【BB也歎SPA】嬰兒下水禮初體驗

近年流行Baby Spa，未有BB時見啲BB突個頭出嚟係咁踢水已經覺得好得意，而家機會嚟啦！Aster平時沖涼都好鍾意玩水、 踢水，所以一早決定咗等佢「大啲」 就帶佢嚟玩水！

就近揀咗屋企附近嘅Baby Spa，同BB去玩，返屋企方便好緊要！其實Baby Spa真心唔平，今次試玩價都要$368游水＋按摩（平日$298），但係咁細嘅BB又真係唔適合去公眾泳池呀，所以都可以接受嘅。

Baby Spa／游水可以讓BB進行大肌肉運動，促進肺活量、血液循環同增高都有幫助㗎！

運動仲可以刺激大腦皮層神經，促進大腦發育，仲培養到BB適應能力同反應協調。不過要留意，游水前一個鐘要餵好奶，BB唔可以太餓或者太飽，保障BB嘅健康同安全。

今次去嘅Baby Spa喺商塲角落位，小小一個鋪位，但係去到門口，已經見到「泊滿車」。

入面有3個獨立小水池，同1個可以容納4個BB一齊游水嘅大池，乾淨度都ok。不過由於BB會除衫，所以Baby Spa入面唔會開大冷氣，怕熱嘅家長最好自備風扇仔喇！

落水前Baby Spa姨姨會先同BB做下伸展運動，好似同佢玩咁，等佢哋熟習下環境無咁緊張。Aster暫時仲未怕生保，姨姨同佢按晒手、腳、身、背脊，睇下佢心情幾靚，幾咁期待，跟住麻媽揀埋個水泡，Aster就換埋泳褲仔，然後可以落水啦！ 

今次試咗細池先，仲有迷你水泡同沖涼玩具陪佢，啱啱落水真係會唔知發生咩事，不過Aster好快已經fing手fing腳，係咁自轉，仲好勁咁識踢牆反彈，真係識玩！通常Baby Spa都可以游15分鐘以上，最多唔過30分鐘，Aster第一次竟然游咗29分鐘！！



分享一下Aster嘅美妙泳姿(Click圖)
 

之後洗埋個靚頭沖埋涼就上水着返衫啦。

第一次游完水之後，Aster竟然攬住Baby Spa姨姨唔肯返爸爸度，爸爸表示。。。而且的確同其他爸爸麻媽分享一樣，跟住好易氹瞓覺，仲有嗰晚真係好好瞓，哈哈！

是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting) www.facebook.com/sy.lam.family

任何合作請接洽：aminn613@gmail.com 

【來自北歐的時尚】簡約運動設計．Sudio TRE耳機

記得上年試過 Sudio Vasa Bla嘅藍芽耳機（重溫：http://aminn613.blogspot.hk/2016/05/sudio.html），方便攜帶而且性價比合理。

今年Sudio推出最新TRE運動型藍牙無線耳機，同樣係北歐瑞典簡約設計，賣點係手工限量製作嘅防水耳機，輕便同續航力兼備。

包裝精美，開盒之後附上一張明信片，Aminn都希望可以走到世界唔同角落！之後分開兩個小盒，上面係耳機，下面係配件。

今次TRE耳機揀咗少女系粉紅色，配襯便服都好時尚，仲有黑色、經典藍色同白色選擇。

TRE耳機附上3對唔同size嘅鰭狀耳機、保養卡、皮革收納包、金屬固定夾同充電線。皮革收納包可以收妥耳機之後先放入手袋，耳機受到好好保護自然有更長嘅壽命。

TRE特殊鰭狀耳機設計加強固定效果，加上防汗嘅入耳式耳塞，就算一邊跑步一邊聽歌都唔驚會甩。

TRE運動型藍牙無線耳機亦適用其他有藍牙連線功能的裝置，而且使用最遠範圍係15米，充滿電之後可以連續播放9小時同待機10日。

Aminn好少運動，但都鍾意去cafe一邊飲返杯咖啡，一邊戴著TRE耳機聽歌/聽電台，畀啲空閒時間自己放慢腳步，舒緩日常緊張情緒。

如果你都想同Aminn一樣擁有Sudio TRE運動型藍牙無線耳機，可以到Sudio港澳官網http://www.sudiosweden.com/hk/earphones 購買，輸入優惠代碼「Aminn」就可以享有85折啦！ 而且全球免運費，落單後約3天就送貨，整個網購過程既簡單又快捷！

是次小分享完畢，有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn
任何博客合作請接洽: aminn613@gmail.com

[運動科學] 促進新陳代謝 HYPOXI比GYM消耗多3倍

Aminn這一年都有去做GYM的習慣(一星期有一次嗎??)

