【新派上海菜】軒尼詩的「手製拉麵」

無心插柳遇到軒尼詩的江南 上星期原本出灣仔食上海菜放題，中間遇到一啲事，陰差陽錯路過好久以前嘅壽司鋪已經華麗轉身成為上海菜，見到門面幾乾淨就走咗入去，裝修幾光猛，一入去見到中間張bar枱，不過入面無乜人！

睇下個餐牌，基本上海蘇杭地道食物都有，拉麵、包點、小食同小菜，餐牌註明會用上「手製拉麵」！

門口入嚟就見到師傅喺度拉麵同整小籠包。

最喜歡點拼盤，啱晒想試晒唔同口味嘅我！

最後點咗醉雞、醉豬手同雞絲粉皮。酒味尚算可以，醉雞肉質唔鞋，尚算滑溜。豬手就未夠入味，不過豬皮夠厚夠爽。雞絲粉皮其實無乜特別驚喜，已經係喺街食到比較好嘅雞絲粉皮。

而個擔擔炸豬扒麵呢，炸豬扒係另上嘅，炸得幾乾身，豬扒剛剛炸起仲算juicy，放涼咗就開始乾。

呢度嘅手製拉麵有驚喜，係師傅即場拉嘅拉麵，麵條口感好好，唔敢講好彈牙但有咬口唔係淋身。仲有擔擔麵個花生麻醬，加咗辣味咁先夠蘇杭嘛～不過略嫌湯底唔夠厚身。

But手製拉麵必食！

食上海菜又點少得小籠包？

姥姥小籠包皮夠薄，肉餡夠鮮甜不鬆散，不過可能湯汁唔夠，未夠飽滿感。

話說Aminn好鍾意食葱油餅，見呢個圓碌碌咁趕緻就叫咗，點知一咬之下咁厚皮嘅？其實佢真係好似Donut咁，將蔥餡集中咗喺中間，油蔥勁香勁濃郁！不過呢，Aminn都係喜歡較乾身嘅葱油「餅」。

以灣仔人來人往嘅軒尼詩道嚟講，假期一點左右已經開始等位，而且上海姥姥勝在大眾化價錢坐得舒適，真心抵贊！

是次小分享完畢，有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn

任何合作請接洽: aminn613@gmail.com

值得回味：士別幾年 刮目相看 翡翠拉麵小籠包

相信大家對上海菜有興趣的話都會去過翡翠拉麵小籠包

因為在香港幾乎每區都有 而且在東南亞也有不少分店

原來旗下幾間分店都曾經獲得米芝蓮推介 難怪人潮不絕

幾年前曾經到九龍灣店吃過不太感覺良好 之後就沒有再惠顧

上月Aminn跟幾位Food Blogger好友到旺角瓊華新店

除了裝修加入"旺角"元素之外

新店剛開張又未有宣傳下是沒有太多人是重點 嘩哈哈哈哈

到上海菜店必定點當然是小籠包、擔擔麵、雞絲粉皮和生煎包

今次還會推介多幾款Aminn喜歡的~

小籠包皮薄肉嫩汁量足夠 一夾起好聚手呢~

小籠包在這裡一向都算是中上水準

而且最新還有駌鴦色的雙辣小籠包

一邊是雞 一邊是蝦 都是少少麻辣好惹味

至於上海擔擔麵 點菜時可選辣度

擔擔麵重點是麻香的花生醬 喝上一口湯感到非常香濃

辣度屬於中級 不愛辣的朋友可淺嚐

上海幼麵入口很有彈性 恰到好處

雞絲粉皮 重點粉皮還有香濃麻醬 Aminn最愛！

配上適量的青瓜絲和雞絲 吃起來幾滋味爽口

等位等得久 來個細細碟頂肚最佳~

再看看這裏的生煎包 外表很好看

黃金底色是一致的 依然keep到脆！

不過當然沒有正宗的生煎包湯汁可以噴出的juicy

反而肉餡很豐滿很香

至於推介菜式強強強烈推介蜜汁烤雙方

第一次食蜜汁烤雙方 根本不知道是什麼

而且Aminn不喜歡吃炸腐皮的…

不過一上枱就被蜜汁金華火腿吸引着

將金華火腿和炸腐皮放在甜甜的包皮上

再加適量青瓜 顏色的配搭很討好

蜜汁金華火腿甜度適中 反而配搭炸腐皮又不會很乾

四層不同的質感和味道 吃起來很豐富

另外小食方面 青瓜簾很有驚喜

味度較平常的拍青瓜略酸一點 不是的確好開胃

蘿蔔酥餅是Aminn平時去茶樓時經常點的點心

最喜歡一絲絲的蘿蔔蓉 除非蘿蔔苦或是酥餅炸得不好

翡翠拉麵小籠包的蘿蔔酥餅 皮夠酥脆又夠薄

蘿蔔蓉美味多汁 口感即溶感覺 亦是一味驚喜之作

士別幾年 刮目相看

翡翠拉麵小籠包 值得回味

是次小分享完畢 有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.fb.com/m.for.aminn / www.instagram.com/starzaminn
有關博客工作紀錄, 任何合作或訪問請接洽: aminn613@gmail.com