唔少朋友都鍾意食韓國紫菜飯卷，但如果要自家製作需要準備材料就好令人卻步。而喺韓國就興起製作一個簡易版飯卷「紫菜包飯三文治」(접는김밥)，準備材料同製作方法比傳統簡單好多！
「紫菜包飯三文治」非常適合整嚟做野餐便當或者午餐盒，配搭嘅材料都係屋企嘅常備食物，只要準備乾身材料或者用沙律菜隔住就唔怕整濕紫菜，簡易程度係小朋友都可以輕鬆摺到三文治飯團，一齊睇吓點整啦！
做法：
1. 先煎午餐肉同雞蛋，備用
2. 將紫菜鋪平，下方中間剪開形成4格
3. 放上飯、午餐肉、煎蛋、芝士、泡菜等材料
4. 紫菜連材料由一邊摺到另一邊，最後一格需要係稍有黏力嘅材料，例如飯、芝士，摺好後就唔會咁易散開
5. 完成後，如需要帶出街可以用保鮮紙個別包裝好，方便喺外面進食
是次小分享完畢，有興趣可按 麵語錄食玩遊記 by Aminn 其他分享 :)
