【幼兒芭蕾舞】來一場公主宴會 @Twinkle Dance

過多2星期暑假又到啦，媽媽們準備好小朋友嘅暑期活動未呢？



多數小女孩去學跳舞首選都會係芭蕾舞，所以都想同Aster去試下。學習芭蕾舞除咗跳舞之外，仲可以訓練身體柔軟度、節奏感、儀態。參加試堂或者暑期班短期課程講，好適合啱啱學習仲係發掘興趣嘅階段嘅小朋友！






上星期去咗Twinkle Dance上公主宴會芭蕾舞課，小朋友未上堂先興奮！因為著住條超靚公主系Tutulamb紗裙！


私心推介：


仲有其他Tutulamb舞蹈服裝：https://www.tutulamb.com/collection

Twinkle Dance 嘅幼兒課程以玩嘅形式，再滲入芭蕾舞動作，今堂公主宴會芭蕾舞堂重點當然係公主，舞蹈加入海底世界同冰雪奇緣(Frozen)嘅情景，Aster初次參與都唔需要warm up，而且整堂都超專心投入！






Twinkle Dance課程係用英語上堂，分校喺中環、銅鑼灣、黃竹坑，部分授課地點會喺灣仔、尖沙咀、九龍塘嘅舞室。


而且暑期班有Flexi Summer Pack，參加芭蕾舞之外亦可以試埋爵士舞同Kpop，有興趣仲可以用讀者優惠碼 TwinkleAmin15 報名，即時有85折優惠*！

立即報名：https://twinkledance.com/zh/programs/summer-dance-workshops/

*有效期至2021年7月9日
*只適用全新客戶購買Flexi Summer Pack，不適用於迪士尼舞蹈巡遊/舞台展示課或個人課程

上堂片段：https://youtu.be/Ns_NKDxtjas

是次小分享完畢，有興趣可按 麵語錄食玩遊記 by Aminn 其他分享 :)



Aminn | Beauty．Food．Fun．Parenting．Trendy｜  
www.facebook.com/m.for.aminn 
www.instagram.com/starzaminn 

任何合作請接洽：aminn613@gmail.com

【在職麻媽】入幼前準備：讓孩子習慣「學校環境」

最初考慮報唔報playgroup嘅時候，最大原因因為自己係在職媽媽，平日奶奶幫手湊囡，始終唔係自己湊無得要求咁多，而我又想個囡有機會同同齡小朋友多啲互動，都有留意下附近有乜playgroup，有開放日啱時間嘅就同個囡去玩下咁。

playgroup有平有貴，但絕對唔係必須，唔同學校嘅收費都可以有一段距離。就喺我未有決定嘅時候，喺媽媽群組知道我心儀間幼稚園原來有playgroup，而且同區嚟講算平，就趁佢開放日帶埋個囡去玩去參觀，順便問埋老師關於報名方法同之後升K嘅問題，終於經歷好多媽媽講嘅留電話報名(留位)，緣分到自然有位。
講咗咁耐終於入正題，作為在職麻媽，平日已經無咁多時間陪小朋友，深夜metime認真仲邊有精力去「做功課」，我選幼稚園只有一個原則，最好就係近！屋！企！屋企樓下就有間有PN嘅幼稚園，好喇，我嘅目標輕易考慮完畢。
接落嚟就要搵機會了解呢間學校，同時要了解下呢個年代「返學」係咩一回事，所以我喺小朋友8個月左右先加入同區嘅媽媽Whatsapp group，方便八下屋企附近嘅幼稚園開放日資料。


終於等到心儀學校開放日，仲同小朋友報埋playgroup(電話留位先～仲要排隊..)，希望佢去玩順便熟習呢度嘅環境，留意返，係「學校環境」！


我小朋友喺14個月就開始返playgroup，每星期2堂，都係一齊唱下歌仔、捉手仔做下勞作、玩下水、同玩下遊樂區咁，體驗一定多過留喺屋企。


以下小貼士純屬個人意見：
貼士1：留意區內幼稚園開放日，就到時間就去，預早俾小朋友接觸「學校」呢樣嘢
貼士2：留意心儀幼稚園開放日，盡量安排時間去，可以直接到學校查詢想知嘅問題 貼士3：如果心儀幼稚園有playgroup或者其他班可以考慮下報名，俾小朋友熟悉心儀學校環境，減少面試日膽怯嘅機會

