【找素食譜】新肉絲碗仔翅

每次放完長假大家放縱幾日之後就要還，而家找素嘅方式有好多種，最簡單就係用未來肉，產品種類都算滿足到日常飲食，仲可以解決到「要同屋企人食飯」嘅藉口XDD 之前試過新餐肉有驚喜！今次就試試用新豬肉整素碗仔翅，原來新肉絲已經整好一條條，一開即用真係好方便 【找素食譜】新肉絲碗仔翅
材料： 水 1.5L 新豬肉絲 1包(150g) 乾冬菇 6-8隻(切絲後約半碗) 乾木耳 約80-100g(切絲後約半碗) 乾粉絲 約80g (1個) 素蠔油 2湯匙 菇粉 4匙 生粉 6茶匙 (按自己喜好加減) 雞蛋 1隻 步驟： 1. 將乾貨材料浸軟，粉絲剪開成段，其他切絲 2. 將菇粉+素蠔油煲滾成湯底，直接加入新豬肉絲煮5分鐘至入味 (新豬肉絲毋需解凍) 3. 加入冬菇絲、木耳絲、粉絲，以中火煮滾 4. 按喜好加少許老抽加色 (追求純素嘅朋友請留意調味料原材料) 5. 加入芡汁拌勻，煮滾之後加埋蛋花就完成 小貼士： －純素食譜始終味道會同原食譜有分別，想湯底增加鮮味可以喺第1步加入昆布 －整過原版碗仔翅就知最花功夫其實係撕肉絲部分，新豬肉絲已經製成一條條，就算用嚟炒餸，喺冰格拎出嚟直接落水/落鑊就用得，非常方便

是次小分享完畢，有興趣可按 麵語錄食玩遊記 by Aminn 或 C家重地 Be a Asterholic 其他分享 :)



Aminn | Beauty．Food．Fun．Parenting．Trendy｜  

麵語錄食玩遊記 by Aminn

www.facebook.com/m.for.aminn 

www.instagram.com/starzaminn 

 

C家重地 Be a Asterholic

www.facebook.com/sy.lam.family　

 

任何合作請接洽：aminn613@gmail.com

【鋒味食譜】「快手煮」烤雞沙律彼德包/XO醬帶子炒西蘭花

近幾個月「鋒味」不斷都有新搞作，今次為大家帶嚟一個好消息，就係今年聯同香港百年品牌李錦記研發推出嘅「鋒味李錦記櫻花蝦XO醬」同「鋒味李錦記味噌涼拌汁」，除咗喺「鋒味」及「李錦記」網上專賣店有售之外，而家喺指定Market Place同Aeon超市都可以買到啦！

「鋒味」將李錦記百年製醬經驗配合鋒味私房食譜嘅創意，以中西、新舊融合出呢兩款新醬料，今次就利用兩款新醬料製作呢兩款「快手煮」嘅中西菜式。

1）烤雞沙律彼德包（1-2人分量）

材料：

彼德包 1個
沙律菜 適量

雞柳 2條
蒜蓉 適量

鋒味李錦記味噌涼拌汁 適量

做法：

1. 將雞柳切條，加入適量鋒味李錦記味噌涼拌汁同蒜蓉醃20-30分鐘


2. 將彼德包剪開2份，放入平底鑊慢火煎至表面金黃

3. 將雞柳用中火煎至全熟（或者直接用焗爐烤熟），備用

4. 將沙律菜放入大碗，加入適量鋒味李錦記味噌涼拌汁拌勻

5. 將適量沙律菜放入彼德包，再放雞柳喺沙律菜中間，搞掂就可以即食

2）XO醬帶子炒西蘭花（2-3人分量）

材料：

急凍帶子 適量

西蘭花 1個

草菇 適量

鋒味李錦記櫻花蝦XO醬 2茶匙

蒜蓉 適量

雞汁 適量

薑 2片

做法：

1. 將帶子解凍抹乾水，切成小件備用

2. 西蘭花切件，煮滾熱水加雞汁同2片薑，放入西蘭花汆水（灼熟一下表面），備用

3. 爆香蒜蓉煎帶子粒至金黃，加入草菇、西蘭花，炒至收乾水份

4. 加入鋒味李錦記櫻花蝦XO醬拌勻炒香就可以上碟

產品介紹：

鋒味李錦記櫻花蝦 XO 醬

選用櫻花蝦、乾蝦、上等乾貝等材料而成，配以辣椒帶出辣味溫和的味道。櫻花蝦XO醬食法千變萬化，可作為餐前伴酒小食，亦適合伴食中式點心、粉面、粥品及日本壽司，更可用於烹調肉類、蔬菜、海鮮、豆腐、炒飯等。

鋒味李錦記味噌涼拌汁

選用味噌、蘋果汁、醬油、芝麻油等材料而成，味道濃而不膩的味噌，加上蘋果汁的酸甜味倍感開胃清新。當中蘋果汁為一亮點，除可配上沙律及蔬菜作涼拌汁醬，亦可作為醃肉醬料。

是次小分享完畢，有興趣可按 麵語錄食玩遊記 by Aminn 或 C家重地 其他分享 :)


Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting) www.facebook.com/sy.lam.family

任何合作請接洽：aminn613@gmail.com