【告別孕紋】孕媽媽為肚皮做運動

喺孕期入面，除咗擔心BB嘅健康狀態，其實都好擔心自己嘅身型狀態，雖然個肚漸漸變大係正常嘅變化，但係都唔希望有驚人嘅增重，喺產後加入「大肥婆」行列。
每晚都會做一啲伸展運動，舒緩身體同時可以幫助生產嘅時候更加順利。當然仲要加上適當嘅按摩，除咗可以減少孕紋機會，舒緩肚皮嘅不適，而且按摩胸部淋巴仲可以幫手打通乳腺。

最近收到英國有機品牌Neal's Yard Remedies嘅孕媽媽產品，有機媽媽妊娠滋潤霜Mothers Balm 同埋有機媽媽妊娠按摩油 Mothers Massage Oil。

有機媽媽妊娠滋潤霜利用100%植物無香味配方，含豐富脂肪酸，有助保持肌膚彈性、 預防妊娠紋。用嘅時候取適量滋潤霜喺手心軟化之後先均勻塗抹於腹部或胸部（避開乳頭位置）。可以產前或者產後使用。

滋潤霜同其他品牌嘅防妊娠紋cream或者lotion唔同，膏狀質感非常滋潤，但係好快被吸收，亦唔黏笠。

全新未開封嘅時候有標貼，保證衛生。

另外有機媽媽妊娠按摩油含有機大豆油同甜杏仁油，可以預防妊娠紋並且高度滋潤皮膚，改善膚質之餘仲加入草本同花草嘅香薰幫助鎮靜安神，同樣適合產前或者產後使用。

呢款按摩油嘅樽口就唔係太方便，要小心唔好倒出過量，不過優點就係可以喺沖涼之後用喺微濕嘅皮膚上，以提升妊娠紋位置嘅滋潤感。

產品使用範圍

有機媽媽妊娠滋潤霜 Mothers Balm – 肚皮、大腿、臀、後背、胸部
有機媽媽妊娠按摩油 Mothers Massage Oil - 全身

是次小分享完畢，有興趣可按 麵語錄aminn/C家重地 或本站內其他分享 :)

Aminn | Beauty．Food．Fun．Parenting．Travel．Trendy｜ 
麵語錄食玩遊記 by Aminn：https://www.facebook.com/m.for.aminn/
C家重地：https://www.facebook.com/Sy.lam.family/

任何博客合作請接洽: aminn613@gmail.com

【告別孕紋】新手媽媽們嘅必備

作為新手孕媽媽，聽講孕媽媽用嘅身體護理產品喺4個月就可以開始用，lucky嘅我有肚腩之神眷顧，之前一直用body lotion搽埋就算。早前收到嚟自波蘭嘅護膚品牌Dr. Irena Eris嘅孕媽媽產品，趁機就開始我嘅告別孕紋project！

今次就試試防敏系列Pharmaceris膚敏舒嘅孕媽媽產品(M系列)，葉酸柔潤彈力撫紋霜、彈力提升胸部塑型霜，同埋另一副線 Lirene嘅強力杏仁潤膚油。

首先講講Pharmaceris葉酸柔潤彈力撫紋霜，唔好以為葉酸只係啱孕媽媽內服，仲可以外用！

懷孕後，孕婦生理上對葉酸需求量大增，皮膚基底嘅葉酸嚴重流失，為阻止皮膚基底葉酸含量減少，通常皮膚就會大量分泌黑色素阻止葉酸被破壞，所以孕婦皮膚會變黑，甚至形成妊娠斑，同時葉酸流失仲會導致肌底細胞嘅持水能力下降，導致孕婦皮膚乾燥、粗糙、變得異常敏感。要改善孕婦皮膚狀況，必須從皮膚補充葉酸開始！

葉酸又稱維生素B9，來自綠色蔬菜、新鮮水果、豆類、堅果類、穀物類等食物，孕婦對葉酸需求量巨大，口服嘅葉酸通常唔可以儲存到肌底層已經被代謝咗，，所以孕婦都有需要通過皮膚補充葉酸。

Pharmaceris葉酸柔潤彈力撫紋霜(產前預防)，用先進嘅配方，有效預防同減少腹部、臀部同大腿因為懷孕而產生嘅妊娠紋同皮膚鬆弛問題。 只要持續喺下腹腰部、臀部同大腿內外側塗抹撫紋霜，上下緩慢輕輕按摩，就可以激活肌膚，預防紋路發生！

至於 Pharmaceris彈力提升胸部塑型霜，有效緊緻並調理胸部位置，同時滋養並收緊胸部嘅肌膚 ，令胸部回復良好狀態。持續使用，「提升」效果顯著，而且明顯改善胸部線條。

另外Lirene嘅強力杏仁潤膚油含有杏仁油，可以長效保濕、緊緻肌膚，並提升肌膚彈性，維持自然健康狀態。杏仁油成份有滋養、舒緩及保濕作用，修復肌膚承托組織，重現彈性。

如果乳房淋巴堵塞有機會造成乳腺問題，對孕媽媽餵母乳都會有影響！按摩淋巴位置記住要注意力度，唔可以太用力，否則有機會整親乳腺，而且建議配合按摩油使用。

每晚沖涼後左右邊各做一次，成個按摩過程大約10-15分鐘。除咗通淋巴之外，呢個按摩手法亦有緊緻同豐胸作用，大家不妨試試！

最後提提各位孕媽媽，除咗乳腺按摩之外仲要準備孕婦家居內衣，喺屋企都要承托呀！

是次小分享完畢，有興趣可按 麵語錄aminn/C家重地 或本站內其他分享 :)

Aminn | Beauty．Food．Fun．Parenting．Travel．Trendy｜ 
麵語錄食玩遊記 by Aminn：https://www.facebook.com/m.for.aminn/
C家重地：https://www.facebook.com/Sy.lam.family/

任何博客合作請接洽: aminn613@gmail.com