趁呢排天氣好到不得了，我哋去咗搭昂坪360水晶車廂，中午去到好太陽到同藍天白雲好接近，喺透明車廂360度睇晒赤臘角機場飛機升降，仲有玻璃地板下嘅海景同山景
阿姐第一次搭昂坪纜車，去程係有少少驚要攬住，回程已經企喺車廂中間走嚟走去睇風景，最勇係佢！
我哋喺午飯時間到達昂坪市集，所以先喺度醫肚，再到附近商店遊走。
喺市集旁邊有巴士站，可以搭巴士去大澳，不過巴士半個鐘一班，大家要預早時間過去呀！
我哋就近近地行過隔離 #寶蓮禪寺 同 #天壇大佛(大佛維修中，重開日期未定)，亦可以到昂坪奇趣徑嘅 #心經簡林
而家少咗遊客到昂坪，市集廣場都有充裕空間俾小朋友喺度玩，阿姐仲帶咗吹泡泡嚟
昂坪市集仲同恆香老餅家搞緊聯乘活動，除咗有展覽館，市集廣場仲有唔同嘅恆香傳統食品佈置俾大家盡情打卡！