大家有時間都要考慮下希望小朋友將來喺咩學習環境成長，早少少去了解你心儀嘅學校，跟住緣份到你就會順利報名，哈哈

是次小分享完畢，有興趣可按 麵語錄食玩遊記 by Aminn 或 C家重地 Be a Asterholic 其他分享 :)

Aminn | Beauty．Food．Fun．Parenting．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn 

www.instagram.com/starzaminn 

C家重地 (Parenting) 

www.facebook.com/sy.lam.family　

任何合作請接洽：aminn613@gmail.com

【在職麻媽】幼稚園面試前準備：讓孩子習慣「學校環境」

人哋話生個大B讀書有著數，似乎都係，除咗小朋友學習能力高啲，對佛系家長都有多啲時間準備！ 點解咁講？話說我有幾位朋友早我幾個月生年尾BB，喺BB幾個月嘅時候就要去面試入PN！下？咁我係咪要去報？
我嗰刻先上網睇，真係嚇咗一跳！乜差3幾個月就要遲一年入學？(突然又變得好漫長...) 不過，原來PN班又唔係咁計... PN班要足2歲入學，但到暑假後班大B又未夠歲數*無得上K，變相PN要「留班」讀多年。
*根據教育局的規定，9月開學入讀幼稚園(K1)的兒童必須為2歲8個月或以上(即12月31日或以前出生)，而幼兒園/預備班(N1)的入學年齡則為滿2歲(若開學未滿2歲，須待學童生日後才能入讀)。

發覺有樣嘢好奇怪，就係級別，想當年幼稚園3年就係K1、K2、K3，而我認知嘅Pre-Nursery即係2歲班/幼兒班，但好多學校而家會咁分：
PN(2歲)＞ N(3歲)＞ Lower/LK(4歲)＞ Upper/UK(5歲)

亦有學校用N代表2歲班，之後跟返K1、2、3，所以一定一定一定要了解清楚心儀學校嘅情況先唔會錯過報名期！
講咗咁耐終於入正題，作為在職麻媽，平日已經無咁多時間陪小朋友，深夜metime認真仲邊有精力去「做功課」，我選幼稚園只有一個原則，最好就係近！屋！企！咁啱屋企樓下就有一間有PN嘅幼稚園，好喇，我嘅目標一下就考慮完畢。
接落嚟就要搵機會了解間學校，同時要了解下呢個年代「返學」係咩一回事，所以我喺小朋友8個月左右「終於」加入同區嘅媽媽WhatsApp group，方便八下區內有咩幼稚園開放日可以去參觀同玩下。

貼士1：留意區內幼稚園開放日，就到時間就去，預早俾小朋友接觸「學校」呢樣嘢
貼士2：留意心儀幼稚園開放日，盡量安排時間去，可以直接到學校查詢想知嘅問題 貼士3：如果心儀幼稚園有playgroup或者其他班可以考慮下報名，俾小朋友熟悉心儀學校環境，減少面試日膽怯嘅機會
我嘅第一次學校開放日當然就係樓下間幼稚園，仲同小朋友報埋佢嘅playgroup(電話留位咋～仲要排隊㗎)，希望佢去玩順便熟習呢度嘅環境，留意返，係「學校環境」，唔係學習環境！
得閒就去下附近幼稚園嘅開放日


然而，好快就過咗1歲可以報名PN班面試... (待續)

是次小分享完畢，有興趣可按 麵語錄食玩遊記 by Aminn 或 C家重地 Be a Asterholic 其他分享 :)

Aminn | Beauty．Food．Fun．Parenting．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn 

www.instagram.com/starzaminn 

C家重地 (Parenting) 

www.facebook.com/sy.lam.family　

任何合作請接洽：aminn613@gmail.com