【對付汗味「噏」味】Ariel三合一3D洗衣膠囊 輕鬆搞掂！

洗衫係每個家庭嘅基本動作，能夠成為日本連續5年銷售NO.1洗衣產品，究竟有乜吸引之處？ 深層50倍抗菌？72小時長效抗臭？100種污漬一次洗淨？好似明白，但又好似唔明白。 原來上年消委會測試咗唔同洗衣液同洗衣膠囊，日本製Ariel評分係頭3名，作為師奶仔，睇口碑、效果最緊要，果然係有實力！
喺香港悶熱潮濕嘅天氣，明明晾咗成日衫，啲衫總係有陣「噏」味，原來係因為附喺衣物上面嘅細菌未清洗乾淨，隨住時間發酵，就會產生「噏」味。點樣可以解決衫上面嘅汗味同「噏」味問題？
Ariel三合一3D洗衣膠囊嘅外型好特別，三種顏色鮮豔嘅超濃縮洗衣液原來分別係抗菌除臭、深層去漬、潔淨亮白功能。一盒Ariel三合一3D洗衣膠囊內含18粒膠囊，一般2-3人家庭嘅洗衣量(<6kg)用一粒就可以輕鬆搞掂！當然如果屋企係使用7-8kg洗衣機，就需要用兩粒喇～

外盒嘅3點開盒安全設計，避免小朋友輕易打開到。用洗衣膠囊嘅時候切記唔可以濕手，因為洗衣膠囊嘅外膜遇水就會溶解！如果唔小心手濕就去拎，可能未洗衣衫就已經洗手嚕～


首先將洗衣膠囊放入洗衣機筒，再將有味嘅衫或者有污漬嗰面對住膠囊放落去，然後放埋剩餘嘅衫入去就可以開機洗衫。


Ariel三合一3D洗衣膠囊，每次放一粒就可以洗一機衫，使用簡單、收納方便，啲衫洗完之後仲有淡淡香味，同其他化學香味好唔同，而啲衫乾咗之後香味無咗，亦唔會有其他怪味。而家出街，尤其係長期「霉」雨天都唔怕尷尬嚕～
記住認明包裝上面紅色 P&G 原裝正貨貼紙至好買呀！

是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting) www.facebook.com/sy.lam.family

任何合作請接洽：aminn613@gmail.com 

【Goodnight KISS】Kiehls奶油修護晚安唇膜 嘴仔都要全天候保濕

每日返工10幾個鐘，有無發現喺office越嚟越需要補潤唇膏？其實肌膚每日接觸住越嚟越混濁嘅空氣，嘴唇同樣每日面對負擔，唔好好保養嘅話唇紋就會靜雞雞出現，而且唇色都有機會變暗！
除咗keep住搽潤唇膏，原來仲可以同嘴唇敷mask！

Kiehl’s全新奶油修護晚安唇膜Buttermask for Lips，成份採用咗野生芒果油Wild Mango Butter同椰子油Coconut Oil，外觀真係似Butter，用手指掂下質感係好幼滑。


每晚利用晚間睡眠嘅黃金時間敷個晚安唇膜，令嘴唇肌膚都可以改善乾燥狀況，第二朝起身嘴仔充分得到滋潤，日間可以薄薄塗一層，為嘴唇提供全天候保濕，就可以keep住健康水潤啦！
before
after

是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting) www.facebook.com/sy.lam.family

任何合作請接洽：aminn613@gmail.com 

【一瓶抗氧亮膚】Kiehl's醫學雙維他命C抗氧亮活精華！升級版！

維他命C除咗係身體嘅必需品，仲係肌膚嘅營養品！就好似Kiehl's全新嘅升級版醫學雙維他命C抗氧亮活精華咁，配方含高濃度豐富維他命C抗氧亮活精華，強效提升修護肌膚功效，而且任何肌膚都適用，非常吸引！

有無諗過原來一支精華蘊含嘅維他命C = 約200個鮮橙嘅維他命C！？

Kiehl's Powerful-Strength Line-Reducing Concentrate升級版醫學雙維他命C抗氧亮活精華，蘊含濃度達 12.5% 維他命C，真正能夠為肌膚達至抗氧化！

配方增加維他命C濃度至12.5%，其中10.5%係純維他命C，可以收細毛孔，另外2%就係維他命Cg，可以即時提亮同提升純維他命C功效，所以呢對雙維他命C拍檔係美肌最強配方！

