麵語錄食玩遊記 by Aminn: 冬蔭功

顯示包含「冬蔭功」標籤的文章。顯示所有文章

2020年4月13日星期一

【新手速成】泰式冬蔭蝦湯粉絲

喺屋企煮多咗嘅同時，其實同朋友之間嘅話題都會多咗關於煮乜好，大家互相啟發都好有樂趣㗎！ :)

半年前去泰國旅行

掃咗堆【米芝蓮餐廳】泰國藍象 Blue Elephant Cooking Kit 返嚟，唔同嘅正宗泰式調味料齊晒，只要去街市買少少食材，跟住盒背嘅step煮就得！

Blue Elephant冬蔭湯已經煮第2次，完全得心應手！

上星期同朋友傾開，佢推介我一款泰國粉絲話好實淨唔易溶，雖然我未買返嚟，但今次個冬蔭功就真係變咗粉絲煲！

(以下步驟同藍象包裝有啲次序唔同，你可以喺supermarket/街市買到所有冬蔭材料，呢個食譜都啱用㗎！)

【泰式冬蔭蝦湯粉絲】

材料：
藍象冬蔭湯料理包*(1盒2人份)

水－500ml (約2碗)
蝦－8~10隻
草菇－適量
紅辣椒－適量
青檸汁－半個
蔗糖/冰糖－1茶匙

註*：【藍象冬蔭湯料理包】包括冬蔭辣椒醬、魚露、高良薑、香茅、青檸葉

做法：
1. 煲滾500ml水，加入2包乾料包 (高良薑、香茅、青檸葉)出味

2. 加入2包冬蔭辣椒醬，加草菇，再煮滾

3. 先加1包魚露同糖，試試味，再按個人口味調好味

4. 夾返起高良薑、香茅、青檸葉 (純粹個人喜好，保留會接近原型)

5. 加入粉絲同蝦，再煮滾

6. 熄火後加入青檸汁，完成

其實而家好多platform都買到Blue Elephant cooking kit同其他正宗泰式調味料，產品由泰國直送，特別推介大家去 @hktvmall @瓹窿瓹罅 @光時 入貨 :)

不過話時話，藍象真係好搶手，尤其呢隻【冬蔭辣椒醬】

是次小分享完畢，有興趣可按麵語錄食玩遊記 by Aminn 或 C家重地 Be a Asterholic 其他分享 :)

Aminn | Beauty．Food．Fun．Parenting．Trendy｜

麵語錄食玩遊記 by Aminn (Lifestyle)

www.facebook.com/m.for.aminn

www.instagram.com/starzaminn

C家重地 (Parenting)

www.facebook.com/sy.lam.family　

任何合作請接洽：aminn613@gmail.com

2018年11月30日星期五

【圍威喂聚會】再次跟着海鮮走到三聖邨

早幾年同朋友嚟過三聖食海鮮，喺海鮮檔買完就拎去隔離啲餐廳加工就得。最近又約大班朋友去三聖，今次朋友先入去買海鮮，大家再喺泰海鮮集合。

喺泰海鮮可以選擇喺大廳定包房，包房當然會貴一啲，不過都只係計算加工料嘅價錢每兩加$1，而且多咗私隱度同空間，一班朋友嚟都唔錯。如果想熱鬧啲咁食海鮮就可以喺大廳，價錢就更划算。食海鮮雖然都係蒸炒焗，但係交俾泰海鮮就可以變出唔同款式。

最親民嘅貝殼類可能就係花甲，聽過有人唔鍾意食唔同嘅貝殼類，但花甲真係好少人唔鍾意。唔似蜆仔得丁點肉，花甲肉一口剛剛好，肉身爽口又鮮甜。無用傳統豉椒炒花甲，換上西式嘅忌廉汁，甜甜哋散發濃濃嘅白酒香，提升花甲嘅鮮甜。

平時配海鮮可能用伊麵底，今次轉放有咬口嘅烏冬，掛汁力十分強，每條都沾滿白酒忌廉汁，超級惹味！
喺泰海鮮最愛嘅小食一定係芝心蝦丸！雖然話係海鮮，但蝦丸嘅芝士心真係邪惡！而且包住外面嘅麵包粒炸得非常透徹，超級邪惡！不過唔好咁心急食，小心芝士辣口呀！

個泰式辣醬令我諗起嚟親泰海鮮好似都無食過泰味喎！下次再嚟記得要試冬蔭湯煮先！
（泰海鮮指定海鮮加工方法：冬蔭功湯煮、果皮蒸、豉椒炒、豉油皇、紅炆、砵酒焗、上湯、炒球、醬爆、豉汁蒸、鹽水灼、蒜蓉蒸）
仲有一樣都算係泰海鮮嘅經典，就係佢個海鮮蕃茄薯仔湯！

喺街市買完海鮮，店家通常都會半賣半送畀多袋雜魚、蜆仔乜都有啲嘅海鮮你，只要拎埋去泰海鮮，加多每位$18加工，就可以飲到呢盤鮮味十足嘅海鮮湯。因為用料足所以餚出嚟嘅湯極鮮甜，記得趁熱飲呀～總結一下，山長水遠入三聖係麻煩啲，不過成班朋友去係開心嘅。味道我覺得好啱香港人口味，清蒸又得，重口味又得，仲有得揀配伊麵、烏冬、飯，幾癲！