可惜瘦身效果不是太明顯 要配合飲食吧~

早前Aminn到尖沙咀加拿芬廣場的 HYPOXI做運動

HYPOXI是由運動科學家Dr. Egger研創出來

HYPOXI不只是一個做運動的地方 是可以重點性修型

所以記得要帶備運動服和波鞋喔~

HYPOXI有針對全身的通淋巴機 

還有和局部下身的單車機和局部肚腩的跑步機

男女士都適合來做運動

Aminn第一部要試做的是HYPOXI Dermology

做這部機前需要穿上一件內有bubbles的裝束

是利用會充氣的bubbles以高壓及低壓的澎脹和收縮

以刺激代謝率和淋巴系統排出毒素 沒有不適感當然也不會太舒服的

就是bubbles澎脹時會很迫 就這樣躺着30分鐘

之後再做HYPOXI Coach 其實是一部單車

開始運動之前需要穿上這一條UFO小裙 一樣是加壓的用途

最後戴上心跳計就可以上單車了~

一路運動會一路量度心跳 連同踏單車快度和壓力度一併計算

大概踏了10分鐘就開始出汗了 間中飲水補充水份

同樣踏30分鐘 中途不可以停呀~

剛才提及的UFO小裙其實是卡在HYPOXI Coach的

所以只有上身是外露 而下身則在Coach內

透過高壓及低壓的澎脹和收縮 氣壓加運勤可加強減腰,臀和大腿

加速循環當然仲可以Burn fat 啦!

做完HYPOXI是一定會出汗的!

所以休息間有浴室及locker以供更衣和存放隨身物品

浴室內備有浴巾,洗頭水, 沐浴露和Body Lotion 連風筒也有!

HYPOXI的效果是針對下身和肚腩的

也經MPCH及UEK的醫學臨床證實

效果遠比日常自己做運動成效高

不過記得配合均衡飲食 HYPOXI後最好避免澱粉質

反而可以多吃蛋白質 絕對不用捱餓架~

! Catching up with the Training Machine !

是次小分享完畢 有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

Freelance Editor, PR & Marketer

www.fb.com/m.for.aminn / www.instagram.com/starzaminn
有關博客工作紀錄, 任何合作或訪問請接洽: aminn613@gmail.com

[輕便隨身拍] 將軍澳單車徑(運動模式拍攝)

“踩單車”在大部分香港人成長中出現的

總會是沙田大圍、大埔吐露港一段單車徑

反觀其他區份的單車徑路線主要圍繞屋邨和公園

不過自從將軍澳新一段海濱長廊(市中心至康城)

和香港單車館完成後 將軍澳成為單車友的新”蒲”點

亦不失為一個假日單車樂的好去處

Aminn因利成便有時候假日懶得去gym room 起碼都可”落街踩單車”

將軍澳南海濱長廊的單車徑算是不錯 與整個將軍澳區原本的單車徑連接

圍繞寶林、坑口、將軍澳、調景嶺四個港鐵站的單車網絡

對本區居民和喜歡踩單車的朋友來說都是好事

今個weekend Aminn帶同Panasonic的運動攝錄機HX-A500

跟盒送的頭箍可連同鏡頭戴上 即使是需要戴頭盔的運動都配合到

鏡頭跟操作按鍵是分開組件但連著的

戴上頭箍後可從另一邊屏幕上看到鏡頭有沒有戴歪或有沒有在錄影

”將軍澳單車徑”短片分享(按連結) http://youtu.be/Pj4XkNhXW5g 

 

官方資料:

HX-A500特別的地方是採用主機身和鏡頭是分成兩個部份的分離式設計，中間以一條不會太長的電纜連接。鏡頭部份重量只有31g，方便用家把鏡頭安到頭盔上（或配專用頭部專用扣）也不會感到負擔。附合IP58的防水防塵標準，適合大部份戶外活動之用。而配合此機的推出廠方亦同時推出多達10款不同的配件，方便不同需要的用家安裝到不同的地方。

此機的最主要賣點就是支援4K解像度拍攝，對於一些將會升級4K電視的朋友來說尤其有用。不過即使打算只使用全高清解像，HX-A500亦支援最高達50fps的幀數，想要慢動作重播就可有更清晰的效果，而如果可接受標清的效果，更可使用達100fps的速度拍攝，要更細仔地看清每一個動作都沒問題。其他規格方面，此機內置一片1.5吋彩色屏芒，方便操作的同時亦可看到鏡頭拍攝的影像。另外還內置Wi-Fi及NFC，配合專用App可輕鬆遙控甚至作前接或實時串流播放，使用起來更加方便。

更多資訊: http://www.panasonic.hk/chinese/products/digital-camera/camcorder/hx-a500.aspx

拍攝產品由品牌提供

是次小分享完畢, 有興趣可按 麵語錄aminn 或 Aminn本站內其他分享 :)

 

 

 

Aminn.

Lifestyle Blogger / Freelance Writer

Follow me @ http://www.facebook.com/M.for.aminn // http://instagram.com/starzaminn
有關個人簡介資料,任何合作或訪問請接洽: aminn613@gmail.com