而且仲添加咗微細透明質酸，分子極小嘅透明質酸能夠迅速被肌膚吸收，高鎖水能力可以改善肌膚質感同時達至深層保濕，提升亮澤度同減淡幼紋，經測試實證能發揮更強效的修復功效！

按壓式泵裝瓶蓋設計，每次用2-3泵精華就可以搽晒全面，又乾淨又方便。精華呈白色乳狀，味道真係帶淡淡柑橘香甜味 ，搽上面之後表層會有層薄薄精華包住，感覺輕盈唔會有油膩感(睇下手背對比～) ，之後迅速就被肌膚吸收晒。

用咗幾日之後肌膚明顯水潤之餘，膚色均勻同亮澤咗。持續使用仲可以收細毛孔同減淡幼紋，有效改善膚質，肌膚就自然回復年輕啦！



是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting) www.facebook.com/sy.lam.family

任何合作請接洽：aminn613@gmail.com 

【15分鐘快手整】自然瘦健康早餐 溏心蛋+甘筍蕃茄汁

炒蛋、煎蛋、蒸蛋都係方便快捷嘅雞蛋早餐，原來只要識得正確嘅食蛋方法，仲可以自然瘦身添！日本就有網民實測「早餐烚蛋減肥法」，每日只要喺早餐食烚蛋，而其餘兩餐可以正常食，10日都自然瘦咗2kg！大家會唔會都即刻轉食烚蛋早餐呢？

趁假期等我輕鬆整個溏心蛋做早餐先！
因為整溏心蛋過程都需要少少時間，中間榨埋杯甘筍蕃茄汁時間就啱啱好！


材料：
雞蛋  2隻
鹽  1茶匙
甘筍  1條
蕃茄  2個



【溏心蛋】步驟：
1. 先洗淨雞蛋外殼，備用
2. 用大火煮好滾水（水量要浸過雞蛋），水滾之後就落鹽

3. 將雞蛋用勺輕輕放到鍋底，以免蛋殼裂開

4. 煮蛋5分鐘，然後舀起雞蛋放入凍水直至放涼（水量要浸過雞蛋）

5. 另開一大碗開水或者過濾水，將雞蛋放喺乾淨水入面剝殼

6. 切開，就完成

小貼士：
－如果怕蛋黃非全熟會有菌，可選用日本雞蛋
－將雞蛋放入乾淨水剝殼容易剝出光滑雞蛋
－想外觀靚一啲，可以將完成嘅溏心蛋浸漬一個鐘以上，用滷水、醉雞汁、壽喜燒汁都可以

【甘筍蕃茄汁】步驟；
1. 洗淨甘筍同蕃茄，切件備用

2. 將蔬果放入慢磨原汁機，啟動榨汁功能




3. ，完成榨汁之後先打開果汁個蓋，就完成

小貼士：
－甘筍本身水份唔多，榨汁時可以加少量冰粒、水或者其他水份豐富嘅蔬果

－甘筍避免配搭豐富維他命C嘅水果，因為會將維他命C成份降低
－甘筍較適合配搭有豐富維他命A、B、D、E的水果，例如番茄、蘋果、雪梨、西瓜等


是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting) www.facebook.com/sy.lam.family

任何合作請接洽：aminn613@gmail.com 

【I Know that feel 荷爾蒙】論盡爆煲媽咪《Tully》8月30日獻映

生仔之後嘅媽媽究竟係咩一回事? 呢種由懷孕到new born帶嚟嘅苦與甜，男人從來無從得知女人嘅內心。最近有套可以將生仔之後嗰種「I Know that feel 荷爾蒙」感覺表達出嚟嘅電影，確實係不得了。
講緊嘅就係早幾個月已經喺美國上映嘅《Tully》(論盡爆煲媽咪) 終於嚟到香港，呢套由《Juno少女孕記》嘅編導班底製作，不過今次主角就唔再係未婚媽媽，而係金像影后查莉絲花朗(Charlize Theron)，佢仲專登增肥35磅去飾演呢個頹媽角色！ 主角Marlo雖然唔係新手媽媽，仲要本身已經有2個小朋友，細仔仲係有特殊照顧需要，電影開初已經盡顯佢生活有幾頹，加上有個好勤力返工同打機嘅老公，然後仲要迎接new born baby，真係一個打4個！

BB出咗世之後佢直頭迷失咗，喺呢個時候，就有一個年輕嘅夜班褓母Tully出現，一夜之間好似就解決晒所有問題咁，之後Marlo越嚟越搵到自己咁，個人都開心返，連兩公婆嘅關係都大躍進，真係咁簡單？



