【懶人福音】GU自動收銀機 唔洗2分鐘搞掂走人！

日常生活越嚟越多機會接觸到AI人工智能，尤其喺機械人大國日本，多個零售服務開始引入AI系統，好似深受香港人歡迎嘅服裝品牌GU，日本300間分店喺上年陸續使用自助結賬服務。

月初Aminn到名古屋旅行，發現GU收銀櫃位唔同咗樣，

當抽住一籃子衫想去埋單嘅時候，有個店員就指示我到一部機器面前，睇到畫面張相示意將一籃子衫放入去櫃裏面，其實我都唔知發生咩事，終於店員察覺到我係遊客。。。

店員幫忙喺畫面按到選擇語言嗰版，記得應該係有日文、英文、中文（簡體）。。。

原來日本GU嘅收銀機已經自動化，客人只要打開機底櫃門，將一籃子衫放入去再閂門，機器會自動掃瞄貨品上面barcode位嘅IC標籤，機器就會計算到總金額，過程只需要幾秒鐘！！仲可以選擇畀現金或碌卡，埋單之後自行將一籃子衫拎到後面櫃枱再自行入袋，好似今次買咗3件衫，成個過程只需要2分鐘，既方便又快捷！

自動收銀機佔位少，動作又快，唔駛等店員逐件「嘟」，完全解決到排隊問題。不過仍然會保留幾個傳統櫃台處理需要退稅嘅貨品。至於香港嘅GU有無自助收銀機，就好似無嘅，不過可以「嘟」八達通同信用卡。提提你，香港GU會喺3月31日美麗華商場店會開幕，而皇室堡店就喺4月1日開幕！

 

是次小分享完畢，有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn
任何博客合作請接洽: aminn613@gmail.com

日本春季必買手信：日本潮流櫻花味製品集合

又到賞櫻嘅季節，除咗獨自無限輪迴loop住「還記得櫻花正開，還未……」之外，當然最好就係去賞櫻啦，當中又以香港人最愛嘅日本為首選。點解？因為日本唔止有得賞櫻，仲有得嚐櫻！係呀，人哋出咗好多櫻花味嘅嘢食嘛。

櫻花牛油味薯片 卡樂B


薯片嚟講，已經唔再淨係得原味、燒烤味、Pizza味嘅世界，而家啲口味愈嚟愈多，之前出完蜂蜜牛油味薯片，櫻花季梗係出返櫻花牛油味應一應節嘛。不過話時話，點解一定要配牛油先？唔知喎，可能就咁得櫻花味就會太清啩。Anyway，最緊要有得食！春日限定呀！

詳情：
九州地區：即日起發售
中國(日本那個喔~)、四國地區： 2月22日起發售

櫻花牛奶咖啡 雪印


人類嘅創意從來都冇停止過，櫻花唔淨止用嚟睇，仲可以飲落肚！將櫻花味加入香滑嘅牛奶同濃郁嘅咖啡度，估唔到又幾有驚喜，一啖入面口感豐富，有少少甘甘地，又有淡淡地鹹鹹地嘅櫻花味，係夾嘅。

詳情：
現於日本便利店有售

櫻花Latte、櫻花戚風蛋糕 Starbucks


將櫻花加入做飲品嘅，又點止得雪印吖？Starbucks同樣將櫻花嘅概念添進佢哋嘅飲品裡面，包括櫻花士多啤梨latte、櫻花士多啤梨Frappuccino同埋櫻花士多啤梨果肉latte ，有一層櫻花味cream喺面，再將咖啡、士多啤梨、白朱古力等等溝埋一齊，但又唔會互相搶咗啲味，很想試吧？試就要一次過試埋佢哋出嘅櫻花戚風蛋糕喇，喺鬆軟嘅蛋糕外層擠多層忌廉，面頭放多片櫻花！喂！同真‧櫻花一樣咁呃like啦！

詳情：
櫻花士多啤梨Latte、櫻花戚風蛋糕：2月15日至3月15日期間限定
櫻花士多啤梨果肉latte：2月16日開始，日本各大便利店發售

金箔櫻花酒 北岡本店


呢隻金箔櫻花酒，淨係睇個樣都贏晒。透明嘅酒樽，打直擺又得、打斜擺又得，入面有一粒粒金箔，仲要有朵櫻花喺度，日日望住都可以當賞櫻呀！呢隻酒酒色粉紅，有櫻花嘅香味，甜甜地好易入口， 而且酒味唔重，都幾啱女仔飲，不過提一提返酒精濃度都有11%㗎！

詳情：
北岡本店

櫻花啤酒 Asahi


如果有留意開嘅朋友應該都會知道，每年大概到咗呢啲時候，Asahi都會推出櫻花期間限定嘅啤酒，而今年嘅主題係「櫻之宴」。雖然味道冇咩大分別，但係個罐又真係幾靚，有時係會忍唔住手買嘅。

詳情：
即日起，日本各大便利店發售

櫻花味可樂 百事


櫻花味可樂帶嚟嘅，唔止係味覺上嘅衝擊，連視覺上都係呀！你幾時有見過支可樂係粉紫色先得㗎？冇呢？我都未！但將會見！下個月飛去日本就有得見喇！

詳情：
日本：3月8日起發售

點解日本櫻花味咁受歡迎？因為日本嘅櫻花味甜甜香香，而香港果Dr叫Hand Cream味！(應該係，除非唔係！)

