飯放喺電飯煲蒸架同飯一齊蒸熟，慳時間又環保，哈哈！

同場加映：

之前嘅「快手整」分享都無呢Part，但係入手呢部破壁機之後發生咗啲趣事真係想同大家分享！

話說早兩星期我開箱破壁機，清洗完之後當然要即刻試下部機嘅各樣功能，所以就拎晒冰格啲冰先試下整沙冰，但係開咗掣之後。。。咇咇咇咇咇咇？？試咗幾次，拎埋說明書睇都唔知發生咩事。

熄咗佢，轉做清水再試下煮湯功能，試咗一論仲係咇咇咇，唯有搵朋友求救喇！真係識人好過識字，識着個都有部美的破壁機嘅朋友，一問就知。。。

原來呢部美的破壁機個蓋要100%冚到fit晒先可以unlock安全鎖開到機（時間掣都唔着），OK You Win！


是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting)
www.facebook.com/sy.lam.family

任何合作請接洽：aminn613@gmail.com

【網紅店燒到嚟】台式早餐店桃園眷村登陸香港！

來自上海嘅早餐品牌網紅店「桃園眷村」早前已經登陸香港，地點就係朗豪坊原Mos Burger位置。桃園眷村賣嘅係台式古早味早點，主打鮮製豆漿、古法手工燒餅、油炸鬼，三年前喺上海開張，而家已經發展到全中國有超過30家分店，真係個個都去打卡，唔通個個都專登去打卡咩！

桃園眷村裝潢用上文藝風，牆身簡約乾淨，店入面嘅「時間，在舌尖」充滿文藝腔，呢種台灣文青氛圍，無疑是近年大熱嘅中港台餐廳包裝。

香港租貴地方有限，所以嚟到香港就要走快餐風 ，店入面以開放式設計，而且要用再生紙杯紙碗嚟節省清潔時間，加上位置連室外位，基本上都唔太需要等位。不過就無咗碗底嘅文青短詩，呢方面就差咗少少。

國內店環境

你可能會覺得桃園眷村賣嘅豆漿、油炸鬼都係普通嘢，不過原來都係店內用獨門方法每日鮮製現磨！ 而且豆漿豆味清新，甜度仲可以按口味加減。

除咗鹹、甜豆漿之外，豆花都有鹹、甜畀你揀！我就試咗鹹豆花（$32）配菜有菜脯、蝦皮、紫菜、葱末。第一啖好特別，就係好多香口配料嘅滑豆腐咁囉，不過口感的確出奇過癮。

另外飲品仲有米漿、紅茶豆漿、紅棗豆漿選擇。

香港人習慣用油炸鬼配粥，喺台灣同江南等地就用嚟配豆漿，不過今日好似已經賣晒。。。（桃園眷村的確每日都有部分食物係唔提供㗎！）

桃園眷村第三寶就係手工燒餅，燒餅就係傳統台式芝麻燒餅，新派做法就將佢切開再放配料，芝士、沙律菜、燒雞扒、炸魚柳等等。今次就試咗芝士蛋燒餅（$42），燒餅脆卜卜，如果可以熱啲，啲芝士有少少溶就好喇！卡卡～

另外功夫辣雞腿燒餅 、燒餅油條蛋、豬排蛋燒餅都係推介喔！

桃園眷村除咗三寶之外，我仲好喜歡食即包粢飯，餡料好豐富㗎！唔同上海鋪嘅獨孤一味得肉鬆油炸鬼粢飯，所以我就點咗青瓜肉鬆飯糰（$34）， 除咗青瓜之外，仲有炸到卜卜脆嘅肉鬆同增加口感嘅菜脯。如果想試下台式啲嘅口味可以食台式香腸葱蛋飯糰同肉燥滷蛋飯糰㗎！

是次小分享完畢，有興趣可按 麵語錄aminn 或本站內其他分享 :)

Aminn | Beauty．Food．Fun．Parenting．Travel．Trendy｜ 

Lifestyle：www.facebook.com/m.for.aminn / www.instagram.com/starzaminn

Parenting：www.facebook.com/sy.lam.family 
任何合作請接洽：aminn613@gmail.com

周末精選 街旁纖味餐

為慶祝街旁(jiepang.com) x Slim Taste西龍纖味 兩周年大日子 聯合推出 街旁纖味餐
啱啱周末到Slim Taste西龍纖味 - 紙藝主題餐廳進行優先試食
西龍纖味以紙藝佈置和健康飲食為主的食店
店內的紙藝佈置環境我連枱同凳全部是瓦通紙做!!!


第一下坐下去的確有點驚~
不過放心...我坐了2小時都好安全無問題XD

西龍纖味以健康為主 味道當然比一般食店無咁濃

不過絕對不是淡而無味 讚!!

街旁纖味餐原價156元

有興趣的朋友可以使用街旁優惠!!

我點了...

鮮蝦納豆南瓜湯

見到”納豆”好驚驚

因為幾年前到日本旅行領教過日本一絲絲的”納豆”
真係一試難忘.........
不過煮湯之後完全無那種味 只有濃濃的黃豆味 Good!

咖哩椒鹽軟殼蟹

健康飲食也可以間中有一點不健康 haha

這個用上天然的咖哩椒鹽 令炸的軟殼蟹帶一點健康
而且小小的軟殼蟹有肉亦多汁 的確好正!!!

紅燒豬軟骨竹炭湯拉麵

被”竹炭”吸引了 黑色的拉麵很特別
而且加了木耳芽菜粟米粒和蛋做配料很健康
不過紅燒豬軟骨有點乾 下次我要點招牌的豬扒!!

紫米豆漿

清清的豆味夾點點甜味的紫米味

我自己就好喜歡紫米 所以覺得好好味~

門口有一列紙櫃 擺放了好多紙品和西龍纖味的產品

見到有賣竹炭水($10)~ 下次去要買支試試!!

Follow me @麵語錄 aminn

任何形式合作或訪問請接洽: joyce.kwong@nuffnang.com