如果細心啲睇，故事情節中間會令人出現好多問號，要到差不多結尾，用一句對白就會揭開所有之前嘅答案！ 其實懷孕同產後經歷荷爾蒙暴升暴跌、角色上嘅轉變、日夜照顧BB，放產假嘅時候操勞，返工之後又可能要面對唔同壓力，加上同屋企人為BB經常出現嘅鎖碎問題，好容易令媽媽嘅情緒有唔同程度嘅狀況。我明，我真係明！


如果各位媽媽喺產後覺得任何唔開心，唔好怕覺得自己情緒出現問題，多啲同屋企人同朋友分享感受，真係頂唔順就算幾唔願意都有需要搵幫手，唔好由得自己一個獨自面對呀！
故事想帶出嘅思考就係阿媽都只係一個人，而唔係一個超人嘅角度去睇做咗媽媽之後受到嘅唔同壓力，描寫得細緻精彩，好適合夫妻同準備結婚嘅情侶入場。 最後講講個香港譯名，「論盡」語帶雙關，究竟係要「論盡」做人老母甚艱難？定為做人老母可以有幾「論盡」呢？就留返大家入場睇喇！


是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting) www.facebook.com/sy.lam.family

任何合作請接洽：aminn613@gmail.com 

【新品率先試】輕盈持久底妝無懼夏日 Lancome極致持妝粉底

而家夏天嘅天氣延長，每一日都繼續室外潮濕悶熱、室內乾燥冷氣環境，對底妝係長期挑戰！化妝其實都係想令肌膚變得細緻無瑕，所以想打好啲個底妝，貼服、透薄最緊要！

護膚步驟之後先上一層隔離霜，除咗修飾瑕疵，仲可以令底妝更貼服。La Base Pro妝前柔滑隔離霜屬透明啫喱質地，無色無味，觸感幼滑易推。獨有3D原光科技有效咁折射光線，可以修飾到幼紋、毛孔等小瑕疵，營造基本幼滑肌膚，少少一泵份量已經足夠全面使用。

 
用完之後見到肌膚有啲令令地，質地乾爽唔需要等佢吸收，跟手就可以上粉。


至於粉底，個人較鍾意粉底液，因為容易control，而且而家好多粉底都有高遮瑕度，上妝越嚟越快手同得心應手。最近我都收到熱門嘅Lancome Teint Idole Ultra Wear極致持妝粉底，聲稱可以持妝18個鐘而且有高度遮瑕兼輕盈透薄，加上水潤配方，可以全日保持清爽無負擔嘅亮澤妝感。

Teint Idole Ultra Wear極致持妝輕透粉底液一共有12款色調選擇，具備SPF38/ PA+++防曬系數，足以應付日常嘅戶外活動。

我手上分別有B-01同B0-04 2個色調，一般唔係太白嘅女仔會較適合用BO-04。


全新配方專為亞洲肌膚而設，粉底嘅質感水潤而且透薄，塗抹之後好容易推開，非常貼服。試用上手，都遮到我手背「青筋」自然好多。

試用上面(圖左邊)，整體感覺營造到柔滑細緻嘅「半啞緻」效果，最重要唔會顯得妝感重，尤其對黑眼圈淡咗無咁「瘀青」。


喺街上無出現溶妝跡象，出完街之後底妝都保持到完整，肌膚摸上去仲係柔滑嘅，持妝效果的確唔錯。

原來遮瑕度同輕盈透薄係可以並存，正如Lancome極致持妝輕透粉底液嘅水潤質地同持妝能力無懼室內外氣溫反差，每日都可以舒適自然嘅妝容示人！

資料：
Teint Idole Ultra Wear極致持妝輕透粉底液 SPF38/PA+++ (全12色調) HK$390
La Base Pro妝前柔滑隔離霜 HK$320

了解更多：https://www.facebook.com/lancomehk


是次小分享完畢，有興趣可按 麵語錄食玩遊記 by Aminn 或 C家重地 其他分享 :)

Aminn | Beauty．Food．Fun．Travel．Trendy｜ 

麵語錄食玩遊記 by Aminn (Lifestyle)

www.facebook.com/m.for.aminn / www.instagram.com/starzaminn 

C家重地 (Parenting) www.facebook.com/sy.lam.family

任何合作請接洽：aminn613@gmail.com