芝士撻熱潮：日本風味 怎能不愛BAKE

這陣子全城飲食熱話都離不開芝士撻

味道還是其次 市面上又一輪的排隊潮！

不知何時開始 凡有新食店都會吸引一大堆人去排隊

要數長龍不得不提銅鑼灣SOGO的BAKE

多得杜如風之前在<東京攻略>大力推介的日本芝士撻品牌BAKE

事有湊巧不久就在香港開設海外店

(TVB截圖)

BAKE芝士撻是原個由日本急凍再直送香港的 務求味道忠於日本店

不少前來排隊的市民固然為求早吃早享受

BAKE源自北海道札幌市洋菓子老店KINOTOYA

出產的半熟芝士撻超受歡迎

KINOTOYA社長就在2014年創出新品牌BAKE

將芝士撻帶到東京 深得食客歡心

半熟是指芝士撻擁有滑溜creamy的質地

軟心芝士以3種芝士混合而成 撻皮是Aminn最喜歡的曲奇皮

以低温和分階段入爐焗撻 才能做出這種半凝固狀的滑溜口感

一出爐幾條街都聞到呀！

流心芝士漿少少甜 曲奇皮多多脆

本身對芝士撻不是大愛的Aminn 試過之後的確會愛上軟心芝士

BAKE現時每日供應由最初3000增至6000件

而限購量亦由6個加至12個 方便大家買多幾個開心share~

回家吃芝士撻小貼士：

不用即日食 放雪櫃可保留4天

如放雪櫃應先在室溫解凍 待常溫才叮熱

用焗爐低溫叮熱3-5分鐘(芝心脤卜卜的脹起就夠熱)

不建議用微波爐叮熱

BAKE芝士撻每件$20 這次買一打的話$200

價錢不便宜喔~ 不過性價比尚算合理

是次小分享完畢 有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.facebook.com/m.for.aminn / www.instagram.com/starzaminn
有關博客工作紀錄, 任何合作或訪問請接洽: aminn613@gmail.com

不用深夜都有食堂：胡椒廚房拿坡里日式意大利麵

深夜食堂的老闆說 拿波里意大利麵的材料是洋蔥和火腿

再加一點磨菇 最重要一定有青椒！

拿坡里意大利麵的發源地並不是意大利拿坡里

而是日本橫濱！由酒店大廚發明 現時是日本的國民美食

更被列入中小學生的營養午餐 江湖地位顯而易見

作為榮譽產品發展部經理

Pepper Lunch最新推出的拿坡里意大利麵

當然要在未推出市場前進行試食

拿坡里意大利麵的賣點除了甜甜地的番茄醬、咸脆的肉碎和香菇片
當然還有代表Pepper Lunch的鐵板牛肉和雞蛋

建議大家點餐加芝士 完美的意大利式配搭 上餐後記得快手撈均

！新品！Pepper Lunch 拿坡里意大利麵 $69

14/11開催！全線Pepper Lunch分店有售

小貼士 每個Pepper Lunch鐵板都會圍住隔熱紙圈

最新版本加了一個QR code

大家可以填妥連結入面的意見表即送套餐優惠

講多個優惠大家知道

荃灣千色匯Pepper Lunch新店已經幕！

推廣期凡惠顧黑椒牛肉飯 即可以優惠價升級至珍寶size

優惠只限荃灣千色匯、黃埔美食坊同觀塘1亞太中心分店

立刻TAKE  ACTION通知朋友啦！

是次小分享完畢  有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜ 

www.fb.com/m.for.aminn / www.instagram.com/starzaminn
任何合作接洽: aminn613@gmail.com

肌膚吃的和菓子：宇治綠茶 彈性潔面皂球

早前朋友送了Aminn一個以和紙包裝的潔面皂

單看包裝外表絕對可以以為是日本和菓子


拆開後附有圖文並茂的日文說明書


產品組件包括啫喱質地的潔面皂球 還有牙籖一支(?)

這個啫喱質地的潔面皂球非常有彈性
外面還包着一個氣球狀的保護膜 

開封時就需要用牙籤輕輕刺破氣球


即時見到大量的保濕美容液流出

用法跟使用普通潔面皂一樣  濕水後搓起泡沫


要留意~ 泡沫不會很豐盈的
利用泡沫在臉上輕輕打圈按摩 使用完後放回塑料小盒就可以

Kyo-Urara CORON Facial Soap Ball 彈性潔面皂球
Uji Tea 宇治綠茶 (100g/$158)
成份： 透明質酸，褐藻糖膠，紅曲/大米發酵提取物，宇治茶提取物，有機京都蔬菜提取物(茄子加茂，加茂番茄，伏見辣椒)，天然柿子鞣酸，甘蔗提取物


市面上很少有這個程度的天然潔面產品 原材料幾乎是食物
當中加入透明質酸保濕精華和增強肌活力的褐藻糖膠

搓出微細泡沫溫柔地為你的肌膚保濕

嗱~ 真係好彈手架!!


Kyo-Urara CORON Facial Soap Ball 彈性潔面皂球
櫻花 Cherry Blossom / 金箔 Golden leaf / 宇治綠茶 Uji Tea

更多資訊：https://www.facebook.com/sharonsworkshop

產品由品牌提供

是次小分享完畢  有興趣可按 麵語錄aminn 或本站內其他分享 :)


Aminn | Beauty．Food．Fun．Travel．Trendy｜ 

www.fb.com/m.for.aminn / www.instagram.com/starzaminn
有關博客工作紀錄, 任何合作或訪問請接洽: aminn613@gmail.com